Enfumu 8
8
Ebya Bwengye
1 #
Enf 1:20, 21; 9:3. Bwangye tarikweta,
Kandi Kwetegyereza tarikwimutsya eiraka rye?
2Ayemereire aha mutwe gw'ebibungo,
Omu nteeraniro z'emihanda,
3Aha rubaju rw'amarembo omu maisho g'orurembo,
Ahu orikutaahira nooza omu irembo, niho arikwetera n'eiraka rihango naagira ati:
4Imwe bashaija 'mwe, manya niimwe ndikweta,
Kandi eiraka ryangye niryeta abaana b'abantu.
5Imwe abataine bwengye, mwegye okwerinda,
Naimwe abashema, mugire omutima ogurikwetegyereza.
6Muhurire, ahabw'okuba ebi naaza kubagambira ni bikuru,
Kandi eminwa yangye neija kugamba ebihikire;
7 #
Zab 37:30. Ahakuba akanwa kangye kaaza kugamba amazima,
Kandi okugamba ebibi eminwa yangye nikyo enuga.
8Ebigambo by'omu kanwa kangye byona bihikiriire;
Tibirimu kigambo na kimwe ekikiikakiikire nari ekitegami;
9 #
Enf 14:6. Byona nibishoborokyera orikwetegyereza,
Kandi n'ebihikire aha barikuzoora okumanya.
10 #
Enf 3:14, 15; Zab 119:72, 127. Mwakiire okwegyesa kwangye okukira efeeza,
N'okumanya okukira ezaabu etoorainwe;
11Ahabw'okuba obwengye nibukira amabaare g'obuguzi bwingi,
Kandi omu birikwetengwa byona tihaine kirikwingana nabwo.
12Nyowe Bwengye, okwerinda nkakugira obutaaho bwangye,
Nzoire okumanya n'okwetwara.
13 #
Enf 16:5, 6; Zab 97:10. Okutiina MUKAMA nikwo kwanga ebibi;
amaryo n'emyehimbiso, omuhanda gw'obubi,
N'ebigambo by'okwehabagiza nibyo nyanga.
14 #
Mub 7:19; Isa 11:2. Niinye mukama w'enaama n'obwengye obuhikire,
Niinye kwetegyereza, kandi nyine obushoboorozi,
15 #
Dan 2:21; Rom 13:1. Abagabe bategyeka ahabwangye,
N'abategyeki bataho ebiragiro by'oburyo.
16Ahabwangye abanyiginya bategyeka
N'abakungu batwara ensi.
17 #
1 Sam 2:30; Zab 91:14; Yoh 14:21; Yak 1:5. Abankunda mbakunda,
N'abataho omutima kunsherura, bambona.
18 #
Enf 3:16; Zab 112:3; Mat 6:33. Eitungo n'ekitiinisa niinye mbiine,
Hamwe n'obutungi oburikugumaho n'okugogyera.
19 #
Yob 28:15. Ebijuma byangye nibikira ezaabu, nangwa n'ezaabu eshemeziibwe,
Kandi ebi nyerize nibikira efeeza etoorainwe.
20Ngyendera omu mihanda y'okuhikiirira,
N'omu tuhanda tw'oburyo,
21Ngu mbone kutungisa abarikunkunda,
N'okwijuza amabiikiro gaabo.
22 #
Enf 3:19; Zab 104:24; Yoh 1:1. MUKAMA akampanga naakitandika emirimo ye,
Atakagizire ki yaahanga.
23 #
Kut 1:2; Yob 15:7; Zab 90:2. Okwiha ira ryona nkateebwaho,
Omu kutandika, ensi etakahangirwe.
24Okuzimu etakabaireho nkoorekwa butunu,
Enshuro ezirikuhimintika amaizi maingi zitakabaireho,
25Enshozi zitakahangirwe,
N'ebibungo bitakabaireho, nibwo naayorekwa;
26Ruhanga atakahangire nsi n'obwerere,
N'obu gwakuba omucuucu gw'omu nsi ogwabandize.
27Obu yaataho eiguru, nkaba ndiho;
Obu yaataho obugarukiro bw'okuzimu,
28 #
Kut 1:6. Obu yaahamya eiguru ahaiguru,
Obu yaataho enshuro z'okuzimu,
29 #
Kut 1:9, 10; Yob 26:10; Zab 104:5. Obu yaateeraho enyanja obugarukiro,
Ngu amaizi gatarenga emisingi y'ensi;
30 #
Yoh 1:1, 2. Obwo nkaba ndi hamwe nawe, ndi omukozi mukuru;
Obutoosha niinye naabaire ndi okushemererwa kwe,
Niinyesiimira omu maisho ge buri izooba,
31 #
Zab 16:3; 104:31; Isa 45:18. Niinyesiimira omu nsi eyaahangirwe kutuurwamu,
Kandi okushemererwa kwangye kukaba kuri okuguma n'abntu.
32 #
Zab 128:1; Luk 11:28. Mbwenu hati, baana bangye, mumpurire,
Ahabw'okuba abarikugumizamu emihanda yangye bahiiriirwe.
33Muhurire ebi ndikubahabura,
Mugire obwengye, mutabyanga.
34 #
Enf 3:13. Ohiiriirwe n'orikuunyorobera,
Akaguma omu marembo gangye naareeba,
Ategyerereize aha biti by'emiryango yangye;
35 #
Enf 3:18; 4:22; Yoh 1:4; 17:3. Ahabw'okuba ondeebire weena aba aboine amagara,
Kandi atunga obushongore ahari MUKAMA;
36 #
Enf 15:32; 21:6. Kwonka orikuncumuraho, naaba asiisire amagara ge.
Boona abarikuunyanga, nibaba bakunzire rufu.
Currently Selected:
Enfumu 8: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
