Enfumu 31
31
Omugabe oku ashemereire kuba
1 #
Enf 30:1. Ebigambo bya Lemueli, omugabe wa Maasa, ebi yaayegyesiibwe nyina.
2N'enki, mwana wangye, ou naayezaariire?
N'enki, mwana wangye, ou naaraganiise Ruhanga nimpiga?
3 #
Bir 17:17; 1 Bag 11:1, 4; Neh 13:26. Otariha abakzi amaani gaawe,
N'obu kwakuba okuza omuri abo abacwekyereza abagabe.
4 #
1 Bag 20:16; Mub 10:17; Hos 4:11. Tikishemereire bagabe, iwe Lemueli,
Ti ky'abagabe kunywa viinyo,
N'obu baakuba abategyeki kwetenga ebirikusinza,
5 #
Isa 5:22, 23. Ngu batakaanywa, bakeebwa ebiragiro,
Bakaita emanja z'abarikubonabonesibwa boona.
6Ekirikusinza okihe orikwenda kufa,
Na viinyo ogihe oine obusaasi bwingi omu mutima,
7 #
Zab 104:15. Anywe, ayebwe obworo bwe, arekye kwijuka enaku ze.
8 #
Yob 29:12, 15, 16; Isa 1:17. Yashamya akanwa kaawe, ogambirire ebiteta,
Kandi otonganire abatsigirweho abataine ifo na ruguru.
9 #
Lev 19:15; Bir 1:16; Yer 22:16; Zek 7:9, 10; Yoh 7:24. Yashamya akanwa kaawe, ocwe emanja z'oburyo,
Orwanirire abooro n'abakyene.
Okusiimwa kw'omukazi w'omutima
10 #
Enf 12:4. Omukazi w'omutima, n'oha owaakumuzoora?
Ahakuba naakira amabaare g'obuguzi bwingi.
11Omutima gwa iba gumwesiga,
Kandi omushaija we taribura kutunga.
12Ebiro byona eby'amagara ge
Akora gye iba, tamukora kubi.
13Ayezirika kutunga ebyoya by'entaama na furakisi,
Kandi akora n'emikono eyekundiire.
14Omukazi ogwo ni nk'amaato g'abashuubuzi,
Aiha eby'okurya bye hare.
15 #
Enf 20:13; Mat 24:45; Luk 12:42. Aimuka butakaseesire,
Atebeekanisiza ab'omu ka ye eby'okurya,
Kandi n'abazaana be abateekateekyera emirimo.
16Ayetegyereza omusiri, agugura,
Agubyaramu emizaabibu, naakoresa ebirugire omu mikono ye.
17Ayezirika amaani nk'omweko, kandi ahamya emikono ye.
18Amanya ebi arikukora ku bimwiniire omugasho,
Kandi etabaaza ye nyekiro teraara.
19Emikono ye agita aha kiti ky'ebyoya by'entaama,
N'engaro ze zikwata akati k'okukaragisa.
20Ashashaanurira abooro engaro,
N'abakyene abahwera n'emikono ye.
21Tatiinirira b'omu ka ye biro by'embeho,
Ahabw'okuba ab'omu ka ye boona bajwara ebirikutukura.
22Ayebaziirira eby'okwefubika,
Kandi ajwara emyenda ya bafuta na bujwa.
23 #
Rus 4:1, 2. Iba amanyirwa omu marembo, ashutami n'abakuru b'ensi.
24Abaziira ebijwaro bya kitaani, kandi abitunda,
Abashuubuzi abaha emyeko.
25Amaani n'ekitiinisa nibyo bijwaro bye;
Ebiriija tabitiina, abishekyerera.
26Akanwa ke kagamba eby'obwengye,
Kandi okwegyesa eby'embabazi tikumuruga mu kanwa.
27Areeberera gye emicwe y'ab'omu ka ye;
Kandi tariira koya.
28Abaana be baimuka, bamweta ow'omugisha;
Kandi na iba amusingiza naagira ati:
29Abakazi baingi batwaza gye, kwonka iwe obakira boona.
30 #
Enf 11:16. Karimi karungi n'oburyarya; kandi oburungi ni busha;
Kwonka omukazi otiina MUKAMA aba ow'okusiimwa.
31Mumusiime ahabw'ebi emikono ye ekozire,
Kandi emirimo ye emuhimbisise omu marembo.
Currently Selected:
Enfumu 31: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
