Omubuurizi 1

Eby'okurinda orurimi

1Ebigambo by'Omubuurizi, mwene Daudi, omugabe ow'omuri Yerusaalemu.

2 # Yob 7:16; Zab 39:5; 144:4; Rom 8:20. Omubuurizi naagira ati:

Busha erikukira busha yoona,

Byona ni busha!

3 # Mub 3:9. Ni mugasho ki ogu omuntu aiha omu kufa kubi kwona,

Oku afa kubi ahansi y'eizooba?

4 # Zab 119:90. Obusingye burugaho, obundi bwija,

Kwonka ensi yo egumaho obutwire bwona.

5 # Zab 19:4-6. Eizooba rituruka, kandi rirenga,

Bwanyima rirahuka kugaruka ei riruga.

6 # Mub 11:5; Yon 3:8. Omuyaga gutoora obukiizi-bwa-buryo,

Gugaruka gutoora obwa-bumosho,

Guhindahinduka omu rugyendo rwagwo,

Kandi gugaruka omu kwehinguririza kwagwo.

7Emigyera yoona ehsuka omu nyanja,

Kwonka enyanja teijura;

Ei emigyera eza, niyo egaruka kuza.

8 # Enf 27:20. Ebintu byona biijwire oburuhe,

Obu omuntu atarikubaasa kushoboorora.

Eriisho tirihaaga kureeba,

N'okutu tikuhaaga kuhurira.

9 # Mub 3:15. Ekirabaireho nikyo kiriguma nikibaho;

Kandi ekirakozirwe nikyo kiriguma nikikorwa.

Tihariho kisya ahansi y'eizooba.

10Hariho eki abantu baakugambaho ngu, Reeba, eki ni kisya?

Nakyo kirabaireho ira omu biro ebyatubandiize.

11 # Mub 2:16; 9:5. Ebya ira tibikiijukwa,

N'ebiribaho, ebitakabeireho, abarikurataho tibaribiijuka.

Obwengye nabwo okutagira mugasho

12Nyowe Omubuurizi nkaba ndi omugabe wa Israeli omuri Yerusaalemu. 13#Mub 3:10; Kut 3:19. Nkata omutima aha kusherura n'okucondooza obwengye, ngu mbone kumanya ebirikukorwa ahansi y'eiguru byona; naashanga kuri okufa kubi okw'obusaasi oku Ruhanga yaahaire abantu kubarusya. 14#Mub 2:11; 4:4. Nkeetegyereza byona ebirikukorwa ahansi y'eizooba, naashanga byona biri busha, biri okwitanira omuyaga.

15 # Mub 7:13. Ekikiikami tikirikubaasa kugororwa,

Kandi ekitahikire tikirikubaasa kubarwa.

16 # Mub 2:9; 1 Bag 3:12. Naateekateeka omu mutima gwangye nti: Reeba, ngizire obwengye bwingi okukira boona ab'omuri Yerusaalemu abambandiize; omutima gwangye gumazire omwanya muhango nigukoresa obwengye n'okumanya. 17#Mub 2:12; 7:25. Naata omutima aha kwetegyereza obwengye n'obugwa-iraro n'obushema; naashanga nabyo kuri okwitanira omuyaga.

18Ahakuba obwengye bwingi bubamu enaku nyingi,

Kandi oyeyongyera okumanya, ayeyongyera obusaasi.

Currently Selected:

Omubuurizi 1: RR64

Highlight

Copy

Compare