Enfumu 30
30
1 #
Enf 31:1. Ebigambo bya Aguri mwene Yaake owa Maasa. Ogwo mushaija naagira Ityeli, Ityeli hamwe na Ukaali ati:
2 #
Zab 73:22. Buzima ndi ekituuriizi, ekitashemereire kuba omuntu;
Tiinyine kwetegyereza nk'okw'omuntu.
3Tindeegire bwengye, kandi tindikumanya Orikwera.
4 #
Zab 104:3, 4; Yob 26:8; Yoh 3:13; Kush 19:12. N'oha owaatembire omu iguru, akagaruka, akashuuma?
N'oha owaafumbatiize omuyaga omu ntomi?
N'oha owaazingiriire amaizi omu mwenda?
N'oha owaateireho enshonda zoona ez'ensi?
Eiziina rye n'oha, n'ery'omutabani niriiha,
Ku oraabe noogamanya?
5 #
Zab 18:30. Buri kigambo kya Ruhanga kihamibwa ku kiri eky'amazima;
Niwe ngabo y'abamuhungiraho.
6 #
Bir 4:2. Otagira eki waayongyera aha bigambo bye,
Atakaakuhana, okashangwa ori omubeihi.
7Ninkushaba ebintu bibiri, otabiinyima ntakafiire.
8 #
Mat 6:11. Nyihaho ebitaine mugasho n'ebishuba, obite hare;
Otampindura omworo nari omutungi,
Kureka ogume ompe eby'okurya ebinshemereire,
9 #
Kur 5:2; 20:7; Bir 8:12, 14. Ntakaiguta munonga, nkakwehakana,
Nkagira nti: MUKAMA niki?
Nari shi, ntakaba omworo nkaiba.
Nkajumisa eiziina rya Ruhanga wangye.
10 #
Zab 15:3. Otaribeiherera omuheereza ahari mukama we,
Nyentsya atarikukyeena, okagiibwaho orubanja.
11 #
Kur 21:17. Hariho abakyeena baishebo,
Kandi batashabira baanyinabo omugisha.
12 #
Enf 16:2; Isa 65:5; Luk 18:11; Kush 3:17. Hariho abeeyeta abashemeire,
Kwonka bateeziibweho bihagaro byabo.
13 #
Zab 101:5. Hariho n'abandi; yeimwe, eshi bagira amaisho g'amaryo,
Bagayisa abantu amaisho!
14 #
Zab 14:4; Amo 8:4. Hariho abu amaino gaabo geemi nka rurara,
N'ebigigo byabo biri nk'emisyo,
Okumira abooro, bakabamara omu nsi,
N'abakyene, bakabamara omu bantu.
15Omushundo gwine bahara baagwo babiri,
Bashaba obutoosha nibagira bati: Mpa! Mpa!
Hariho ebintu bishatu ebitahaaga,
Nangwa ni bina, ebitagira biti, Naiguta;
16 #
Kut 30:1. Nibyo ebi–Okuzimu, enda y'engumba,
Ensi etahaaga amaizi.
N'omuriro ogutakagiraga guti, Naiguta.
17 #
Enf 23:22; Kut 9:22; Yer 16:4. Eriisho ry'oteerera ishe enaku,
Akeekunika, akanga kworobera nyina,
Riryanonkoorwa ebikoona by'omu mpanga,
Ririibwe amahungu.
18Hariho ebintu bishatu ebikira kuntangaaza,
Nangwa ni bina ebi nteetegyereza,
19Nibyo ebi: Emizeereerere y'empungu omu mwanya,
Emigyendere y'enjoka aha rukiri,
Emigyendere y'emeeri aha nyanja,
N'emitwarize y'omushaija aha mwishiki.
20Nikwo n'emitwarize y'omukazi enshambani eba.
Arya, ayeragaza aha minwa, agira ati: Tiinyine ki naashobya.
21Hariho ebintu bishatu ebitengyetsa ensi,
Nangwa ni bina ebi etabaasa kugumisiririza,
22 #
Enf 19:10. Nibyo ebi: Omuhuuku kuba omugabe,
Omushema kuhaaga eby'okurya,
23Omwishiki owaabengirwe kushwerwa,
N'omuzaana kuhungurira mugore we.
24Aha nsi hariho ebintu bina, n'obu biraabe biba bikye,
Kwonka bigira obwengye bwingi munonga.
25 #
Enf 6:6-8. Nibyo ebi: Ebimunyu n'eihanga eritagira maani,
Kwonka byehunikira eby'okurya omu kyanda;
26 #
Zab 104:18. Endirira n'eihanga eritagira maani,
Kwonka zeegirira amaju omu mabaare;
27 #
Yoel 2:7, 8. Enzigye tizigira mukama,
Kwonka zigyendera hamwe omu buteeka;
28N'ekinya n'ekintu eki orikubaasa kutwara omu ngaro,
Kwonka kituura omu bikaari by'abagabe.
29Hariho ebintu bishatu nangwa ni bina,
Ebinyigimba omu migyendere yaabyo.
30Nibyo ebi: Entare egira amaani okukira ezindi nyamaishwa,
Kandi tegira kindi kyona eki ehunga;
31Embaraasi y'aha rugamba, empaya y'embuzi,
N'omugabe otaturukirirwa.
32 #
Mik 7:16. Ku oraabe okozire eby'obushema, okeetunguura,
Nari okateekateeka kukora kubi, kwata aha munwa;
33Ahabw'okuba okucunda amate kujwisa amajuta,
Okumiga enyindo kujwisa eshagama,
N'okwitsa ekiniga kureeta entongane.
Currently Selected:
Enfumu 30: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
