Enfumu 29
29
1 #
Enf 1:14-27; 6:15; Yer 19:11. Orikuhanwa kaingi, akaguma agangaize ebitsya,
Aryahendeka kitaraariire, kandi taritambirwa.
2 #
Enf 28:12, 28; Est 3:15; 8:15. Abahikiriire ku bategyeka, abantu bashemererwa;
Kwonka ababi ku bategyeka, abantu batsinda, baborooga.
3 #
Enf 6:26; 10:1; 1 Bag 1:48. Okunda obwengye ashemeza ishe;
Kwonka okwatanisa na baamaraaya, ashiisha ebye.
4Omugabe ocwera ensi ye emanja z'oburyo, agihamya;
Kwonka orya enguzi, agicwekyereza.
5 #
Enf 28:23; Zab 9:15. Omuntu ogira ekimama ahari mutaahi we,
Aba nk'omutegire ekigoye.
6 #
Mub 9:12. Omu kucumura kw'omuntu mubi habamu omutego;
Kwonka ohikiriire ayesiima, ateera akaari.
7 #
Yob 29:16; Zab 41:1. Ohikiriire amanya ebishemereire omunaku,
Kwonka omubi tagira kwetegyereza kw'okubimanya.
8Abagayi bajagaraza orurembo,
Kwonka abanyabwengye baikaikanisa ekiniga.
9Ow'obwengye ku ahakana n'omushema,
Omushema n'obu agira ekiniga kingi, nari akasheka,
Hoona tihabaho buhuumure.
10 #
Kut 4:5, 8; 1 Yoh 3:12. Abakunda kwitana banga otaine kamogo;
Kandi n'ow'omutima gugororokire basherura oku baraamwite.
11Omushema ayoreka butunu ekiniga kye kyona,
Kwonka omunyabwengye ayezibira, akiikaikanisa.
12Omutegyeki ku arikutega amatu enkuru z'ebishuba,
Abatware be boona baryahinduka babi.
13 #
Enf 22:2; Zab 13:3. Omworo n'orikuhata bateeranira hamwe;
MUKAMA ahwezesa amaisho gaabo bombi.
14 #
Enf 16:12; Zab 72:2, 4. Omugabe orikucwera abooro emanja omu bwinganisa,
Ekitebe ky'obugabe bwe kiryahamibwa ebiro byona.
15 #
Enf 10:1. Omunyaafu n'okuhana byegyesa obwengye;
Kwonka omwana ou bahugaho, ahemura nyina.
16 #
Zab 37:34; 91:8. Ababi ku bakanya, n'eby'okushiisha bikanya;
Kwonka abahikiriire baryareeba okugwa kwabo.
17 #
Enf 13:24. Hana omwana waawe, arykuruhuura,
Ashemeze omutima gwawe.
18 #
Kur 32:25; 1 Sam 3:1; Amo 8:11, 12; Yoh 13:17; Yak 1:25. Ahatari kworekwa abantu banga kutegyekwa,
Kwonka oyorobera ebiragiro, ahiiriirwe.
19Omuheereza tategyekwa bigambo byonka,
Ahakuba, n'obu abihurira, tabyetaho.
20 #
Enf 26:12. Beitu nooreeba omuntu orahukwa aha rurimi?
Bakaagira amatsiko aha mushema okukira ogwo.
21Omuhuuku orikwiha omu buto naatetsibwa mukama we,
Aha muheru aryashangwa yaabaire omuhunguzi.
22 #
Enf 15:18. Omunyakiniga aimutsya entongane,
Orikurahuka kuguubwa kubi akanyisa ebicumuro.
23 #
Enf 11:2; 15:33; Mat 23:12; Yak 4:6. Amaryo g'omuntu garyamugarura ahansi,
Kwonka orikucureera omu mutima aryaheebwa ekitiinisa.
24 #
Lev 5:1. Okwatanisa n'omushema, aba ayangire amagara ge;
Ku ahurira nibamurahiza, tagira ki agarukamu.
25 #
Enf 18:10; Kut 12:12, 13; Yoh 12:42, 43. Okutiina abantu kureeta omutego,
Kwonka orikwesiga MUKAMA aryaguma ari buhooro.
26 #
Isa 49:4. Baingi bakunda kushongoka aha mutegyeki,
Kwonka MUKAMA niwe areetera omuntu kucwerwa orubanja rw'oburyo.
27Otahikiriire n'ekirikunugwa aha bahikiriire,
Kandi ow'omutima gugororokire n'ekirikunugwa aha babi.
Currently Selected:
Enfumu 29: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
