Enfumu 28
28
Okugyeragyeranisa abarungi n'ababi
1 #
Lev 26:17; 1 Sam 17:37. Omubi ahunga, hataine omubingire;
Kwonka abahikiriire baba emanzi nk'entare.
2 #
1 Bag 16:8-23. Ensi ku eshobya, egira abategyeki baingi;
Kwonka ku egira abanyabwengye abaine okumanya,
Bagireetera okuguma ehamire
3 #
Mat 18:28. Omworo orikuhata abandi booro,
Ni nk'enjura etatsiga myaka.
4 #
1 Bag 18:18, 21; Neh 13:11, 15; Mat 3:7; Rom 1:32. Abareka ebiragiro basiima ababi,
Kwonka ababyorobera babarwanisa.
5 #
Zab 92:6; 119:100; Yoh 7:17; 1 Kor 2:15. Enkozi z'ebibi tizimanya by'oburyo,
Kwonka bashrura MUKAMA bamanya byona.
6 #
Enf 19:1. Omworo ogyendera omu bwesigwa
Akira omutungi oyehabagiriza omu mihanda ye.
7 #
Enf 23:20. Omwana oyorobera ebiragiro aba ow'obwengye,
Kwonka onywana n'abanyamururu ahemura ishe.
8 #
Enf 14:31; Lev 25:36. Okanyisa eitungo rye ahabw'ebiteebwamu n'amagoba ebirengyesereize,
Aba ahendekyeire orikusaasira abooro.
9 #
Enf 15:8; Zab 109:7. Oyeita amatu ngu atahurira ebiragiro,
Okushaba kwe kuba ekirikunugwa.
10 #
Zab 7:15. Orikuhabisa ow'omutima gugororokire, akamutooza omuhanda mubi,
Aryagwa omu kiina eki atimbire;
Kwonka otaine kamogo aryahungura ebirungi.
11Omuntungi ayeyeta omunyabwengye,
Kwonka omworo orikwetegyereza amumanyira kimwe.
12 #
Enf 11:10; 28:28. Abahikiriire ku basingura, habaho ekitiinisa kingi;
Kwonka ababi ku batunguuka, abantu beeshereka.
13 #
Yob 31:33; Zab 32:5; 1 Yoh 1:8, 9. Orikushereka eby'okushiisha bye, tariba gye;
Kwonka orikubyatura, akabireka, aryasaasirwa.
14Omuntu orikutiina MUKAMA obutoosha aine omugisha;
Kwonka orikugangaaza omutima gwe, aryagwerwa akagwe.
15 #
Kur 1:13, 14; Mat 2:16. Omutegyeki mubi orikutegyeka eihanga ry'abooro,
Ni nk'entare erikutsinda, nari nk'edubu eyaasyokayo kurwana.
16Omutegyeki otaine kwetegyereza abonabonesa abantu munonga,
Kwonka omuntu orikwanga amagoba mabi aryhangaara.
17Omuntu otukuriirwe eshagama y'ou aitsire,
K'agume ari omuhungi, okuhitsya aha kufa;
Kandi hatarigira owaamuhwera.
18 #
Enf 10:9. Orikugyendera omu bwesigwa aryajunwa.
Kwonka orikwehabagiriza omu mihanda ye, aryagwa omu kiina.
19 #
Enf 12:11. Orikuhinga emisiri ye, aryagira eby'okurya bingi,
Kwonka orikukuratira ebitaine mugasho, aryagira obworo bwingi.
20 #
1 Tim 6:9. Omuntu omwesigwa aryagira emigisha mingi,
Kwonka orikutunga ebya bugubugu taribura kufubirwa.
21 #
Enf 18:5; Ezk 13:19. Okushoroora omu bantu ni kirungi,
N'obu kwakuba omuntu okushiisha ahabw'ak'okurya kakye.
22Omuntu engumya asheruza eitungo obwira,
Kandi tamanya ku obworo burimuhikaho.
23 #
Enf 27:5, 6; 29:5. Orikuhana omuntu aryakundwa
Okukira ow'orurimi rurikumamarika.
24Oiba ishe nari nyina, akagira ati: Tiinyine ki naashobya,
Ogwo aba ari munywani w'omuhwerekyerezi.
25 #
Enf 15:18. Omunyamururu aimutsya entongane,
Kwonka orikwesiga MUKAMA aryatungisibwa.
26 #
1 Kor 3:18. Orikwesiga omutima gwe n'omushema;
Kwonka orikugyendera omu bwengye aryajunwa.
27 #
Enf 11:24; 19:17. Orikuha abooro, tarikyena;
Kwonka orikubeehuzya aryagira emikyeeno mingi.
28 #
Enf 28:12. Ababi ku batunguuka, abantu beeshereka;
Kwonka ku bacwekyerera, abahikiriire bakanya.
Currently Selected:
Enfumu 28: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
