Enfumu 25
25
Ezindi nfumu
1 #
Enf 1:1. Ezi nazo n'enfumu za Sulemaani, ezi abashaija ba Hezekia omugabe wa Yuda baahandukurwire.
2 #
Bir 29:29; Rom 11:33. Ebi Ruhanga asherekire nibyo bimuhaisa ekitiinisa,
Kwonka ekihaisa abagabe ekitiinisa n'okucondooza ebintu.
3Nk'oku eiguru riri ahaiguru munonga, kandi nk'oku ensi ehikire hare okuzimu,
N'emitima y'abagabe nikwo etarikwetegyerezibwa.
4 #
Mal 3:2, 3. Iha enkamba aha feeza,
Haza omuheesi abone kutunga eky'okuheeshamu ekintu.
5 #
Enf 16:12. Iha ababi omu maisho g'omugabe,
Ekitebe ky'obugabe bwe kibone kuhamibwa okuhikiirira.
6 #
Luk 14:8-11. Otaryekuza omu maisho g'omugabe,
Kandi otaryemerera omu mwanya gw'abakuru;
7Ahakuba ekirungi n'okwetwa ngu, Garuka aha!
Okukira okugarurwa enyima omu maisho g'omugabe naakureeba.
8 #
Mat 5:25; Luk 12:58. Otarirahuka kutabaariza mutaahi waawe,
Nyentsya akikusinga okaitwa enshoni,
Okabura oku waagira;
9 #
Mat 18:15. Kureka gamba nawe, mubyemarire mwenka,
Orekye kubibuzya,
10Owaakihurira akakugaya,
Ekihemu kikakugumaho.
11 #
Enf 15:23. Ekigambo kihikire, ekigambirwe omu bunaku bwakyo,
Ni nk'amapeera g'ezaabu agari omu kiibo ky'efeeza.
12 #
Enf 15:31. Nk'empeta y'ezaabu ey'omu matu, nari nk'enkwanzi z'ezaabu eshemeziibwe,
N'omuhani ow'obwengye nikwo aba atyo ahari ogwo omutegire okutu.
13 #
Enf 13:17. Nk'embeho y'ebirika oku eba omu ishaaruura,
Nikwo n'entumwa etaangirira eba aha bagitumire,
ahabw'okuba eruhuura emitima y'abakama baayo.
14 #
Enf 20:6; Yud 12. Nk'oku enjura erimu omuyaga ehiika, ekabura,
Nikwo n'omuntu aba oyehimbisiza aha kiconco eki atarikwija kuha.
15 #
Enf 16:14; Mub 10:4. Okugumisiriza kwikirizisa omutegyeki,
N'orurimi rworobi rwata eigufa.
16Ku oraabe waagwire aha bwoki, oryeho oburikukuhaazya,
Otakaarengyesereza, okabutanaka.
17Orekye kwitsa omwa mutaahi waawe akaribatiiriro,
Atakaakuhararuka, akakwanga.
18 #
Enf 24:28. Mushinja orikushinja mutaahi we ebishuba,
Ni nk'akateererezo nari rurara, nari omwambi gw'omunwa.
19Okwesiga otarikwesigwa omu bunaku bw'akabi
Ni nk'eriino rijunzire, nari ekigyere ekikonyokire.
20Orikweshongorera ow'omutima ogweshobeire
Ni nk'orikujuura ekijwaro omu mbeho,
Kandi nka viinyo erikushaarira omu buhuta.
21 #
2 Bag 6:22; Mat 5:44; Rom 12:20. Omuzigu waawe, ku arigira enjara, omugaburire;
Ku arikwatwa eiriho, omuhe eky'okunywa;
22Ahabw'okuba oryaba omurunzire amakara g'omuriro aha mutwe,
Kandi MUKAMA aryakuzimuurira.
23Omuyaga gw'obukiizi-bwa-bumosho gureeta enjura,
Kandi orurimi orurikugambuura rureeta okuhinduriza ahamaisho.
24 #
Enf 21:9. Haakiri okutuura omu keehogo k'aha mutwe gw'enju,
Okukira okukwatana enju n'omukazi entongani.
25Nk'amaizi agarikufuka oku gaba aha muntu oine ekyaka,
Nikwo n'amakuru marungi gaba agarikuruga omu nsi ya hare.
26Ohikiriire orikuhigiza omubi
Ni nk'eiziba ry'amaizi gatabangukire, nari enshuro esiisikaire.
27 #
Enf 27:2. Ti kirungi kurya obwoki bwingi,
Kandi n'ebigambo by'okumamarika toshemereire kubirengyesereza.
28Omuntu otarikubaasa kwezibira,
Ni nk'orurembo orusheenyirwe, rukagumira aho, rutaine rugo.
Currently Selected:
Enfumu 25: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
