Enfumu 24
24
Ezindi nfumu
1 #
Zab 37:1. Otarigirira abantu babi eihari,
N'obu kwakuba okwetenga kuguma nabo;
2 #
Zab 10:7. Ahabw'okuba emitima yaabo eteekateeka eby'okurwana,
N'eminwa yaabo egamba eby'eitima.
3 #
Enf 14:1. Ahabw'obwengye enju eyombekwa,
N'ahabw'okwetegyereza ehamira kimwe.
4 #
Enf 23:23. Ahabw'okumanya, ebishengye byayo
Biijura ebintu byona ebirikushemeza kandi eby'obuguzi bwingi.
5 #
Enf 21:22. Omunyabwengye aba ow'amaani;
Eego, omuntu oine okumanya ayeyongyera amaani.
6 #
Enf 20:18. Ahakuba oshemereire kuhurura, nooyebemberwa obwengye;
Kandi ahu abahi b'obwengye baingi bari, habaho obusinguzi.
7Obwengye n'obw'ahaiguru, omushema tarikubaasa kubuhika;
Aha irembo, ahu abantu bateeraniire, tateerezaho.
8Ogira enaama ez'okukora kubi,
Ayetwa omunyaitima.
9 #
Byak 8:22; 2 Kor 10:5. Enaama z'obushema n'ekibi,
Kandi omuteezi w'enaku n'ekirikunugwa omu bantu.
10 #
Heb 12:3. Ku orikugwa enshazi aha izooba ry'okuhikiirirwa,
Biri amaani gaawe ni makye.
11 #
Zab 82:4. Juna abarikutwarwa kwitwa,
N'abarikutetema nibaza kwitwa, obazibire.
12 #
Enf 16:2; Yob 34:11; Mub 5:8; Yer 32:19. Ku oraagire oti: Ekyo titurakimanyire,
Torikumanya opima emitima ku arikukireeba?
Noogira ngu orinda amagara gaawe tarikukimanya,
Tarizimuurira omuntu weena ebishemereire ebi yaakozire?
13 #
Zab 19:10; 119:103. Mwana wangye, guma orye obwoki; ahabw'okuba ni burungi,
Orye n'omushongi, ogurikuruga omu ngabo zaabwo, nigukunurira.
14 #
Enf 23:18. Omanye ngu n'obwengye nikwo buriba omu magara gaawe;
Ku oribubona, oryaba oboine ebihembo,
N'amatsiko gaawe tigariihwaho.
15 #
Zab 10:9. Iwe muntu mubi 'we, otarigwera enju y'ohikiriire,
Kandi otarikora kubi eka ye;
16 #
Enf 14:32; Zab 37:24; Yob 5:19. Ahakuba ohikiriire agwa emirundi mushanju naimuka,
Kwonka ababi bagwisibwa ebihikiirizi.
17 #
Enf 17:5. Otarishemerererwa okugwa kw'omuzigu waawe,
Kandi omutima gwawe gutaryesiima yaateera entsibo,
18MUKAMA atakaakireeba, kikamusaasa,
Akamwihaho ekiniga kye.
19 #
Zab 37:1; Yer 12:1. Otaryemereza omutima ahabw'enkozi z'ebibi,
N'obu kwakuba okugirira ababi eihari;
20 #
Enf 13:9; Yob 18:5. Ahabw'okuba omubi tarigira bihembo,
Kureka etabaaza ye eryaraazibwa.
21 #
1 Pet 2:17. Mwana wangye, tiina MUKAMA n'omugabe,
Kandi bombi otagira ou waagomera;
22Ahabw'okuba akabi nikaija kubarugaho kitaraariire.
Kandi n'oha orikumanya okucwekyereza okuribarugaho bombi?
Ebindi bigambo by'abanyabwengye
23 #
Enf 18:5; 2 Bus 19:7. Ebi nabyo n'ebigambo by'abanyabwengye.
Ni kibi okugwera orubaju omu kucwa emanja.
24 #
Enf 17:15. Orikugira omubi ati: Ori mwere!
Aryakyeenwa abantu, amahanga gamutamwe;
25Kwonka abarikuhana omubi baryashemererwa,
Kandi omugisha murungi guryabahikaho.
26Ogarukamu ebihikire, aba anywegyeire eminwa.
27Banza otebeekanise ebi orikwija kukora aheeru,
Oteekateekye ekintu kyona eki orikwenda omu ishwa;
Bwanyima obone kwombeka enju yaawe.
28 #
Enf 25:18. Otarishinja mutaahi waawe noomutura busha,
Kandi otarigobya n'eminwa yaawe.
29 #
Enf 20:22. Otarigira oti: Ndyamugira nk'oku yanginzire,
Ndyamuhoora ahabw'eki yaakozire.
30Nkaraba aha musiri gw'omweremwa,
N'aha musiri gw'emizaabibu gw'omuntu otaine bwengye;
31 #
Isa 5:5. Naashanga gwona gumezire amahwa,
Gushwekirwe ebicuragyenyi,
Kandi orugo rwagwo rw'amabaare rusheenyukire.
32Ku naabireebire, naabiteekateekaho munonga,
Naabyetegyereza, naihamu okushoborokyerwa.
33 #
Enf 6:10, 11. Noogira oti: Reka ngwejegyereho kakye, mpungireho kaingana busha;
Nangwa mpinyeho nti omukono, mpuumureho!
34Obwo, obworo buryakwizira nk'omunyagi,
N'obukyene bukuhikyeho nk'omuntu ohagatiire eby'okurwanisa.
Currently Selected:
Enfumu 24: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
