Enfumu 26
26
Eby'abashema
1 #
1 Sam 12:17. Nk'oku orubaare rutashemereire kubaho mu kyanda, n'enjura omu igyesha,
Nikwo n'omushema atashemereire kitiinisa.
2 #
Kub 23:8; 2 Sam 16:12. Nk'oku ekiteera-nkumba kizengyerera, kandi nk'oku entaratambi eguruka,
Nikwo n'omukyeeno gwa busha gutagira u gwita.
3 #
Enf 19:29; Zab 32:9. Kibooko eshemerera embaraasi, n'enkoba z'omu kanwa zishemerera endogoya,
Kandi n'enkoni zishemerera amabega g'abashema.
4 #
2 Sam 16:11. Otarigarukamu omushema nk'oku obushema bwe buri,
Haza naiwe okaba nkawe.
5 #
Mat 16:1-4; 21:24-27; Rom 12:16. Garukamu omushema nk'oku obushema bwe buri,
Atakaayemanya ku aine obwengye.
6Otuma omushema aba naayehenda amaguru,
Kandi ayereetera okufeerwa.
7Nk'oku amaguru g'ebirema gatuura nigaregyeijana,
Nikwo n'enfumu eba etyo omu kanwa k'abashema.
8Okuha omushema ekitiinisa
Ni nk'okukomera eibaare omu kenda k'enjungu.
9Nk'oku eihwa ricumita engaro y'omusinzi, rikagihweramu,
Nikwo n'enfumu eba omu kanwa k'abashema.
10Nk'oku omurasi arasha weena ou yaabanda,
N'orikukoresa omushema nari omuhinguzi nikwo ari.
11 #
2 Pet 2:22. Nk'oku embwa egarukira ebitanaki byayo,
Nikwo n'omushema ari orikugarukira obushemba bwe.
12 #
Enf 29:20. Nooreeba omuntu orikwemanya obwengye?
Okaagira amatsiko aha mushema okukira ahari ogwo muntu.
Eby'abeeremwa
13 #
Enf 22:13. Omweremwa agira ati: Omu nguuto harimu ntare;
N'omu mihanda harimu entare.
14Nk'oku orwigi rwecundira aha pata zaarwo,
Nikwo n'omweremwa ayehindahindurira aha kitanda kye.
15 #
Enf 19:24. Omweremwa atibika engaro ze omu rwabya,
Abura agaazigarura omu kanwa.
16 #
Enf 26:5. Omweremwa, omu kureeba kwe, aba ow'obwengye
Okukira abashaija mushanju abarikubaasa kugarukamu nibeerinda.
17Orikwetaasya omu ntongane zitari ze,
Ni nk'orikukwata mata g'embwa erikuhingura.
18Omuntu ogobeza mutaahi we, akagira ati: Naaba ninteera obuyaga!
19Ni nk'omugwa-iraro orikurekyera ebikongyezo n'emyambi na rufu.
20Ahu enku zibura, omuriro guraara;
N'ahu omuhwihwitsi atari, entongane zihwaho.
21 #
Enf 15:18; 2 Sam 20:1. Nk'oku bongyera amakara aha makara gaacwetsya, nari enku aha muriro,
Nikwo omuntu entongani akanyisa entongane.
22 #
Enf 18:8. Ebigambo by'omuhwihwitsi n'otw'okurya tunuzire,
Bimirwa, bihika omunda omu kishansha.
23Omuntu orikugamba eby'okukunda, haza aine omutima mubi,
Ni nk'enyungu eshwekirwe ebirikwengyengyeta by'efeeza.
24Omwangani aryarya n'eminwa ye,
Kwonka omu mutima gwe aba asherekiremu eitima.
25 #
Zab 28:3. N'obu arigamba gye, otarimwesiga;
ahabw'okuba omu mutima gwe harimu ebirikunugwa mushanju.
26N'obu yaakushweka rwango ye n'oburyarya,
Obubi bwe buryareebeka butunu, ahu abantu bateeraniire.
27 #
Enf 28:10; Zab 7:15. Orikutimba ekiina aryakigwamu,
Kandi orikukumbagaza eibaare, riryamugarukira.
28Orurimi rurikubeiha rwanga abu rwahutaize,
Kandi akanwa akarikumamarika kareeta okucwekyerera.
Currently Selected:
Enfumu 26: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
