Enfumu 20
20
1 #
Enf 23:29-32; Kut 9:21; Isa 28:7. Amaarwa n'omuteezi w'enaku, n'ekirikusinza kiyombesa,
Kandi ohabisibwa ebyo, tagira bwengye.
2 #
Enf 8:36; 19:12. Okutiinisa kw'omugabe ni nk'okutsinda kw'entare;
Owaamukwatsa ekiniga, aba ayekoreire kubi.
3 #
Enf 17:14; Kut 13:7-9. Okwetantara entongane kihaisa omuntu ekitiinisa,
Kwopnka omushema weena akunda okutongana.
4 #
Enf 19:15, 24. Omweremwa tayenda kuhinga mu ishekyera;
N'ahabw'ekyo aryashabiriza omu ishaaruura, kwonka taine ki ariheebwa.
5 #
Enf 18:4. Enaama z'omu mutima gw'omuntu ni nk'amaizi maingi,
Kwonka orikwetegyereza aryazikyenga.
6 #
Enf 25:14; Yer 5:1; Mat 6:2; Luk 18:8. Baingi omu bantu bakunda kwegamba marungi;
Mbwenu omuntu orikwesigwa okaamuzoora hi?
7 #
1 Bag 15:4; Zab 112:2. Ohikiriire, kandi orikugyendera omu bwesigwa–
Abaana be abarimukurata bahiiriirwe!
8 #
Enf 16:10. Omugabe oshutama aha kitebe ky'eiramuriro,
Ebibi byona abibingisa amaisho ge, bitaataana.
9 #
Yob 15:14; Mub 7:20. N'oha owaakubaasa kugira ati: Niinye nshemeize omutima gwangye;
Hati ekiti kyangye kingugireho?
10 #
Enf 11:1. Eby'okupimisa n'eby'okurengyesa ebitahikire,
Byombi n'ekirikunugwa ahari MUKAMA.
11 #
Mat 7:16. Omuntu n'obu yaakuba omwana amanyirwa aha bi arikukora,
Omurimo gwe gwaba gushemeire, kandi guhikire.
12 #
Kur 4:11; Zab 94:9. Okutu okuhurira, n'eriisho erireeba,
Byombi bikahangwa MUKAMA.
13 #
Enf 12:11; 19:15; Rom 12:11. Otakunda okugwejegyera, nyentsya okaba omworo;
Imuka ogume nooreeba; oryagira eby'okurya, ohaagye.
14Orikugura, acamura eki arikugura ati: Ni kibi! Ni kibi!
Kwonka ku agyenda, ayesiima ahabw'eki yaagura.
15 #
Yob 28:18. Hariho ezaabu n'amabaare agarikutukurikana,
Kwonka eminwa y'obwengye n'enkwanzi z'obuguzi bwingi.
16 #
Enf 27:13. Omuntu ku aryemerera ou atarikumanya, omwiheho ekijwaro kye;
Kandi ku aryemererera abanyamahanga, omugumye nk'omukwato.
17 #
Enf 9:17. Eby'okurya ebirugire omu bugobya binurira omuntu;
Kwonka bwanyima bimubeera omusheenyi omu kanwa.
18 #
Enf 11:14; 24:6. Enaama zoona zihamibwa okuhanuura;
Kandi ku oriza kuhurura, ohurure oine enaama z'obwengye.
19 #
Enf 11:13; 13:3. Ogyendagyenda naagamba maingi, agamba emibonano;
N'ahabw'ekyo otarikwatanisa n'orikugambira eryo.
20 #
Kur 21:17; 2 Sam 21:17; Yob 18:5. Orikukyeena ishe nari nyina,
Etabaaza ye eryaraarizibwa omu mwirima ndindindi.
21 #
Enf 13:11. Obuhunguzi obutungirwa ahonaaho omu kutandika,
Omuheru gwabwo tigurigira mugisha.
22 #
Enf 24:29; Zab 27:14; Rom 12:17, 19; 1 Pet 3:9. Otarigira oti: Ndyayehoorera.
Tegyereza MUKAMA, nawe aryakuhwera.
23 #
Enf 20:10. Amabaare ag'okupimisa agatahikire n'ekirikunugwa ahari MUKAMA,
Kandi eminzaani y'ebishuba teba mirungi.
24 #
Enf 16:9. Orugyendo rw'omuntu ruragiirwa MUKAMA.
Mbwenu omuntu naabaasa ata kumanya omuhanda gwe?
25 #
Mub 5:2, 5. Omuntu okurahukwa ha rurimi, akarahira ati:
Ekintu eki n'ekirikwera! n'omutego;
Akiheza kurahira, akatsigara naayefuuza.
26Omugabe w'obwengye ashungura ababi,
Kandi abaribatisa nyamuziga.
27 #
Zef 1:12; 1 Kor 2:11. Omwoyo gw'omuntu n'etabaaza ya MUKAMA,
Ecaaka ebisherekirwe omu mutima gwe.
28 #
Enf 16:12. Embabazi n'amazima nibyo birinda omugabe,
Kandi ekitebe ky'obugabe bwe kihamibwa okuhikiirira.
29 #
Enf 16:31. Ekitiinisa ky'abatsigazi n'amaani gaabo,
Kandi oburungi bw'abagurusi n'enju zaabo.
30Okwasha omuntu na kibooko kumaraho ebibi,
Kandi enkoni zishemeza ebicweka by'omunda ebya hare.
Currently Selected:
Enfumu 20: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
