Enfumu 19
19
1 #
Enf 28:6. Omworo ogyendera omu bwesigwa
Akira ow'orurimi rurikukiikamya ebigambo kandi omushema.
2Omuntu okubaho otaine bwengye ti kirungi,
Kandi ogyenda naayehuuta, ahaba omuhanda.
3 #
Kush 16:11. Obushema bw'omuntu ku bumuhabya omuhanda,
Omutima gwe gwetomboitera MUKAMA.
4 #
Enf 14:20. Obutungi bureeta emikago mingi,
Kwonka omworo atsigwaho munywani we.
5 #
Enf 6:19; 21:28. Kareebi w'ebishuba taribura kufubirwa,
Kandi orikugamba ebishuba tarikira.
6Baingi basherura obuhakwa ha muntu efura,
Kandi buri muntu aba munywani w'ogwo orikugaba.
7 #
Enf 14:20. Abazairwe n'omworo boona bamwanga,
Mbwenu banywani be tibakiraho kumwetantara?
Ku abakuratsa amaganya, bamuhugaho beegyendera.
8Owaagira obwengye, akunda amagara ge;
Orikurinda okwetegyereza, aryagogyera.
9Kareebi ow'ebishuba taribura kufubirwa
Kandi omunyabishuba aryacwekyerera.
10 #
Enf 30:21, 22; Mub 10:6, 7. Omushema tashemereire kuba orikwegira gye,
N'okukira munonga omuhuuku tashemereire kutegyeka abanyiginya.
11 #
Enf 14:29; Rom 12:19; Efe 4:32. Okwerinda kw'omuntu kumuzibira kurahuka kugira ekiniga,
Kandi okwehuzya eki bamushobeize kumuhaisa ekitiinisa.
12 #
Enf 16:14, 15; 20:2; Zab 113:3. Ekiniga ky'omugabe ni nk'okutsinda kw'entare,
Kwonka embabazi ze ziba nk'orume orutonzire aha bunyaatsi.
13 #
Enf 17:21; 27:15. Omwana ekifa-mutima n'akabi ahari ishe,
Kandi okutongana kw'omukazi ni nk'enjura erikuguma neetoonyerera.
14 #
Enf 18:22; 2 Kor 12:14. Eka n'eitungo, omuntu abiragwa abazaire be;
Kwonka omukazi orikwerinda amuheebwa MUKAMA.
15 #
Enf 6:9-11; 20:4, 13. Okweganda kureeta okugwejegyera obutasisiimuka,
Kandi omweremwa aryaitwa enjara.
16 #
Enf 13:13; Luk 10:28. Oyorobera ebiragiro, aba naarinda amagara ge;
Kwonka otarikweta ha mitwarize ye aryafa.
17 #
Enf 12:14; 28:27; Bir 15:7-11; Luk 6:38; 2 Kor 9:5, 8. Ogirira abooro embabazi, aba naaguza MUKAMA;
Aryamuzimuurira ebi yaakozire.
18 #
Enf 13:24. Hana omwana waawe, okimwineho amatsiko;
Kwonka otamuteera ez'okumwita.
19Ow'ekiniga kingi aryakizira,
Ahakuba n'obu waakumuramura, oryaguma okikora.
20Guma ohurire enaama, oikirize okuhaburwa,
Obone kugira obwengye omu biro by'omumaisho.
21 #
Enf 16:9; Zab 33:10, 11; Isa 14:26, 27. Omu mutima gw'omuntu habamu enaama nyingi,
Kwonka enaama ya Ruhanga niyo egumaho.
22Embabazi z'omuntu nizo zimureetera kukundwa,
Kandi omworo naahita omunyabishuba.
23 #
Enf 10:16; 1 Tim 4:8. Okutiina MUKAMA kureeta amagara,
Kandi okwine aryaguma amazirwe;
Tarihikwaho kabi.
24 #
Enf 26:15. Omweremwa ata engaro ze omu rwabya,
Abura ageetamika.
25 #
Enf 9:8; 21:11. Teera omugayi, abataine bugobya beegye okwerinda;
Hana orikwetegyereza, aryayeyongyera obwengye.
26Oshiisha ebya ishe, akabinga nyina,
N'omwana orikuhemura, kandi areeta ekijumo.
27 #
2 Pet 2:21. Mwana wangye, reka kufa okuhurira ebi orikuhaburwa,
Haza okahaba, okareka ebigambo by'okumanya.
28 #
Yob 15:16. Kareebi otaine mugasho ashekyerera emanja z'oburyo,
Kandi akanwa k'omubi kamirakwo okutahikiirira.
29 #
Enf 26:3. Ebifubiro biteekateekyeirwe abateezi b'enaku,
Kandi enkoni zicumiirwe amabega g'abashema.
Currently Selected:
Enfumu 19: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
