Enfumu 18
18
1Oyetaanisa n'abandi, aba naasherura ebye wenka;
Kandi aba ayangire obwengye bwona obuhikire.
2 #
Enf 13:16. Omushema tashemerererwa kwetegyereza,
Kureka ashemezibwa okugamba ebiteekateeko bye.
3Ku haija obubi, n'okugaya kwija;
Kandi emitwarize mibi ereeta okuhemuka.
4 #
Enf 20:5. Ebigambo by'omu kanwa k'omuntu ni nk'amaizi maingi,
Kandi enshuro y'obwengye ni nk'omugyera gurikuhimintika.
5 #
Enf 17:15; Zab 82:2; Bir 1:17; Lev 19:15. Ti kirungi kugwera orubaju rw'omubi omu rubanja,
N'obu kwakuba okwita orubanja rw'ohikiriire.
6Ebigambo by'omushema bireeta entongane,
Kandi orurimi rwe rumuteeza enkoni.
7 #
Enf 12:13; Mub 10:12. Akanwa k'omushema kamucwekyereza,
N'eminwa ye niyo emugwisa omu mutego.
8 #
Enf 26:22. Ebigambo by'abahwihwitsi ni nk'eby'okurya ebinuzire munonga,
Bishuuma omu bicweka by'omunda.
9Orikweganda aha murimo gwe
Ni murumuna w'orikucwekyereza.
10 #
Enf 29:25; Zab 61:3. Eiziina rya MUKAMA n'omunaara gugumire,
Ohikiriire ku aguhungiramu, aguma ari buhooro.
11 #
Enf 10:15. Eitungo ry'omutungi nirwo rurembo rwe oruhamire,
Kandi ni nk'orugo ruraingwa rw'amabaare orurikumurinda.
12 #
Enf 11:2; 15:33. Okwehimbisa kw'omutima gw'omuntu kukuratwa okucwekyerera,
Kwonka okwecureeza kukuratwa ekitiinisa.
13Ogarukamu atabandize kuhurira
Kyoreka obushema bwe n'okuhemuka.
14Omutima guhamire gugumya omuntu omu ndwara ye,
Kwonka oguhahaire n'oha owaakubaasa kugwemera?
15Omutima gw'omwerinzi gutunga okumanya,
Kandi okutu kw'omunyabwengye nikyo kwetenga.
16 #
Kut 32:20; 1 Sam 25:27. Ekiconco ky'omuntu kimuhaisa omwanya,
Kandi kimuhitsya omu maisho g'ab'ekitiinisa.
17Omu rubanja, obanza kutongana oshusha oti, ebye nibyo bihikire;
Kwonka kitabaarizibwa ku aija, amwomesereza.
18Enteenyu emara empaka,
Kandi eramura ab'ekitiinisa abarikuhakana.
19Okugarukana n'ow'eishe-mwe ogwisiibwe kubi kugumire okukira okwata orurembo rw'amaani,
Kandi entongane nk'ezo zigumire okukira ebihongorezo by'ekigo.
20 #
Enf 12:14. Ebiruga omu kanwa k'omuntu nibyo bimuhaazya,
Kandi omweru gw'eminwa ye nigwo gurimuhaazya.
21Orurimi rugira obushooborozi bw'okwita n'obw'okukiza,
N'abarukunda baryaheebwa ebi ruribareetera.
22 #
Enf 19:14. Oboine mukazi w'okushwera, aba aboine ekintu kirungi;
Kandi aba atungire omugisha ogurugire ahari MUKAMA.
23 #
Yak 2:6. Omworo agamba naayeshengyereza munonga;
Kwonka omuntungi amugarukisamu ekikabuko.
24 #
Enf 17:17. Emikago mingi esheenya eka,
Kwonka habaho munywani w'omuntu okira owaanyina owaazairwe nawe.
Currently Selected:
Enfumu 18: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
