Enfumu 15
15
1 #
Bar 8:1-3; 1 Sam 25:10-13; 1 Bag 12:13-16; Enf 25:15. Okugarukamu gey kwikaikanisa ekiniga;
Kwonka ekigambo ekirikusaasa kiimutsya ekiniga.
2 #
Enf 12:23. Orurimi rw'abanyabwengye rumanyisa okumanya nk'oku kishemereire,
Kwonka akanwa k'abashema kafukunkuka eby'obushema.
3 #
Enf 5:21; Yob 31:4; Yer 16:17; Zek 4:10; Heb 4:13. Amaisho ga MUKAMA gaba hoonahoona,
Gareeba ababi n'abarungi.
4 #
Enf 11:3; 12:18. Orurimi orurikukiza n'ekiti ky'amagara;
Kwonka ku rukiikama, omutima gucweka.
5 #
Enf 13:18. Omushema agaya okuhabura kwa ishe,
Kwonka ota omutima aha kuhanwa, niwe aba omwerinzi.
6Omu nju y'ohikiriire habamu obutungi bwingi,
Kwonka omu magoba g'omubi habamu enaku.
7 #
Mat 12:34, 35. Eminwa y'abanyabwengye ebuzya okumanya,
Kwonka emitima y'abashema tekora etyo.
8 #
Enf 21:27; 28:9; Isa 1:11, 15; 66:3; Yer 6:20; Amo 5:22. Ekitambo ky'omubi n'ekirikunugwa ahari MUKAMA,
Kwonka okushaba kw'ow'omutima ogugororokire nikwo ashemerererwa.
9 #
Enf 21:21; Isa 51:1; 1 Tim 6:11. Omuhanda gw'omubi n'ogurikunugwa ahari MUKAMA,
Kwonka akunda orikukuratira okuhikiirira.
10 #
Enf 12:1. Orikuteishuka omuhanda naaheebwa ekifubiro ekirikusaasa,
Kwonka orikwanga kuhanwa aryafa.
11 #
1 Sam 16:7; 2 Bag 6:30; Yob 26:6; Yoh 2:24, 25. Okuzimu n'okucwekyerera nibireebwa butunu omu maisho ga MUKAMA,
Kaashwa ebiri omu mitima y'abantu!
12Omugayi takunda kuhanwa,
Kandi taza w'abanyabwengye.
13 #
Enf 12:25; 17:22. Omutima gunanukire gushemuura ahamaisho,
Kwonka omutima ogwine obusaasi gureeta okwehwa amatsiko.
14 #
Enf 14:6. Omutima gw'orikwetegyereza gusherura okumanya,
Kwonka akanwa k'abashema katungwa obushema.
15Ebiro by'abarikubonabona byona ni bibi,
Kwonka oine omutima ogushemereirwe ni nk'omuntu otuura omu bugyenyi.
16 #
Enf 16:8; Zab 37:16; Mub 4:6. Akakye akarimu okutiina MUKAMA
Nikakira obutungi bwingi oburimu obujune.
17 #
Enf 17:1. Okurya obunyaata okurimu okukundana
Nikukira okurya ente y'ebishaju okurimu okwangana.
18 #
Enf 14:29; 29:22. Orahuka kubakirwa aimutsya entongane,
Otarahuka kugira kiniga acureeza empaka.
19Omuhanda gw'omweremwa gufa ahabw'okumerwamu amahwa,
Kwonka akahanda k'ow'omutima ogugororokire guba omuhanda rugyendwa.
20 #
Enf 10:1. Omwana oine obwengye ashemeza ishe,
Kwonka omuntu omushema agaya nyina.
21 #
Efe 5:15. Obushema bureetera otaine bwengye kushemererwa,
Kwonka omuntu orikwetegyereza ayetebeekanisiza omuhanda oguhikire.
22 #
Enf 11:14. Ahatari kuhanuura enaama zifa busha,
Kwonka ahu abahi b'obwengye bari baingi, zihikiirizibwa.
23Okugarukamu gye kureetera omuntu kushemererwa,
Kandi ekigambo ekigambiirwe omu bunaku bwakyo ka ni kirungi!
24 #
Kol 3:2. Aha munyabwengye omuhanda gw'amagara gwinamuka,
Ngu abone kuruga okuzimu owa Nyamuteza.
25 #
Enf 23:10; Zab 146:9. MUKAMA asheenyera kimwe orugo rw'ab'amaryo,
Kwonka ahamya orubibi rw'omufaakazi.
26Ebiteekateeko by'ababi n'ekirikunugwa ahari MUKAMA,
Ebigambo by'abashemeire bimushemeza.
27 #
Enf 1:19; 17:23; Yos 6:18; 7:25. Omunyamururu gw'amagoba agatahikire areetera eka ye omurabanamu;
Kwonka orikwanga enguzi aryagumaho.
28 #
1 Pet 3:15. Omutima gw'ohikiriire guteekateeka oku araagarukyemu,
Kwonka akanwa k'omubi kafukunkuka ebigambo bibi.
29 #
Zab 145:18, 19; Yoh 9:31. MUKAMA aba hare enkozi z'ebibi,
Kwonka ahurira okushaba kw'ohikiriire.
30Amaisho gashemuukire gashemeza omutima,
N'enkuru nungi ziruhuura amagufa.
31Orikutega okutu okuhana kurungi
Aryatuura n'abanyabwengye.
32 #
Enf 8:33, 36. Oyanga kuhanwa aba naayeyanga,
Kwonka ota omutima aha kuhanwa ayeyongyera okwetegyereza.
33 #
Enf 1:7; 18:12; 29:23. Okutiina MUKAMA nikwo kuhaburwa omu by'obwengye,
Kandi okwecureeza kukuratwa ekitiinisa.
Currently Selected:
Enfumu 15: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
