Enfumu 16
16
Ezindi nfumu
1 #
Mat 10:19. Enaama ei omuntu agira omu mutima ebe eye,
Kwonka ogarukamu kw'orurimi kuruga ahari MUKAMA.
2 #
Enf 21:2; 24:12. Emitwarize y'omuntu yoona, omu kureeba kwe, eba eshemeire;
Kwonka MUKAMA apima emitima.
3 #
Zab 37:5. Emirimo yaawe gyegyekyerere MUKAMA;
Obwo nibwo enaama zaawe zirihamibwa.
4 #
Yob 21:30; Rom 9:22. Buri kintu MUKAMA agira eki yaakihangiire;
Nangwa n'ababi akabateeraho ekiro ky'enaku.
5 #
Enf 11:21; Luk 16:15. Omuntu weena ow'amaryo g'omu mutima n'ekirikunugwa ahari MUKAMA,
Buzimazima taribura kufubirwa.
6 #
Enf 14:16; Dan 4:27. Embabazi n'amazima nibyo birihiirira okutahikiirira,
Kandi okutiina MUKAMA nikwo kurekyesa abantu eibi.
7 #
Kut 26:28; 2 Bus 17:10; 1 Pet 3:13. Emitwarize y'omuntu ku eshemeza MUKAMA,
Areetera abantu kuba gye nawe, nangwa n'abazigu be.
8 #
Enf 15:16. Akakye akarimu okuhikiirira
Nikakira empiiha nyingi ezitungirwa omu kutahikiirira.
9 #
Enf 19:21; 20:24; Yer 10:23. Omutima gw'omuntu guteekateeka eby'orugyendo rwe;
Kwonka MUKAMA niwe amuhabura oku araateere entambwe.
10 #
1 Bag 3:28. Okuragura okuri nk'okwa Ruhanga kuruga aha rurimi rw'omugabe;
Omu kucwa emanja akanwa ke tikashobya.
11 #
Enf 11:1. Eminzaani ehikire n'eby'okupimisa n'ebya MUKAMA,
N'amabaare goona agarikupima ag'omu nshaho n'omurimo gwe.
12 #
Enf 29:14; Isa 16:5. Abagabe okukora ebibi n'ekirikunugwa,
Ahakuba ekitebe ky'obugabe kihamibwa okuhikiirira.
13 #
Enf 22:11. Eminwa y'okuhikiirira niyo eshemeza omugabe,
Kandi akunda orikugamba ebihikire.
14 #
Enf 25:15. Ekiniga ky'omugabe n'entumwa ya rufu,
Kwonka omunyabwengye aryakiikaikanisa.
15Omugabe ku ashemuuka ahamaisho, kireeta amagara;
Kandi okukunda kwe kushusha ebicu ebirugamu enjura ya katumba.
16 #
Enf 8:10, 11, 19. Okugira obwengye ni kurungi okukira okutunga ezaabu;
Eego, omuntu akaatoorana okugira okwetegyereza okukira okutunga efeeza.
17 #
Enf 4:27. Omuhanda rugyendwa gw'ow'omutima gugororokire n'okwetantara ebibi;
Orinda emitwarize ye, aba naarinda amagara ge.
18 #
Enf 11:2. amaryo gakuratwa okucwekyerera,
N'omutima ogurikwetunguura gukuratwa okugwa.
19Ni kirungi okugira omutima gworobi, okakwatanisa n'abooro,
Okukira okubagana eminyago n'abanyamaryo.
20 #
Zab 2:12. Orikuta omutima aha kigambo kya Ruhanga aryagogyera,
Kandi oyesiga MUKAMA aba ahiiriirwe.
21Oine omutima gw'obwengye ayetwa omuntu orikukyenga;
Emigambire mirungi eyongyera kwikirizisa abantu.
22 #
Enf 10:11. Obwengye bubeera obwine enshuro y'amagara,
Kwonka ekifubiro ky'abashema n'obushema bwabo.
23 #
Mat 12:34. Omutima gw'omunyabwengye guhindura emigambire ye kuba ehikire,
Kandi gumwongyera kugamba ebirikwikirizisa abantu.
24 #
Zab 19:10. Ebigambo ebirikushemeza ni nk'obwoki,
Binurira amagara g'omuntu, kandi bihamya amagufa ge.
25 #
Enf 14:12. Hariho omuhanda ogu omuntu ayeta murungi,
Kwonka omuheru gwagwo guri omuhanda gw'okufa.
26 #
Mub 6:7. Enda y'omukozi niyo emukoresa,
N'akanwa ke niko kamugyema kukora.
27 #
Enf 6:12, 14; Yak 3:6. Omuntu otaine mugasho agira enaama z'okukora kubi,
Kandi emigambire ye ni nk'omuriro ogurikubabura.
28 #
Enf 17:9; 26:20. Omuntu orikwehabagiza abuzya entongane,
Kandi omuhwihwitsi ataanisa abanyamikago.
29Omunyaitima abeihabeiha mutaahi we,
Amutwara omu muhanda ogutari murungi.
30Oitira abandi eriisho, aba naahanuura enaama zikiikami;
Onena enshaya, aba naayenda kuhikiiriza obubi.
31 #
Enf 20:29. Omutwe gujwengize enju n'ekirunga ky'ekitiinisa,
Kandi kitungwa ahabw'okugyendera omu muhanda gw'okuhikiirira.
32 #
Enf 14:29; 25:28. Otarikurahuka kugira ekiniga naakira emanzi,
Kandi orikutegyeka omutima gwe naakira okwatsire orurembo.
33 #
Enf 29:26; Byak 1:26. Abantu baraguzisa entetere aha ruhu,
Kwonka endagu yoona eruga ahari MUKAMA.
Currently Selected:
Enfumu 16: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
