Popular Bible Verses from Enfumu 1

Share

Okutiina MUKAMA niyo ntandikiro y'okumanya, Kwonka abashema bagaya obwengye n'okuhaburwa. Mwana wangye, guma ohurire ebi sho arikukuhabura, Kandi otanga ebi nyoko arikukwegyesa

Ahabw'okuba okugaruka enyima kw'abataine bwengye kuryabaita, N'okugogyera kw'abashema kuryabacwekyereza; Kwonka weena orikumpurira aryatuura buhooro, Agume agaramisiriize, ataine kabi k'arikutiina.

Ngu omunyabwengye ahurire, ayeyongyere kwega, Kandi omushaija oine okwetegyereza atungye obwengye obuhikire

Mwana wangye, abasiisi ku barikubeihabeiha, Otariikiriza.

Enfumu za Sulemaani mwene Daudi, omugabe wa Israeli, Ez'okumanyisa obwengye n'okuhabura, N'ez'okushoboorora ebigambo ebirimu okwetegyereza, Ez'okwegyesa okukoresa obwengye Omu kuhikiirira, omu buryo n'omu bwinganisa; Okuhaisa otaine bwengye okwerinda; N'omutsigazi okumuha okumanya obwerinzi

Obwo baryantakira, kwonka tindigarukamu; Baryayezirika kunsherura, kwonka tibarindeeba. Ahabw'okwanga okumanya, N'okwihamu okutiina MUKAMA