Yeremia 9
9
Yeremia okutongyeza aba Yuda n'aba Yerusaalemu
1Nkaabaasibwa ki, omutwe gwangye gwijura amaizi,
N'amaisho gangye gaba enshuro y'amarira,
Ncura nyomushana na nyekiro
Ahabw'abantu bangye abaitsirwe!
2 #
Yer 5:7, 8; Hos 7:4. Nkaabaasibwa ki, ngira eicumbi ry'abagyenzi omu ihamba,
Mbona kutsigaho abantu bangye, nza hare yaabo!
Ahabw'okuba boona n'enshambani
N'omutwe gw'abantu endeebya.
3 #
Bar 2:10; Zab 64:3; Hos 4:1. Bananuura orurimi rwabo nk'obuta, rurekura ebishuba;
Bahinduka ab'amaani omu nsi, kwonka kutarikurwanira mazima;
Kureka ku baheza kukora ekibi, bagaruka bakora ekindi,
Kandi tibarikummanya; nikwo MUKAMA arikugira.
4 #
Yer 6:28; 12:6; Mik 7:5; Zab 41:9; Kut 27:36. Buri muntu agume ayerinde mutaahi we,
Arekye kugira mwene ishe weena ou yaayesiga;
Ahabw'okuba buri w'eishe-emwe n'engobya,
Na buri mutaahi naagyenda naabeiherera abandi.
5Buri muntu naagobeza mutaahi we,
Tihaine orikugamba amazima;
Beegyeise endimi zaabo kubeiha,
Kandi nibakora ebibi, babura agabyeteisa.
6 #
Isa 1:25. Nibatungika okuhata aha kundi
n'obugobya aha bundi,
Banga kummanya; nikwo MUKAMA arikugira.
7Nikyo MUKAMA ow'amahe arikugirira ati:
Reeba, ndyabashemeza, mbagyeze.
Mbwenu ekindi eki naakukorera abantu bangye niki?
8 #
Zab 28:3; 57:4; 120:3; Hos 7:6. Orurimi rwabo n'omwambi ogurikugwisaho,
Nirugamba eby'obugobya;
Buri muntu naagamba gye na mugyenzi we aha rurimi,
Kwonka omu mutima gwe ari omu naama y'okumugiira omu kyetindo.
9Nimugira ngu tindibafubira ahabw'ekyo?
Tindihoora enzigu eihanga nk'eri?
Nikwo MUKAMA arikugira.
10 #
Yer 4:25; 12:4. Nimucure, muboroogyere ebibungo.
Mutongyeze amariisizo g'omu ihamba,
Ahabw'okuba bihindukire amarungu,
Tihaine orikubirabamu,
Kandi n'okujuga kw'ente tikurikuhurirwayo.
Enyonyi z'omu mwanya n'enyamaishwa
Bihungire, byagyenda.
11 #
Yer 10:22; 34:22; Isa 25:2. Ndyahindura Yerusaalemu emituumo y'ebisheenyukire,
N'eikoobaniro rya zaamuha;
N'endembo za Yuda nzigire amatongo,
Zibure ow'okuzituuramu.
12 #
Zab 107:43; Yer 23:18; Hos 14:9. Ni muntu ki oine obwengye bwingi orikubaasa kumanya ebyo? N'oha oyegambiriirwe MUKAMA, ngu abone kubimanyisa? Ahabw'enki ensi ehwerekyereziibwe, ekahinduka amatongo, ekaba nk'eihamba, ekabura owaagirabamu? 13#Zab 89:30-32. Kandi MUKAMA naagira ati: Ahabw'okureka ebiragiro byangye ebi naabahaire, batoorobere iraka ryangye, nari okutwaza nk'oku ririkubaragiira, 14#Yer 3:17. kureka bakakuratira ebi emitima yaabo egangaire erikwenda, hamwe na Baabaali, nk'oku baishenkurubo baabeegyeise. 15#Yer 8:14; Zab 80:5. Nikyo MUKAMA ow'amahe, Ruhanga wa Israeli, arikugirira ati: Reeba, eri ihanga ndyarigaburira apusinto, ndinywaise amaizi agarikwita; 16#Yer 14:12; 15:14; Lev 26:33. ndyabataataanisiza omu mahanga agu bo na baishenkurubo batakamanyaga, mbakuratse rurara, okuhitsya obu ndibamaraho.
17 #
Yer 14:17; 2 Bus 35:25; Amo 5:16; Mat 9:23. Oku nikwo MUKAMA ow'amahe arikugamba naagira ati:
Muteekateekye, mwete abakazi abarikumanya kucura,
Mutume aha bakazi abahangu, baije;
18Barahukye, batucurire,
Amarira gatufukunkukye omumaisho,
n'ebitsigye byaitu bihimintikye amaizi;
19 #
Yer 4:13. Ahabw'okuba eiraka ry'okuborooga nirihurirwa nirireetwa Saayuuni,
Nirigira riti: Eshi tucwekyereziibwe!
Tuhemuriirwe kimwe,
Ahabw'okuba tutsigireho ensi,
Amaka gaitu baagasheenya.
20Imwe bakazi 'mwe, nimuhurire ekigambo kya MUKAMA,
Kandi amatu gaanyu gaakiire ekigambo ekirikuruga omu kanwa ke;
Mwegyese bahara baanyu okucura,
Kandi buri muntu ayegyese mutaahi we okutonzya;
21 #
Yer 6:11. Ahabw'okuba rufu etembire omu madirisa gaitu,
Yaataaha omu bikaari byaitu,
Yaamara abaana omu nguuto,
N'abatsigazi omu nteeraniro z'emihanda.
22 #
Yer 8:2; Lev 23:22. Gira oti: Oku nikwo MUKAMA arikugamba naagira ati:
Emitumbi y'abantu eryagwa omu ishwa nk'amasha,
Nk'enganda zitsigaire enyima y'omugyesi
Ezitaine kishanguruza.
23 #
Mub 9:11. Oku nikwo MUKAMA arikugamba naagira ati: Omunyabwengye arekye kwehimbisa ahabw'obwengye bwe, n'ow'amaani arekye kwehimbisa ahabw'amaani ge, n'omutungi arekye kwehimbisa ahabw'eitungo rye; 24#Zab 34:2; Mik 6:8; 7:18; 1 Kor 1:31; 2 Kor 10:17. kureka orikwehimbisa ayehimbise ahabw'ebi, ahabw'okuunyetegyereza n'ahabw'okummanya, ku ndi MUKAMA okora omu nsi eby'embabazi, eby'oburyo n'eby'okuhikiirira; ahabw'okuba ebyo nibyo nshemerererwa; nikwo MUKAMA arikugira.
25 #
Yer 25:19-21, 23; Isa 24:21. Reeba ebiro nibiija obu ndifubira abashazirwe boona, haza kunu batashazirwe mu mazima- 26#Lev 19:27; 26:41; Bir 10:16; Ezk 44:7; Rom 2:28, 29. Misri, Yuda, Edomu, beene Amoni, Moabu n'abatwire omu ihamba boona, abatega ebyeyera; ahabw'okuba amahanga ago goona tigashazirwe; kandi n'enju ya Israeli teshazirwe mu mutima.
Currently Selected:
Yeremia 9: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
