Yeremia 10
10
Baaruhanga b'abanyamahanga okuba busha
1Imwe b'enju ya Israeli 'mwe, nimuhurire ekigambo eki MUKAMA arikubagambira. 2Oku nikwo MUKAMA arikugamba naagira ati:
Mutaritooreza emicwe y'abanyamahanga,
Nari okuhahaaza emitima ahabw'obumanyiso bw'omu iguru,
Ahabw'okuba amahanga gabuhahaariize emitima.
3 #
Isa 40:19, 20; 41:7. Mumanye ngu emigyenzo y'amahanga ni busha,
Ahakuba abantu batema ekiti omu kibira,
Omunyamwoga akibaija n'embaijo,
4Abantu bakihunda efeeza n'ezaabu,
Bakihamisa emisumaari n'enyondo,
Ngu kitajegajega.
5 #
Zab 115:5, 7; 135:16; Isa 41:23; 46:7; Hab 2:18, 19. Ebishushani byabo ni nk'eby'okurindisa enyonyi
Omu musiri gw'ekihambo;
Tibigamba, biba eby'okuheekwa,
Ahabw'okuba tibibaasa kugyenda.
Mutaribitiina, ahakuba tibiine ki birikubaasa kukora,
Yaaba kibi, yaaba kirungi.
6 #
Kur 15:11; Zab 86:8, 10. Ai MUKAMA, tihariho orikushushana naiwe;
Ori mukuru, n'eiziina ryawe ni rikuru kandi ery'amaani.
7 #
Yer 5:22; Kush 15:4. Ai MUKAMA ow'amahanga, n'oha otakaaakutiina?
Manya ekyo nikyo oshemereire,
Ahabw'okuba omu banyabwengye boona ab'omu mahanga,
N'mu nsi z'abagabe baago zoona,
Tihaine orikushushana naiwe.
8 #
Isa 41:29; Zek 10:2. Boona oku baingana ni nk'enyamaishwa, kandi ebifeera;
Ebi ebishushani byegyesa n'ebiti nkabyo.
9 #
1 Bag 10:22; Zab 115:4; Isa 40:19; Dan 10:5. Bareeta ebibaati by'efeeza ebi baihire Tarushiishi,
N'ezaabu eya Ufaazi.
Ebyo bishushani n'omurimo gw'abanyamyoga n'abaheesi b'ezaabu;
Ebijwaro byabo n'ebya bururu na bujwa;
Byona bikorwa abahangu.
10 #
Bir 32:4. Kwonka MUKAMA niwe Ruhanga Nyamuhanga,
Ruhanga ohuriire, kandi Omukama otahwaho.
Ku agira ekiniga, ensi etengyeta,
Kandi amahanga tigarikubaasa kwemera kuguubwa kubi kwe.
11 #
Zab 96:5; Isa 2:18; Zek 13:2. Oku nikwo muribagambira muti: Baaruhanga abatarahangire eiguru n'ensi baryahwerekyerera, bahwe omu nsi n'ahansi y'eiguru.
12 #
Yer 51:15-19. Niwe yaahangire enis n'obushoboorozi bwe,
Akagihamya n'obwengye bwe,
N'okwetegyereza kwe nikwo yaabambiise eiguru.#Kut 1:1; Zab 104:5; Enf 3:19.
13 #
Yer 14:22; Yob 5:10; 38:22, 34; Zab 104:6, 7; 135:7. Ku agamba n'eiraka rye, omu iguru habamu okuhoorera kw'amaizi;
Ainamura oruho okuruga aha mperu z'ensi,
Ataho emirabyo kugwisa enjura,
Kandi areeta omuyaga naagwiha omu mabiikiro ge.
14 #
Isa 42:17; Rom 1:22. Buri muntu ni nk'enyamaishwa, taine bwengye;
Buri muheesi w'ezaabu ahemwirwe ebishushani bye ebirikuramibwa,
Ahabw'okuba ebishushani bye n'eby'ebishuba,
Kandi tibiine mwityso.
15Tibiine mugasho; n'omurimo gw'okubeihabeiha;
Omu biro by'okufubirwa kwabyo biryahwerekyerera.
16 #
Yer 31:35; Isa 47:4; Zab 16:5; Bir 32:9. Kwonka Otuura ari omugabo gwa Yakobo ti nkabyo,
Ahabw'okuba niwe yaahangire ebintu byona,
Kandi Israeli n'oruganda rw'obuhunguzi bwe;
MUKAMA ow'amahe niryo iziina rye.
Yeremia okuragura aha by'okutwarwa omu bukwatwa
17 #
Yer 6:1; Ezk 12:3. Iwe otuura omu rurembo rugotsirwe,
Iha ebintu byawe ahansi;
18 #
Bir 28:20; 1 Sam 25:29. Ahabw'okuba MUKAMA naagira ati:
Reeba, naaza kunaga hare abatuuzi b'omuri egi nsi,
Nk'orikurekyera enjungu;
Mbareetere obusaasi, babuhurire.
19 #
Yer 14:17. Ai bambe, obusaasi bwanyita!
Obuhuta bwangye nibumpurura.
Kwonka naagira nti: Buzimazima oku n'okubonabona,
Nshemereire kukwemera.
20 #
Yer 4:20; 31:15; Isa 54:2. Eihema ryangye ricwekyereziibwe,
Emirunga yangye yoona ecwekire;
Abaana bangye bantsigireho, tibakiriho.
Tihariho w'okugaruka kunteerera eihema
n'okumpanikira emikingo.
21 #
Yer 23:1; Ezk 34:2, 5, 6. Ahabw'okuba abariisa bahindukire nk'enyamaishwa,
tibarikwehanuuza ahari MUKAMA;
Nikyo kibazibiire kuba gye,
N'obusyo bwona butaataine.
22 #
Yer 1:13. Nimuhurire enkuru! Reeba neija;
Hariho okujagarara kwingi okurikuruga omu nsi y'aha bukiizi-bwa-bumosho,
okurihindura endembo za Yuda amatongo,
N'eikoobaniro rya zaamuha.
23 #
Enf 10:24; Dan 5:23. Ai MUKAMA, nimmanya ngu omuhanda gw'omuntu tiguba mu bushoboorozi bwe,
Kandi omuntu weena ogyenda tabaasa kwehabura mu rugyendo rwe ahu yaahika hoona.
24 #
Yer 30:11; Zab 6:1. Ai MUKAMA, ompane, kwonka ompane nombarira,
Otampanisa ekiniga, okancwekyereza.
25 #
Yer 8:6; 30:16; Zab 79:6, 7. Shuka ekiniga kyawe aha mahanga agatarikukumanya,
Aha nganda ezitatakira iziina ryawe;
Ahabw'okuba bashonshomeire Yakobo;
Bamushonshomeire, baamumaraho,
N'ahu atwire baahahindura amatongo.
Currently Selected:
Yeremia 10: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
