Yeremia 8
8
Ruhanga okwomesereza abarikutamb aebibi aharuguru
1Oku nikwo MUKAMA arikugamba naagira ati: Omu biro ebyo amagufa g'abagabe ba Yuda, ag'abanyiginya baayo, ag'abanyamurwa, aga baanabi, n'ag'abatuuzi ba Yerusaalemu, garyaihwa omu bituuro byabo, 2#Yer 9:22; Bir 4:19; 2 Bag 21:3; Ezk 8:16. bagaanikye omu maisho g'eizooba, omu maisho g'okwezi n'omu maisho g'eihe ryona ery'omu iguru, ebi baabaire bakunda bakabiheereza, bakabikuratira, bakabidherura kubiramya; tigarishanguruzibwa n'obu kwakuba okuziikwa, kureka garyaba nk'amasha aha itaka 3#Yer 23:3, 8; Yob 3:21, 22; Dan 9:7; Kush 9:6. Abaritsigaraho omuri orwo ruganda rubi, ei ndiba mbataataanisiize yoona, okufa kuryabakirira okugumaho; nikwo MUKAMA ow'amahe arikugira.
4 #
Rom 11:11. Kandi oryabagira oti: Oku nikwo MUKAMA arikugamba naagira ati:
Beitu abantu ku bagwa, tibaimuka?
Omuntu ku ahaba, tahabuuka?
5 #
Yer 7:24; 9:6. Mbwenu shi, ahabw'enki aba bantu bagarukire enyima,
Bakagumizamu?
Bahamiire omu bugobya,
Baayanga kugaruka.
6 #
Yob 39:19-25; 2 Pet 3:9. Ntaireho omutima kutega okutu,
Naahurira nibagamba ebitahikire;
Tihariho n'omwe orikweteisa ebibi bye,
Akagira ati: Mbwenu eki naakora ki?
Brui muntu naatoora omuhanda gwe,
Nk'oku embaraasi eturumbuza neeza aha rugamba.
7 #
Yer 5:4, 5; Kyesh 2:12; Isa 1:3; 38:14. Buzimazima enkongoro ez'omu mwanya
Zimanya obunaku bwazo;
Enkombe, entaratambi n'entuuha
Bimanya obunaku bwabyo bw'okwiziramu;
Beitu abantu bangye bo tibarikumanya
Ekiragiro kya MUKAMA?
8 #
Rom 2:17, 18. Nimubaasa muta kugira muti; Turi abanyabwengye,
Kandi ebiragiro bya MUKAMA niitwe tubiine?
Haza kunu ekaraamu y'abahandiiki embeihi
Ebihindwire eby'ebishuba.
9 #
1 Kor 1:19, 20. Abanyabwengye baryahemurwa,
Bahahaaze emitima, bakwatwe.
Reeba, beehakaine ekigambo kya MUKAMA;
Mbwenu ni bwengye ki obu baine?
10 #
Yer 6:12-15. N'ahabw'ekyo abakazi baabo ndyabaha abandi bashaija,
N'emisiri yaabo ngihe abaribasingura,
Ahabw'okuba okuruga aha muto okuhika aha mukuru
Boona baine omururu gw'amagoba gatahikire;
Okuruga ahari nabi okuhika aha munyamurwa
Boona nibakora eby'obugobya.#Isa 56:11.
11Obuhuta bw'abantu bangye babutambire aharuguru,
Nibagira bati: N'obusingye! N'obusingye!
Haza obusingye butariho.
12 #
Yer 3:3; Hos 4:5. Beitu, ku baaherize kukora ebihagaro, bakagira enshoni?
Ngaaha! Tibarazigizire na kakye,
N'obu kwakuba okubwerabwera;
N'ahabw'ekyo baryagwa omuri abo abagwa;
Omu bunaku obu ndibafubiririramu,
Baryakumbagazibwa; nikwo MUKAMA arikugira.
13 #
Yoel 1:7; Zef 1:2; Mat 21:19; Luk 13:6. Ndyabamariraho kimwe,
Ebijuma tibiriboneka ha mizaabibu nari aha mitiini,
Kandi n'amababi gaayo garyahotoka,
N'ebi naabahaire biryabaihwaho.
14 #
Yer 4:5; 9:15; Tonz 3:15, 19; Kush 8:11. Mbwenu nitugumibwa ki aha?
Muteerane, tutaahe omu ndembo ezeehinguririziibwe engo z'amabaare,
Tube niyo twacwekyererera;
Ahabw'okuba MUKAMA Ruhanga waitu atucwereire orubanja rw'okucwekyerera,
Yaatuha amaizi agarikwita kuganywa,
Ahabw'okuba tucumwire ahari MUKAMA.
15 #
Yer 14:19; Yob 30:26. Tutegyereize obusingye, kwonka titwine karungi aku tureebire;
Tutegyereize obunaku bw'okutambirirwamu,
Mbwenu reeba, haija ebirikutiinisa.
16 #
Yer 4:15; 10:25; 49:21; Bar 5:22; Zab 60:2. Okufuureeka okububura kw'embaraasi zaabo nikuhuririrwa omuri Daani;
Eiraka ry'okububura kw'enimi zaazo
Nirireetera ensi yoona kutengyeta,
Ahabw'okuba baizire, baamaraho ensi,
N'ebigirimu byona, orurembo n'abarutwiremu.
17 #
Lev 26:22; Kub 21:6; Zab 58:4, 5. Reeba, naaza kubooherereza enjoka
N'empiri ezitarikubaasa kurogwa,
Zibarume; nikwo MUKAMA arikugira.
18 #
Bir 32:21; Isa 39:3; Tonz 5:17. Obusaasi bwangye burengyesereize, tiburikubaasa kutambwa;
Omutima gwangye gugwire enshazi.
19Muhurire eiraka ry'eihanga ry'abantu bangye,
Eririkureetwa oku n'oku omu nsi yoona,
nibagira bati: MUKAMA tari omuri Saayuuni?
Omugabe waayo timwo ari?
Ahabw'enki bangwisize kubi n'ebishushani byabo ebibaizire,
N'ebirikuramibwa eby'enduga-mahanga?
20Eigyesha rihweire, n'ekyanda kyahwa,
Kandi titukajunirwe.
21 #
Yer 14:17; Isa 22:4; Yob 30:30; Tonz 4:8. Omutima gwangye nigusaasibwa obuhuta bw'abantu bangye,
Ndi omu rufu, nshobeirwe.
22 #
Yer 46:11; Kut 37:25. Omuri Gileadi tihakibamu omubazi gw'okwomoora?
Tihaakibayo omufumu?
Ahabw'enki abantu bangye batakakizire?
Currently Selected:
Yeremia 8: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
