Yeremia 7
7
Ruhanga okuragaansia abarikweteisa obusingye
1Ekigambo kikaija ahari Yeremia nikiruga ahari MUKAMA; kyagira kiti: 2#Yer 18:11; 26:2, 13. Yemerera omu irembo ry'enju ya MUKAMA, orangireyo ekigambo eki, noogira oti: Nimuhurire ekigambo kya MUKAMA, imwe mwena Abayuda abarikuraba omuri aga marembo nimuza kuramya MUKAMA. 3Oku nikwo MUKAMA ow'amahe, Ruhanga wa Israeli, arikugamba naagira ati: Mushemeze emitwarize yaanyu n'ebi murikukora, mbone kubaiikiriza kutuura omuri ogu mwanya. 4Murekye kwesiga ebigambo ebi ebirikuhabisa nimugira muti: Hekalu ya MUKAMA, hekalu ya MUKAMA, hekalu ya MUKAMA niyo egi! 5#Yer 22:3. Mumanye ngu, ku muraashemereze kimwe emitwarize yaanyu n'ebi murikukoa, mwakorerana eby'oburyo omu mzima, 6#Bir 6:14; 24:14. mwareka kwita kubi omunyaihanga, efuuzi n'omufaakazi, n'okusheesha eshagama y'abataine rubanja omuri ogu mwanya, mwareka n'okukuratira baaruhanga abandi kwereetaho akabi, 7#Bir 4:40. obwo ndyabaikiriza kutuura omuri ogu mwanya, omu nsi ei naahaire baashwenkuriimwe ira kuba eyaabo ebiro byona.
8Reeba, nimweruhiza busha kwesiga ebigambo ebirikuhabisa. 9#Hos 4:1, 2. Nimwija kwiba, kwita, kushambana, kurahira ebishuba, kwoterera Baali obubaane, n'okukuratira baaruhanga abandi abu mutakamanyaga, 10#Yer 32:34; 34:15. haza mwije muunyemerere omumaisho omuri egi nju erikwetererwa eiziina ryangye, mugire muti: Tujunirwe! haza kuri okugumizamu nimukora ebyo bihagaro byona? 11#Isa 56:7; Ezk 7:22; Mat 21:13. Egi nju erikwetererwa eiziina ryangye ebahindukiire enyanga y'abambuzi? Reeba, nyowe ahabwangye nikireebire; nikwo MUKAMA arikugira. 12#Yer 26:6; Zab 78:66; 1 Sam 1:3; 4:3-12; Bar 18:31. Nimwirooko muze omu mwanya gwangye ogwabaire guri Shiilo, ei naabandize kutuuza eiziina ryangye, mureebe oku naagugizire ningitura obubi bw'abantu bangye Israeli. 13#2 Bus 36:15; Enf 1:24; Isa 50:2; 65:12. Mbwenu, ahabw'okukora ebyo byona, mukanga kuhurira n'obu ndaabe naagumiizemu nimbagambira, kandi nkibeeta mutaanyetabe, 14#Bir 5:12; 1 Bag 9:7. nikyo ndigirira kubi enju erikwetererwa eiziina ryangye ei murikwesiga, n'omwanya ogu naabahaire na baashwenkuriimwe, nk'oku naagizire Shiilo. 15#2 Bag 17:6, 23; Hos 5:3, 9; 6:4. Kandi ndyabacwa mundugye omumaisho, nk'oku naacwire beene waanyu boona oruzaaro rwona orwa Efuraimu; nikwo MUKAMA arikugira.
Okworobera Ruhanga oku kurikukira ebitambo
16 #
Yer 11:14; 14:11; Kur 32:10; 1 Yoh 5:16. N'ahabw'ekyo otashabira aba bantu, n'obu kwakuba okwimutsya eiraka kubeeshengyerereza; kandi otanyeshengyereza, ahabw'okuba tindikwija kukuhurira. 17Yorikureeba ebi barikukora omu ndembo za Yuda n'omu nguuto za Yerusaalemu? 18#Bir 32:16, 21; 1 Bag 14:9; 16:2; 2 Bag 23:13; Yer 11:17; 19:13; 44:17, 19. Abaana ni batorotoora enku, baishebo nibahemba omuriro, abakazi nibabumbabumba eisyanga, kuteekyera omugabekazi w'eiguru otukeeki, kandi bashukira baaruhanga abandi empongano z'eby'okunywa kuunyitsa ekiniga. 19#Yer 51:51; Yob 35:6. Nimugira ngu niinye barikwitsa ekiniga? nikwo MUKAMA arikugira; tibo barikukyeitsa, bakeereetera okubwerabwera? 20#Yer 17:27; 42:18; 44:6; 2 Bus 34:25. Nikyo Mukama RUHANGA arikugirira ati: Reeba, okuguubwa kubi kwangye n'ekiniga kyangye biryashukwa aha mwanya ogu, aha bantu n'ematungo, aha biti by'omu ishwa n'aha myaka y'omu midiri, kyakye, kireme kuraaza.
21 #
Yer 6:20. Oku nikwo MUKAMA ow'amahe, Ruhanga wa Israeli, arikugamb anaagira ati: Mwongyere ebitambo byanyu eby'okwotsya aha bindi bitambo; 22#Hos 6:6. ahabw'okuba aha izooba eri naihiireho baashwenkuriimwe omu nsi ya Misri, tindabagambiire, kandi tindabaragiire by'ebitambo by'okwotsya n'ebindi bitambo; 23#Yer 11:4, 7; 42:6; Bir 4:40; 5:33; 6:3; Lev 26:12. kuraka eki nikyo kiragiro ki naabahaire, ningira nti: Mworobere eiraka ryangye, naanye ndyaba Ruhanga waanyu, naimwe mube abantu bangye, kandi mugyendere omu mitwarize yoona ei ndikubaragiira, mubone kuba gye. 24#Yer 2:19, 27; 15:6; Hos 4:16; Zab 81:11, 12. Kwonka baayanga kworoba, n'obu kwakuba okutega amatu, kureka baaguma nibagyendera omu naama zaabo n'omu buteegi bw'emitima yaabo emibi; omu mwanya gw'okugyenda omumaisho, baagaruka enyima. 25#2 Bus 36:15, 16. Okwiha aha izooba eri baashwenkuriimwe baarugiireho omu nsi ya Misri n'okuhitsya eri izooba nkaguma nimbooherereza abairu bangye boona baanabi ntarikwosha; 26#Yer 16:12; 2 Bus 30:8. kwonka hoona tibaraanyorobeire n'obu kwakuba okutega amatu, kureka bakagangaaza ebitsya, baakora kubi okukira baishenkurubo.
27Mbwenu obagambire ebigambo ebyo byona, kwonka tibarikwija kukuhurira; noija kubeeta, kwonak tibarikwija kukwetaba; 28#Yer 9:3. kandi obagire oti: Eri n'eihanga eritaroorobeire iraka rya MUKAMA Ruhanga waaryo, rikanga kutegyekwa; amazima gahwerekyereire, tigakiri mu kanwa kaabo.
29 #
Yob 1:20. Shara eishokye ryawe, orinagye hare,
Ocurire aha bibungo by'emparamaata;
Ahabw'okuba MUKAMA ayangire abantu
Abu ainiire ekiniga, yabatsigaho.
30 #
Yer 7:10; 32:34; 2 Bag 21:4, 7; 23:10; Ezk 5:11. Oku nikwo MUKAMA arikugamba naagira ati: Aba Yuda bakozire kubi nimbareeba, baata ebihagaro byabo omu nju erikwetererwa eiziina ryangye kugihagara. 31#Yer 7:21, 22; 31:40; Zab 106:38; Yos 18:16. Kandi bombekyeire Tofeti omwanya mukuru gw'okuramizamu omu ruhanga rwa mwene Hinoomu, kurabya abaana baabo b'aboojo n'ab'abaishiki omu muriro, eki ntarabaragiire, kandi ekitakaijaga mu biteekateeko byangye. 32#Yer 19:6, 11; Ezk 6:5. N'ahabw'ekyo mumanye ngu ebiro biryaija, obu ogwo mwanya gutarigaruka kwetwa ogwa Tofeti nari oruhanga rwa mwene Hinoomu, kureka guryayetwa oruhanga rw'eriitiro; ahabw'okuba omuri Tofeti nimwo bariziika ahabw'okubura ahandi hoona. 33#Yer 12:9; Bir 28:26. Emitumbi y'aba bantu eryariibwa amahungu g'omu mwanya n'enyamaishwa z'omu nsi, habure ow'okubikanga. 34#Lev 26:31, 33; Zab 78:63; Isa 24:7, 8; Yer 16:9; 27:17; 44:2, 6; Ezk 26:13; Kush 18:22, 23. Kandi ndyahamya eiraka ry'okushemererwa n'ery'okwesiima, n'eiraka rya kishwera na kishwerwa ngamare omu ndembo za Yuda n'omu nguuto za Yerusaalemu, ahabw'okuba ensi eryaba amatongo.
Currently Selected:
Yeremia 7: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
