Yeremia 6
6
Abayuda okuheebwa ekifubiro, bakanga kweteisa
1 #
Yer 1:14; 2 Bag 19:21. Imwe bantu ba Benyamiini 'mwe, nimuhungye,
Murugye omuri Yerusaalemu, musherure obukiriro!
Muteere enzamba omuri Tekoa,
Mwimutsye orurango ahari Besi-hakeremu;
Ahabw'okuba akabi kaareetana nikareetwa aha bukiizi-bwa-bumosho,
N'okucwekyerera kuhango.
2Saayuuni omurungi kandi owaayoroirwe gye,
Naaza kumucwekyereza.
3 #
Yer 4:17; 23:1. Abariisa nibaija kumurwanisa baine amasyo gaabo,
Bateere amahema gaabo, bamwehinguririze,
Buri omwe ariise ahakwe.
4 #
Yer 15:8; 22:7; 51:27; Yoel 3:9. Mweteekateekye kuza kumurwanisa,
Mwimukye mumuteere omu ihangwe.
Mbwenu ho twahitsya! ahabw'okuba bwaza kwira;
Ebicuucu by'omu mwabazyo nibigyenda nibiba biraingwa.
5Mwimukye, tumuteere nyekiro,
Tucwekyereze ebikaari bye.
6 #
Bir 20:20; 2 Bag 19:32; Ezk 26:8; Luk 19:44. Ahakuba oku nikwo MUKAMA ow'amahe arikugamba naagira ati:
Muhonde ebiti bya Yerusaalemu,
Mugirundeho eby'okutemberaho.
Oru nirwo rurembo orushemereire kufubirwa,
Orutarimu kindi kureka okuhatana.
7 #
Isa 57:20; Ezk 7:11, 23. Nk'oku enshuro eguma neereeta amaizi gaayo,
Narwo nikwo ruguma nirureeta obubi bwarwo;
Obubisha n'okucwekyereza nibiruhurirwamu;
Obutoosha nindeeba endwara n'okuhutaazana.
8 #
Ezk 23:18. Iwe Yerusaalemu, ikiriza okuhaburwa,
Ntakaataanira kimwe naiwe,
Nkakugira amatongo, n'ensi etatuurwamu.
9Oku nikwo MUKAMA ow'amahe arikugamba naagira ati:
Humbira kimwe Abaisraeli abatsigaireho,
Nk'oku bahumba omuzaabibu;
Garuka omu mataagi gaagwo, ohumbe n'engaro zaawe,
Nk'oku omucwi w'ebijuma by'emizaabibu agira.
10 #
Yer 7:26; Byak 7:57; Isa 28:9; 53:1. Mbenu n'oha ou naakugambira nkahana,
Bakahurira?
Reeba, amatu gaabo gaigaire,
Tibarikubaasa kuhurira;
Reeba, ekigambo kya MUKAMA kibahindukiire ekirikugaywa,
Tibarikukishemerererwa.
11 #
Yer 9:21; 20:9; Tonz 2:21. Nikyo nyijuriire ekiniga kya MUKAMA,
Nkaremwa kugumisiriza.
Kishukye aha baana abaari omu muhanda,
N'omu nteerane z'abatsigazi,
Ahabw'okuba omushaija n'omukazi we bombi baryatwarwa,
Abagurusi n'empwitsi nabo batwarwe.
12 #
Yer 6:12-15; 8:10-12. Amaju gaabo garyaba ag'abandi,
N'emisiri yaabo hamwe n'abakazi baabo;
Ahabw'okuba ndyabangira abatwire omu nsi omukono;
nikwo MUKAMA arikugira.
13 #
Yer 5:31; 31:34; 44:12; Yon 3:5; Mik 3:11; Isa 56:11. Okuruga aha muto okuhika aha mukuru omuribo,
Buri muntu aine omururu gw'amagoba gatahikire.
Okuruga ahari nabi okuhika aha munyamurwa,
Buri muntu naakora eby'obugobya.
14 #
Yer 4:10; 14:13; 23:17; Isa 48:22; Ezk 13:10; Mik 3:5. Obuhuta bw'abantu bangye babutambire eruguru,
Nibagira bati: N'obusingye! N'obusingye!
Haza obusingye butariho.
15 #
Yer 3:3; 8:12. Beitu ku baaherize kukora ebihagaro, baagira enshoni?
Ngaaha! Tibarazigizire na kakye,
N'obu kwakuba okubwerabwera.
N'ahabw'ekyo baryagwa omuri abo abagwa;
Omu bunaku obu ndibafubiriramu,
Baryakumbagazibwa;
nikwo MUKAMA arikugira.
16 #
Yer 18:15; Isa 8:20; Luk 16:29. Oku nikwo MUKAMA arikugamba naagira ati:
Mwemerere aha mihanda, mureebe,
Mubuuririze otuhanda otwa ira,
Ahu omuhanda murungi guri, mube nigwo mwatoora.
Nimwo muribonera emitima yaanyu oburuhuukiro.
Kwonka baagira bati: Titurikwija kuguritaho.
17 #
Yer 4:19; 44:16; Isa 58:1. Kandi nkataho ab'okubarinda ningira nti:
Mute omutima aha iraka ry'enzamba;
Kwonka baagira bati: Titurikwija kuguritaho.
18N'ahabw'ekyo, iwe iguru 'we, hurira;
Omanye ekiribabaho;
19 #
Enf 1:31. Naiwe nsi 'we, hurira.
Reeba, niinyija kureeta akabi ahari abo bantu,
Nibyo byana ebirikuruga omu naama zaabo,
Ahabw'okuba tibarataire mutima ha bigambo byangye,
N'ebiragiro byangye bakabyanga.
20 #
1 Bag 10:1; Zab 40:6; Isa 1:11; Amo 5:21. Ahabw'enki nibandeetera obubaane oburikuruga Sheeba,
N'emigaju erikuruga omu nsi ya hare?
Ebitambo byanyu ebyokize tibirikwikirizibwa,
N'empongano zaanyu tizirikunshemeza.
21 #
Ezk 3:20. Nikyo MUKAMA arikugirira ati:
Reeba, ndyata enkongi omu maisho g'abo bantu,
Ezi abaana na baishebo bariteeraho entsibo,
Bataahi baabo na bagyenzi baabo bakahwerekyerera.
22 #
Yer 6:22-24; 25:32; 31:8; 50:41-43. Oku nikwo MUKAMA arikugamba naagira ati:
Reeba, eihanga niriija niriruga omu nsi ey'omu bukiizi-bwa-bumosho,
Eihanga rikuru niriimuka kuruga ha muheru gw'ensi,
23Rikwaitse amata n'amacumu;
N'abantu enshaarizi abataine saasi,
Endigito yaabo ni nk'enyanja erikuhoorera,
Nibagyendera aha mbaraasi,
Batengire orugamba nk'abarikurwana,
Kukurwansia iwe Saayuuni.
24 #
Yer 38:4; Isa 13:8; Ezk 17:17; 21:7. Ku tuhuriire enkuru yaabyo,
Emikono yaatentebuka,
Twagira obusaasi bwingi
Nk'obw'omukazi orikurumwa kuzaara.
25 #
Yer 20:3; Tonz 2:22; Zab 31:13; Yob 18:11. Otashohora aheeru kuza omu ishwa,
N'obu kwakuba okuraba omu muhanda;
Ahabw'okuba omuzigu aine rurara,
N'okutiinisa kuri embaju zoona.
26 #
Yer 4:8; 25:34; Est 4:1; Tonz 3:16; Amo 8:10; Zek 12:10. Iwe ihanga ry'abantu bangye 'we, yezirikye ebiguniya,
Oyekuringye omu iju;
Ocure nk'ofiisize omwana omwe nyamunegyere,
otonzye n'obusaasi bwingi,
Ahabw'okuba omuhwerekyerezi aryatuteera kitaraariire.
27 #
Yer 1:18; 9:7. Nkuhindwire orikugyeza abantu bangye,
Ngu omanye emitwarize yaabo, ogicondooze.
28 #
Lev 19:16; Ezk 22:18, 26. Boona n'abagomi kandi enteegi,
Nibagyenda nibabiherera abandi;
Bagumire nk'omuringa nari nk'ekyoma;
Boona nibakora ebitahikire.
29 #
Isa 1:22, 25. Emijuba yaabo neejugutirirwa n'amaani,
Risasi ehwereziibwe omuriro,
Nibeeruhiza busha kugumizamu nibashemeza,
Ahabw'okuba ababi tibarikwihwamu.
30Abantu nibabeeta efeeza y'enkamba,
ahabw'okuba MUKAMA abangire.
Currently Selected:
Yeremia 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
