Yeremia 5
5
Ruhanga okumanyisa Yerusaalemu ebifubiro byayo ahabw'ebibi
1 #
Yer 5:7; Kut 18:23-32; 2 Bus 16:9. Nimwirukye, mukore oku n'oku omu nguuto za Yerusaalemu,
Mureebe, kandi mwetegyereze!
Musherure omu nteeraniro zaayo z'emihanda,
Ku muraabe nimubaasa kubonayo omuntu n'omwe,
Orikukora eby'oburyo, akasherura amazima,
Mbone kugisaasira.
2 #
Tit 1:16. N'obu baraabe nibagira bati: Niturahira MUKAMA ohuriire,
Kwonka nibarahira ebishuba.
3 #
Yer 2:30; 7:28; Ezk 3:8; Zef 3:2. Ai MUKAMA, amaisho gaawe tigarikusherura amazima?
Okabateera, kwonka tibaahurira busaasi;
Waabamaraho, kwonka baayanga kuhanwa,
Baagumya aha maisho gaabo okukira eibaare,
Baayanga kweteisa.
4 #
Mik 3:1. Bwanyima naagira nti: Abantu aba ni busha,
tibaine bwengye;
Ahabw'okuba tibarikumanya muhanda gwa MUKAMA,
N'obu byakuba ebiragiro bya Ruhanga waabo.
5 #
Yer 2:20; Zab 2:3. Ka nyegiire aha bakuru,
Mbe nibo naagamba nabo;
Ahabw'okuba bo nibamanya omuhanda gwa MUKAMA
N'ebiragiro bya Ruhanga waabo.
Kwonka naashanga nabo boona baahenzire omugamba,
Baacwire ebyabaire bibakomire.
6 #
Yer 4:7; Hab 1:8; Zef 3:3. Nikyo entare erikuruga omu kibira eribaitira,
N'omushega gurikuruga omu ihamba gukabacwekyereza;
Knadi engwe eryagwera aha ndembo zaabo,
Buri muntu orizirugamu aryataagataagurwa,
Ahabw'okuba ebicumuro byabo ni bingi,
N'okugaruka enyima kwabo kukanyire.
7 #
Yer 5:1; 9:2; 23:10; Bir 32:15; Yos 23:7; 2 Bus 13:9. Nimbaasa nta kukusaasira?
Abaana baawe banyimwire,
Baarahira abo abatari baaruhanga.
Ku naabagaburiire, naabahaazya,
Baashambana, baayerunda aha maju ga baamaraaya.
8 #
Yer 13:27; Ezk 22:11. Bakaba nibashusha enimi y'embaraasi eriisibwe gye, erikushiija,
Buri muntu naashiija muka mutaahi we.
9 #
Rom 2:2. Nimugira ngu tindibafubira ahabw'ebyo?
Tindihoora enzigu eihanga nk'eri?
nikwo MUKAMA arikugira.
10Mwinamukye, murabe omu mishorongo y'emizaabibu yaayo,
Mugicwekyereze;
Kwonka mutagimariraho kimwe.
Mugikonkoboreho amataagi,
Ahabw'okuba ti ga MUKAMA.
11Ahakuba enju ya Israeli n'eya Yuda
Zindeebeize kimwe; nikwo MUKAMA arikugira.
12 #
Yer 14:13; Isa 28:15; Kut 3:4. Babeihereire MUKAMA,
Nibagira bati: Taine ki arikora;
Tihariho kabi koona akarituhikaho;
Tituriitwa rurara, n'obu kwakuba okuteerwa enjara.
13Baanabi abo baryahinduka omuyaga,
Ahabw'okuba ekigambo ky'amazima tikibarimu.
Okwo nikwo barikorwa.
14 #
Yer 1:9, 10; Zek 12:6; Kush 11:5. Nikyo MUKAMA Ruhanga ow'amahe arikugirira ati:
Ahabw'okugamba ekyo kigambo,
Reeba, naaza kuhindura ebigambo byangye eby'omu kanwa kaawe omuriro,
N'abo bantu mbahindure enku, omuriro gubamareho.
15 #
Yer 34:21, 22; Bir 28:49; Isa 33:19. Iwe nju ya Israeli 'we, reeba,
Niinyija kukuteeza eihanga erya ira,
Eihanga eri otarikumanya rurimi rwaryo,
N'obu kwakuba okwetegyereza eki barikugamba.
16 #
Isa 5:28. Omutana gwabo ni nk'ekituuro kyashami,
Boona n'amamanzi.
17 #
Lev 26:16; Hos 8:14. Baryarya emyaka yaaawe n'eby'okurya byawe,
Barye batabani baawe na bahara baawe,
Barye amasyo gaawe g'entaama n'ag'ente,
Barye emizaabibu yaawe n'emitiini yaawe,
Kandi endembo zaanyu ezeehinguririziibwe engo z'amabaare,
Ezi murikwesiga,
Baryazicwekyereza na rurara.
18Kandi hoona n'omu biro ebyo tindibamariraho kimwe, nikwo MUKAMA arikugira. 19#Yer 16:10, 11; 1 Bag 9:8, 9; Bir 28:47, 48, 68; 29:24, 28. Abantu baawe ku barigira bati: Ahabw'enki MUKAMA Ruhanga waitu atukozireho ebyo byona? Oryabagira oti: Nk'oku mwanyimwire, mukaheereza baaruhanga b'abanyamahanga muri omu nsi yaanyu, nikwo muriheereza abanyamahanga muri omu nsi etari yaanyu.
20 #
Bir 32:6; Isa 6:9. Mukigambe omu nju ya Yakobo,
Mukirangye omuri Yuda, nimugira muti:
21 #
Mat 13:14. Muhurire eki, imwe abashema, kandi abataine bwengye,
Abaine amaisho, kwonka batarikureeba,
Abaine amatu, kwonka batarikuhurira;
22 #
Yer 10:7; Zab 46:3; 104:9; Yob 26:10. Oku nikwo MUKAMA arikugamba naagira ati:
Timurikutiina? Timurikutetemera omu maisho gangye?
Nkataho omusheenyi kuba omwatano gw'enyanja,
Omucungiro gw'ebiro byona, ogu etarikubaasa kurengyeraho;
Ebingozi n'obu byakwecunda bita, tibikaabaasa;
Kandi n'obu byakuhoorera bita, tibikaagurengyeraho.
23Kwonka eri ihanga riine omutima gugangaire,
Bagomire, baayegyendera.
24 #
Yer 14:22; Bir 11:14; Kut 8:22; Mat 5:45; Byak 14:17. Tibarikugira mu mitima yaabo bati:
Ka tutiine MUKAMA Ruhanga waitu,
Otuha enjura omu bunaku bwayo,
Enjura y'ebiba n'eya katumba,
Akaturindira saabiiti ezateereirweho amagyesha.
25 #
Yer 3:3. Eby'okushiisha byanyu nibyo biihireho ebyo byona,
Kandi ebibi byanyu bibazibiire kutunga ebirungi;
26 #
Zab 10:9; 124:7; Enf 1:11. Ahabw'okuba abantu babi nibashangwa omu bantu bangye,
Nibagwera nk'abategi b'enyonyi,
Batega emitego, bakwata abantu.
27Amaju gaabo gaijwire obugobya,
Nk'ekitukuru kiijwire enyonyi;
N'ahabw'ekyo bahindukire bakuru n'abatungi,
28 #
Yer 7:6; Isa 1:23; Bir 32:15. Bagomokire, baasiigiriza;
Omu kukora kubi tibaine bugarukiro;
Emanja z'efuuzi tibazicwa mu bwinganisa,
Ngu ezo fuuzi zibe gye,
Kandi tibatonganira bakyene.
29Nimugira ngu tindibafubira ahabw'ebyo?
Tindihoora enzigu eihanga nk'eri?
nikwo MUKAMA arikugira.
30 #
Yer 23:14. Ekintu ky'eihano kandi ekirikutiinisa munonga
Kigwire omu nsi egi,
31 #
Yer 6:13; 14:14, 18; 20:6; Ezk 13:6; Mik 2:11. Baanabi nibahanuura ebishuba,
Abanyamurwa nibategyeka nibagyendera aha bya baanabi abo;
Kandi abantu bangye nibasiima ku biba bityo.
Mbwenu muheru ku erihika, muryagira muta?
Currently Selected:
Yeremia 5: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
