Yeremia 33
33
Okuhanuura aha by'okugaruka kw'Abaisraeli n'Abayuda
1 #
Yer 32:2. Kandi ekigambo kya MUKAMA kyagaruka kyaija ahari Yeremia obwa kabiri, obu yaabaire akikingirainwe omu kibuga ky'abarinzi nikigira kiti: 2#Kur 6:3. Oku nikwo MUKAMA arikugamba, owaahangire ensi, akagikora kugihamya, MUKAMA niryo iziina rye, naagira ati: 3#Yer 29:12; Zab 91:15; Isa 48:6. Onyete, nkwetabe, nkugambire ebikuru eby'omubonano, ebi otakamanyaga. 4#Yer 32:24. Ahakuba oku nikwo MUKAMA, Ruhanga wa Israeli, arikugamba aha maju g'omuri oru rurembo, n'ahari zaanyaruju z'abagabe ba Yuda ezaasheenyirwe, ngu ebisheenyuka babone kubikumiiriza abarikutemba aha by'okutemberaho, n'abarikurwansia rurara, naagira ati: 5#Bir 31:17, 18. Abakaludaaya nibaija kwija kurwana n'okwijuza ago maju emitumbi y'abantu, abu ndiita ngwirwe kubi, nyine ekiniga kingi; ahabw'okuba obubi bwabo bwona bundeeteire kwima oru rurembo amaisho. 6#Yer 30:17. Reeba, ndyarureetera okuba gye, ndutambire, n'abantu baamwo mbakize, mboorekye obusingye bwingi n'amazima. 7#Yer 24:6; Isa 1:26. Ndyagarura aha buteeka Abayuda n'Abaisraeli abaatwairwe omu bukwatwa, ngarukye mbombekye, babe nk'oku baabaire bari okubanza. 8#Yer 31:34; Zab 51:2, 7; Ezk 36:25; Heb 9:13, 14. Ndyabashemeza, mbaiheho orubanja rwona orw'ebibi ebi bancumwireho; kandi ndyabasaasira eby'okushiisha byabo byona, ebi bancumwireho n'ebi baakozire nibangomera. 9#Yer 13:11; Zab 130:4; Isa 60:5. Kandi orurembo oru ruryambeera eiziina ry'okushemererwa, n'eky'okumpimbisisa, n'okumpaisa ekitiinisa omu maisho g'amahanga goona ag'omu nsi yoona, agarihurira ebirungi byona ebi ndikubakorera; kandi baryatiina, bateteme ahabw'ebirungi byona n'obusingye bwona obu nduhaire.
10Oku nikwo MUKAMA arikugamba naagira ati: Ogu mwanya ogu murikugira ngu n'amatongo, tigurimu bantu nari amatungo, n'endembo za Yuda, n'enguuto za Yerusaalemu, ezibaire amatongo, ezitaine bantu bazitwiremu n'obu gaakuba amatungo, 11#Yer 7:34; Lev 7:12; 1 Bus 16:34; Zab 107:22; Isa 12:4. nigwo gurigaruka kuhurirwamu eiraka ry'okushemererwa n'okwesiima, eiraka rya kishwera na kishwerwa, n'amaraka g'abarikweshongora, nibareeta omu nju ya MUKAMA empongano z'okusiima nibagira bati:
Musiime MUKAMA ow'amahe,
Ahabw'okuba ni murungi,
Kandi embabazi ze n'ez'ebiro byona.
Ahakuba ndyagarura ensi aha buteeka nk'oku yaabaire eri okubanza; nikwo MUKAMA arikugira.
12 #
Yer 31:24; 50:19; Isa 65:10; Ezk 34:14; 36:11. Oku nikwo MUKAMA ow'amahe arikugamba naagira ati: Omwanya ogu ogwabaire amatongo ogutarimu bantu nari amatungo, n'endembo zaagwo zoona, nigwo gurigaruka kuba obutaaho bw'abariisa, omu barizaagiza amasyo gaabo. 13#Yer 17:26; Yoh 10:3. Endembo z'omu nsi y'ebibungo, ez'omu mpita, ez'omuri Negebu, omu ishaza rya Benyamiini, emyanya eyehinguririize Yerusaalemu, n'endembo za Yuda, amasyo garyagaruka kuraba ahansi y'omukono gw'orikugabara; nikwo MUKAMA arikugira.
14 #
Yer 23:5, 6. Kandi MUKAMA naagira ati: Reeba, obunaku nibwija obu ndihikiiriza eki naaraganiise neju ya Israeli n'eya Yuda. 15#Isa 4:2; 11:1. Omuri ebyo biro n'omuri obwo bunaku ndyamereza Daudi Eitaagi ry'okuhikiirira, kandi Itaagi ogwo aryahikiiriza emanja z'oburyo n'okuhikiirira omu nsi. 16#Yer 23:6. Omuri ebyo biro Yuda aryajunwa, Yerusaalemu etuure buhooro. Kandi eri niryo iziina eri eryetwa, MUKAMA Kuhikiirira kwaitu.
17 #
1 Bag 2:4; Zab 89:3, 4. Ahakuba oku nikwo MUKAMA arikugamba naagira ati: Daudi taribura muntu w'okushutama aha kitebe ky'obugabe bw'enju ya Israeli; 18#Isa 66:21. n'abanyamurwa Abaleevi tibaribura muntu w'okuunyemerera omumaisho kutamba ebitambo by'okwotsya, n'okwotsya empongano z'esaano n'okutamba ebitambo obutwire bwona.
19Bwanyima ekigambo kya MUKAMA kyaija ahari Yeremia nikigira kiti: 20#Yer 31:36, 37; Kut 8:22. Oku nikwo MUKAMA arikugamba naagira ati: Ku mwakuba nimubaasa kwita endagaano yangye, ei naaragaine na nyomushana na nyekiro birekye kubaho omu bunaku bwabyo, 21#Zab 89:34. n'endagaano ei naaragaine n'omwiru wangye Daudi ekaafa, abura omwana w'okuza aha ngoma kutegyeka, kandi n'ei naaragaine n'abaheereza bangye abanyamurwa, Abaleevi nayo efa. 22#Kut 22:17. Nk'oku eihe ry'omu iguru ritarikubaasa kubarwa, n'omusheenyi gw'aha nyaja gutarikubaasa kurengwa, nikwo naanye ndikanyisa oruzaaro rw'omwiru wangye Daudi, n'abanayamurwa Abaleevi abarikumpeereza.
23Kandi ekigambo kya MUKAMA kyaija ahari Yeremia nikigira kiti: 24Torikuteekateeka aha ki abo bantu barikugamba nibagira bati: MUKAMA ayangire enganda ezo ibiri ezi yaatooraine? Okwo nikwo bagayire abantu bangye, ngu tibakiri ihanga omu maisho gaabo. 25Oku nikwo MUKAMA arikugamba naagira ati: Kuri ntarahamize ndagaano yangye ei naaragaine na nyomushana na nyekiro, kandi ntarahamize biragiro by'eiguru n'ensi, 26Obwo nibwo naakwangire oruzaaro rwa Yakobo n'orwa Daudi omwiru wangye, nkanga kutoorana omwe aha baijukuru be kutegyeka oruzaaro rwa Abrahamu, Isaaka na Yakobo. Ahabw'okuba ndyabagarura, mbaihe omu bukwatwa, mbagirire embabazi.
Currently Selected:
Yeremia 33: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
