Yeremia 31
31
Ruhanga okuhuumuriza abantu be n'okubagarura
1 #
2 Kor 6:18. MUKAMA naagira ati: Omu bunaku obwo ndyaba Ruhanga w'enganda za Israeli zoona, nabo babe abantu bangye. 2#Zab 95:11; Isa 63:14. Oku nikwo MUKAMA arikugamba naagira ati:
Abantu abahonokire ahari rurara,
Bakagirirwa embabazi omu ihamba;
Israeli ku yaasherwire oburuhuukiro,
3 #
Bir 7:8; Zab 36:10; Hos 11:4; Rom 11:28. MUKAMA yaamweyoreka ari omu nsi ya hare, naagira ati:
Nkakukunda na rukundo etahwaho,
Nikyo ngumiire ninkugirira embabazi.
4 #
Yer 33:7; Kur 15:20; 2 Sam 6:14; Isa 61:10. Ndyagaruka nkwombekye, naiwe oyombekwe,
Iwe mwishiki wa Israeli 'we oshugaine!
Oryagaruka oyehunde ebitaasa,
Oshohore oze kuzina n'abarikushemererwa.
5 #
Isa 2:3; 27:13. Oryagaruka ohingye emizaabibu
Aha bibungo bya Samaria;
Ababyazi baryagibyara,
Bashemerererwe ebijuma byayo.
6 #
Isa 2:3; 27:13. Ahabw'okuba haryabaho eizooba
Ei abarinzi bariimukizaho amaraka
Omu nsi y'ebibungo eya Efuraimu nibagira bati:
Mwimukye tugyende, twinamukye Saayuuni,
Tushangyeyo MUKAMA, Ruhanga waitu.
7 #
Zab 118:25; Isa 12:6; 65:18. Ahabw'okuba nikwo MUKAMA arikugamba naagira ati:
Mweshongore n'okushemererwa ahabwa Yakobo,
Muteere akaari ahabw'eri ihanga eririkukira agandi obukuru;
Murangye, muhimbise, mugire muti:
MUKAMA ajunire abantu be Abaisraeli abahonokireho.
8 #
Yer 3:19; 6:22; 23:3; Isa 35:5, 6, 7. Reeba, ndyabareeta nimbaiha omu nsi y'aha bukiizi-bwa-bumosho,
Mbataaruure nimbaiha aha muheru gw'ensi,
Barimu empumi, ebirema,
Abakazi abaine enda, n'abarikurumwa kuzaara,
Bagarukye aha, bari omutwe muhango.
9 #
Kur 4:22; Ezr 3:13; 10:1; Zab 23:2; Isa 35:8; 43:19; 49:10, 11; Yer 3:21; 50:4; Zek 12:10; Rom 8:15. Baryaija nibarira,
Mbeebembere, mbagarure nimbarembesereza.
Ndyabarabya aha tugyera,
Omu muhanda ogugororokire, omu batariteerera ntsibo,
Ahakuba ahari Israeli ndi omuzaire,
Kandi Efuraimu n'omujigaijo gwangye.
10 #
Isa 40:11. Imwe mahanga 'mwe, nimuhurire ekigambo kya MUKAMA,
Mukirangye omu birwa ebiri hare, nimugira muti:
Owaataataaniise Israeli niwe arimutaaruura,
Akamurinda nk'oku omuriisa arinda obusyo bwe.
11 #
Isa 43:1; 48:20; 49:24, 25. Ahabw'okuba MUKAMA acungwire Yakobo,
Yaamwiha omu mikono y'orukumukiza amaani.
12 #
Bir 12:17; Isa 2:2; 35:10; 58:11; Hos 3:5. Baryaija aha mutwe gw'orushozi Saayuuni,
Beeshongorereyo munonga,
Bashemerererwe oburungi bwa MUKAMA,
Bashangyeyo engano, viinyo n'amajuta,
Kandi n'abaana b'omu masyo g'entaama n'ag'ente,
Amagara gaabo garyaba nk'omusiri ogurikwitirirwa amaizi;
Kandi tibarigaruka kuhwa maani.
13 #
Yoh 16:20. Obwo nibwo abaishiki barizina, bakashemererwa,
Abatsigazi n'abagurusi bakeesiimira hamwe;
Ahabw'okuba okucura ndyakuhindura okushemererwa,
Mbahuumurize, mbahe okwesiima omu mwanya gw'enaku;
14Kandi amagara g'abanyamurwa ndyagaigutsa eby'ebishaju,
Abantu bangye bahaagye oburungi bwangye;
nikwo MUKAMA arikugira.
15 #
Yer 10:20; Mat 2:18; Kut 35:19, 20. Oku nikwo MUKAMA arikugamba naagira ati:
Enduuru neehurirwa omuri Raama,
Okucura n'okurira munonga,
Rakeeli naacurira abaana be;
Tarikwenda kuyaagirwa,
ahabw'okuba bahweireho.
16 #
Ezr 1:5; Hos 1:11. Oku nikwo MUKAMA arikugamba naagira ati:
Zibira eiraka ryawe kucura,
N'amaisho gaawe kuhimintikwamu amarira;
Ahabw'okuba ebi orikukora biryakuhaisa ebihembo,
Kandi abo baana baryaruga omu nsi y'abazigu baabo, bagarukye;
nikwo MUKAMA arikugira.
17 #
Yer 29:11. Hakiriho amatsiko ahabw'ebirikubaho bwanyima;
Abaana baawe baryagaruka omu nsi yaabo y obuzaarwa;
nikwo MUKAMA arikugira.
18 #
Zab 80:3. Nkahurira Efuraimu naaborooga ati:
Okampana, naahanwa
Nk'ekimasha kitakeegyesiibwe kuhinga;
Ongarure, mbone kugarurwa;
Ahabw'okuba niiwe MUKAMA, Ruhanga wangye.
19 #
Yer 3:25; Bir 30:2; Ezk 21:12. Ku naaherize kuhinduka, naayeteisa;
Kandi ku naaherize kwegyesibwa, naayemamaata,
Naagira enshoni, naabwerabwera,
Ahakuba nkaba nyekoreire ekihemu ky'obutsigazi bwangye.
20 #
Kyesh 5:4; Isa 16:11. Efuraimu t'omwana wangye ou nkunda?
T'omwana wangye enkoramutima?
Ahabw'okuba kaingi, n'obu ndaabe mmugambaho, nimmuhana;
Kwonka na hati ninkimwijuka.
Nikyo omutima gwangye gumwiniriire orushusho.
Buzimazima ndyamugirira embabazi;
nikwo MUKAMA arikugira.
21 #
Yer 30:4, 5; Isa 57:14. Yeteereho obumanyiso bw'omuhanda,
Oyeteereho ebyapa by'okukuhabura;
Oyetegyereze gye omuhanda rugyendwa,
Ogu waatoire noogyenda.
Garuka, iwe Israeli 'we,
Ogarukye omuri ezi ndembo zaawe.
22 #
Yer 2:18, 23, 26; 49:4. Oryahitsya hi n'okukora oku n'oku,
Iwe mwishiki orikugaruka enyima 'we?
Ahakuba MUKAMA ahangire ekitakareebwaga mu nsi,
Omukazi kurinda omushaija.
Ruhanga okuragaana n'abantu be endagaano nsya
23 #
Yer 30:3; 50:7; Zek 8:3; Zab 122:6, 7; Isa 1:26. Oku nikwo MUKAMA ow'amahe, Ruhanga wa Israeli, arikugamba naagira ati: Ku ndibaiha omu bukwatwa, naabagarura, bayragaruka bakorese egi ndamutsyo omu nsi ya Yuda n'omu ndembo zaayo, nibagira bati:
MUKAMA akuhe omugisha, iwe butaaho bw'okuhikiirira 'we,
Ekibungo ekirikwera!
24 #
Yer 33:13. Abayuda n'ab'omu ndembo zaayo zoona baryatuurayo kumwe, abahingi n'abarikufurafuruka n'amasyoo gaabo. 25#Zab 36:8. Ahabw'okuba ndyahaazya abaruhire, n'abahweirwemu amaani ngabagaruremu.
26Ahonaaho ku naasisiimukire, naashanga oturo nitukinnurira.
27 #
Isa 53:10; Zek 10:9. MUKAMA yaagira ati: Reeba, obunaku nibwija, obu ndibiba omu nju ya Israeli n'omu ya Yuda embibo z'abantu n'ez'amatungo. 28#Yer 1:10; 24:6; 31:40; 32:42; 44:27. Nk'oku naabataireho amaisho kubarandura, kubasheenya, kubakumbagaza, kubacwekyereza n'okubareetaho akabi, nikwo ndibataho amaisho kubombeka n'okubabyara, nikow MUKAMA arikugira. 29#Tonz 5:7; Ezk 18:2, 3, 4. Omu biro ebyo tibarigaruka kugira bati:
Abazaire bariire emizaabibu erikushaarira,
Amaino g'abaana gaaba nigo gaagira amangigina;
30kureka buri muntu aryafa azire ekibi kye, n'omuntu weena orirya emizaabibu erikushaarira, amaino ge nigo garigira amangigina.
31 #
Heb 8:8-12. MUKAMA naagira ati: Reeba, ebiro biryaija, obu ndiragaana endagaano nsya n'enju ya Israeli n'eya Yuda,#Luk 22:20; 2 Kor 3:6. 32#Yer 3:14; Bir 1:31. etarikushushana n'ei naaragaine na baishenkurubo, obu naabakwata aha mukono kubaiha omu nsi ya Misri; haza egyo ndagaano yangye bakagiita, n'obu ndaabe naabaire ndi ibabo; nikwo MUKAMA arikugira. 33#Yer 30:22; 32:40; Zab 37:31; Ezk 37:26; Hos 2:23; Zek 8:8; 2 Kor 3:3; Heb 10:16; Kush 21:7. Kureka egi niyo ndagaano ei diragaana n'enju ya Israeli bwanyima y'ebiro ebyo; ndyabatamu ebiragiro byangye, mbihandiikye omu mitima yaabo; kandi ndyaba Ruhanga waabo, nabo babe abantu bangye; nikwo MUKAMA arikugira. 34#Yer 6:13; 33:8; 36:3; 50:20; Isa 43:25; 54:13; Mik 7:18; Byak 10:43; Rom 11:27; Heb 10:17. Kandi omuntu aryaba atakyegyesa mutaahi we nari mwene ishe, naamugira ati: Manya MUKAMA; ahabw'okuba boona baryammanya okuruga aha muto okuhika aha mukuru; ahakuba ndyabasaasira eby'okushiisha byabo, n'ekibi kyabo tindikiijuka bundi; nikwo MUKAMA arikugira.
35 #
Yer 10:16. Oku nikwo MUKAMA arikugira,
Oha eizooba kwakira abantu nyomushana,
Akaragiira okwezi n'enyonyoozi kubamurikira nyekiro,
Oreetera enyanja kwimuka, ebingonzi byayo bikahoorera,
MUKAMA ow'amahe niryo iziina rye.
36 #
Yer 32:24-26; Isa 54:9, 10; Zab 148:6. MUKAMA ogwo naagira ati:
Ebyo bintu ku byakuruga omu buteeka bwabyo omu maisho gangye,
Obwo n'oruzaaro rwa Israeli rukaarekyera aho
Kuba eihanga omu maisho gangye ebiro byona.
37 #
Rom 11:1. Oku nikwo MUKAMA arikugamba naagira ati:
Eiguru eriri ahaiguru ku ryakubaasa kugyerwa,
N'emisingi y'ensi okuzimu ekazoorwa,
Obwo nkaacwa oruzaaro rwa Israeli rwona,
Ndutura ebi rwakozire byona;
nikwo MUKAMA arikugira.
38 #
2 Bag 14:13; Neh 3:1. Kandi MUKAMA yaagira ati: Reeba, obunaku nibwija, obu oru rurembo rurigaruka kwombekyerwa MUKAMA, okuruga aha munaara gwa Hananeeli okuhika aha Irembo ry'Akeekubo. 39#Ezk 40:3; Zek 1:16; 2:1, 2; Kush 11:1. Kandi omugoye gw'okugyeresa guryayeyongyera omumaisho, gugumizemu guhikye aha kibungo Garebu, gukube guze Goa. 40#Yer 7:31, 32; 2 Sam 15:23; 2 Bus 23:15; Isa 52:1. N'oruhanga rwona, oruteebwamu emitumbi n'eiju rya kashenda, n'emisiri yoona okuhika aha kagyera Kidirooni, n'okuhika aha keekubo k'aha Irembo ry'Embaraasi eririkureeba oburugwa-izooba, biryayerezibwa MUKAMA. Orwo rurembo tiruriihwaho bundi n'obu kwakuba okusheenywa ebiro byona.
Currently Selected:
Yeremia 31: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
