Yeremia 30
30
Yeremia okuhandiika omu kitabo eby'obunabi bwe
1Ekigambo ekyarugire ahari MUKAMA kikaija ahari Yeremia nikigira kiti: 2#Yer 36:2; Hab 2:2, 3. Oku nikwo MUKAMA, Ruhanga wa Israeli, arikugamba naagira ati: Handiika omu kitabo ebigambo byona ebi naakugambiire; 3#Yer 12:15; 16:15; 29:14; 31:23; 32:44; 33:7; Ezr 2:1; Yob 42:10; Isa 11:12, 13; Ezk 20:42; Hos 1:11. ahakuba reeba, obunaku buryahika, obu ndimariraho kimwe obukwatwa bw'abantu bangye Abaisraeli n'Abayuda, nkabagarura omu nsi ei naahaire baishenkurubo, kandi baryagikubuura.
4Ebi nibyo bigambo ebi MUKAMA yaagambire ahari Israeli na Yuda.
5Oku nikwo MUKAMA arikugamba naagira ati:
Tuhuriire eiraka ry'abantu abarikukangarana,
Baine obwoba, kandi bataine busingye.
6 #
Yoel 2:6, 11; Isa 13:8; Dan 12:1; Zef 1:14. Mbwenu mubuuze, mureebe;
Omushaija naabaasa kurumwa okuzaara?
Ahabw'enki nindeeba buri mushaija
Ayekwaitse omu manyaanya nk'omukazi orikurumwa,
Aha maisho ge hahinduriize?
7Ai bambe! eshi eryo izooba rigumire,
Tihaine rindi eririkushushana naryo;
Nibyo biro by'enaku za Yakobo,
Kwonka aryabyogamu.
8 #
Yer 27:2; Ezk 34:27; Nah 1:14. Kandi MUKAMA ow'amahe naagira ati: Ahari eryo izooba ndyahenda omugamba gw'obuhuuku, ngwihe aha bitsya byabo, ncwe ebibabohire; kandi abanyamahanga tibarigaruka kubagira bahuuku bundi; 9#Yer 23:5; Isa 55:3, 4; Hos 3:5; Luk 1:69, 70; Byak 13:22, 23. kureka baryaheereza MUKAMA Ruhanga waabo na Daudi omugabe waabo, ou ndibaimukiza.
Okuhanuura aha kugaruka kw'abaatwairwe omu bukwatwa
10 #
Yer 42:11; 46:27, 28; Isa 41:8; 43:5. N'ahabw'ekyo otatiina, iwe Yakobo omwiru wangye,
Nikwo MUKAMA arikugira;
Naiwe Israeli, otahahaaza omutima,
Ahabw'okuba ndyakujuna, nkwihe hare,
N'oruzaaro rwawe ndwihe omu nsi y'obukwatwa bwarwo.
Yakobo aryagaruka, ahitsye omutima omunda, aruhuukye,
Tihaine orimutiinisa.
11 #
Yer 10:24. Ahabw'okuba ndi hamwe naiwe kukujuna;
Nikwo MUKAMA arikugira.
Ndyamariraho kimwe amahanga goona,
Agu naakutaataanisiizemu;
Kwonka iwe tindikumariraho kimwe,
Kureka ndyakuteera ninkubarira;
Kandi hoona tindikureka ntakufubiire.
12 #
Yer 10:19; 15:18. Ahakuba oku nikwo MUKAMA arikugamba naagira ati:
Obusaasi bwawe ti bw'okukira,
Obuhuta bwawe nibuhurura munonga,
13 #
Yer 46:11. Tihaine w'okukutonganira,
Tihariho mubazi gw'okubwomoora,
N'obu kyakuba eky'okukutambira.
14 #
Yer 4:30; Yob 13:24; 30:21; Isa 63:10. Nkunzi zaawe zoona zikwebirwe,
Tizaakikwetaho,
Ahabw'okuba nkuhutaarize obuhuta bw'obuzigu,
N'ekifubiro ky'omuzigu otaine saasi,
Ahabw'okuba orubanja rwawe ni ruhango,
N'ebibi byawe birengyesereize.
15 #
Yer 5:6. Ahabw'enki nootakisibwa obusaasi?
Okuhururwa kwawe tikurikubaasa kutambwa.
Ebyo byona nkabikukorera
Ahabw'orubanja rwawe ruhango,
N'ahabw'ebibi byawe ebirengyesereize.
16 #
Yer 10:25; Kur 23:22; Isa 33:1; 41:11. N'ahabw'ekyo abarikukumaraho baryamarwaho,
N'abazigu baawe boona oku baingana baryatwarwa omu bukwatwa;
Abarikukunyaga baryanyagwa,
N'abarikukushahura, ndyabahindura eky'okushahurwa,
17 #
Yer 33:6; Zab 6:2; Mik 4:6, 7. Ahabw'okuba ndyakugaruramu amagara,
n'obuhuta bwawe mbukize,
Ahakuba bakakweta encuubwa nibagira bati:
Ni Saayuuni, etagira ogyetaho!
18 #
Bir 13:16; Amo 9:11. Oku nikwo MUKAMA arikugamba naagira ati:
Reeba, ndyagarura ab'omu mahema ga Yakobo, mbaihe omu bukwatwa,
Ngirire embabazi amaka ge.
Orurembo ruryagaruka kwombekwa aha mituumo yaarwo,
Kandi n'ekikaari kiryaza ahu kyabaire kiri.
19 #
Yer 31:12, 13; 33:11; Isa 35:10; Ezk 36:10, 37. Omuribyo haryarugamu ebyeshongoro by'okusiima,
N'amaraka g'abarikushemererwa.
Ndyabahaisa ekitiinisa, tibariba abarikugaywa.
20 #
Isa 1:26. Abaana baabo baryaba nk'oku baabaire bari ira,
N'eihanga ryabo riryahamibwa omu maisho gangye,
Kandi ndyafubira abarikubahata boona.
21 #
Yer 49:19; Kut 49:10; Kub 16:5; Bir 18:18; Heb 5:4. Omugabe waabo aryaba omwe,
Omutegyeki waabo abakomookyemu;
Ndyamwiriza haihi, ampikye.
Mbwenu owaakwehanga kumpika n'oha?
nikwo MUKAMA arikugira.
22 #
Yer 24:7; 31:1; 32:38; Lev 26:12. Muryaba abantu bangye,
Naanye mbe Ruhanga waanyu.
23 #
Yer 23:19, 20. Reeba, eihunga rya MUKAMA!
Ekiniga kye kyashohora nk'omuyaga gw'akasooroora;
Nikiza kuteera emitwe y'ababi.
24 #
Yer 12:13; Hos 3:5. Ekiniga kya MUKAMA ekingi tikirigarukayo,
Okuhitsya obu ariheza kufubira,
N'okuhikiiriza ebi arikwenda kukora.
Omu biro by'aha muheru nibwo murikimanyira kimwe.
Currently Selected:
Yeremia 30: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
