Yeremia 27
27
Yeremia okuhabura Zedekia kwehongyera Nebukadeneeza
1Omu kutandika kw'obutegyeki bwa Zedekia mwene Yosia omugabe wa Yuda, ekigambo eki kikaija ahari Yeremia nikiruga ahari MUKAMA. 2#Yer 28:10; Lev 26:13; 1 Bag 22:11. Yeremia yaagira ati: Oku nikwo MUKAMA angambiire naagira ati: Yesharire enkoba, oyebaijere emigamba, obite omu bitysa. 3Bwanyima otume aha mugabe wa Edomu, owa Moabu, ow'Abaamoni, owa Tuuro n'owa Sidoni, obatumeho entumwa eziizire Yerusaalemu ahari Zedekia omugabe wa Yuda. 4#Yer 21:5. Ozitume ahari bakama baazo oti: Oku nikwo MUKAMA ow'amahe, Ruhanga wa Israeli arikugamba naagira ati: Oku nikwo muraagambire bakama baanyu muti: 5#Yer 21:5; Zab 115:15, 16; Isa 45:12; Dan 4:17. Niinye naahangire ensi n'abantu n'enyamaishwa ebigirimu, nkabihangisa obushoboorozi bwangye bwingi n'omukono gwangye ogugoroirwe, kandi ningiha weena ou ndikusiima. 6#Yer 25:9; 28:14; Ezk 30:21, 25. Mbwenu hati ezi nsi zoona naaziha omwiru wangye Nebukadeneeza omugabe wa Babulooni, kandi naamuha n'enyamaishwa z'omu ishwa zoona kumuheereza. 7#Yer 25:12, 14; 52:31; Dan 2:37, 38; 5:1, 30. Amahanga goona garyamukorera, n'omwana we n'omwijukuru, okuhitsya obu obunaku bw'ensi ye burihika; bwanyima amahanga maingi n'abagabe g'amaani baryamugira omuhuuku waabo.
8 #
Yer 30:8. Kwonka eihanga ryona nari obugabe bwona, oburyanga kuheereza Nebukadeneeza ogwo, omugabe wa Babulooni, n'okwikiriza kwinika ebitsya kutegyekwa ogwo mugabe, ndyafubira eryo ihanga na rurara n'enjara n'orufu, okuhitsya obu ndirimarisaho oukono gwe; nikwo MUKAMA arikugira. 9#Yer 14:14; 29:8; Isa 2:6; Bir 18:10. N'ahabw'ekyo murekye kuhurira baanabi baanyu, abafumu baanyu, nari abarogi baanyu, abarikubagira bati: Timuriheereza omugabe wa Babulooni; 10ahabw'okuba ebi barikubahanuurira n'ebishuba ebirikwija kubareetera okutwarwa hare n'ensi yaanyu; kandi naanye ndyabgibabingamu, muhwerekyerere. 11Kwonka eihanga ryona eririikiriza kwinika ebitsya kutegyekwa omugabe wa Babulooni n'okumuheereza, eryo niryo ndireka omu nsi yaaryo kugihinga n'okugituuramu; nikwo MUKAMA arikugira.
12 #
Yer 38:17. Bwanyima naagambira Zedekia omugabe wa Yuda omu muringo nk'ogwo, ningira nti: Mwinikye ebitsya byanyu, mutegyekwe omugabe wa Babulooni, mumuheereze, we n'abantu be, mubone kugumaho. 13#Ezk 18:31. Mbwenu iwe n'abantu baawe ku mwakwitwa rurara n'enjara n'orufu, nk'oku MUKAMA agambire aha ihanga ryona eririkwanga kuheereza omugabe wa Babulooni, mukaazira ki? 14Mutahurira ebigambo bya baanabi abarikubagira bati: Timuriheereza omugabe wa Babulooni; ahabw'okuba ebi barikubahanuurira n'ebishuba. 15Tiinye mbatumire, kureka nibahanuura ebishuba omu iziina ryangye; ekiraarugyemu ndyababinga omuri egi nsi, muhwerekyerere, imwe na baanabi abarikubahanuurira; nikwo MUKAMA arikugira.
16 #
Yer 28:3; 2 Bag 24:13. Bwanyima naagambira abanyamurwa n'abantu abo boona nti: Oku nikwo MUKAMA arikugamba naagira ati: Mutahurira ebi baanabi barikubahanuurira nibagira bati: Reeba, ebintu by'omu nju ya MUKAMA nibiija kwihwa Babulooni, bigarurwe juba; ahabw'okuba ebi barikubahanuurira n'ebishuba. 17#Yer 7:34. Mutabahurira; muheereze omugabe wa Babulooni, mubone kugimaho. Mbwenu oru rurembo ku rwakuhinduka amatongo, rukaazira ki? 18#Isa 59:16; Dan 1:2. Ku baraabe bari baanabi, kandi ekigambo kya MUKAMA ku kiraabe kiri hamwe nabo, nibeeshengyereze MUKAMA ow'amahe, ebintu ebitsigaire omu nju ya MUKAMA n'omu nju y'omugabe wa Yuda kandi n'omuri Yerusaalemu birekye kutwarwa Babulooni. 19#2 Bag 25:13. Ahabw'okuba oku nikwo MUKAMA ow'amahe arikugamba aha nyomyo, ekitanka, ebitebe by'ebinaabiro, n'ebindi bintu ebitsigaire omuri oru rurembo, 20#Yer 24:1-10; 2 Bag 24:14, 15. ebi Nebukadeneeza omugabe wa Babulooni ataratwaire, obu yaatwara Yekonia mwene Yehoyakimu omugabe wa Yuda, naamwiha Yerusaalemu akamutwara Babulooni ari enkwatwa hamwe n'abakungu ba Yuda n'aba Yerusaalemu- 21naagira ati: Oku nikwo MUKAMA ow'amahe, Ruhanga wa Israeli, arikugamba aha bintu ebitsigaire omu nju ya MUKAMA n'omu nju y'omugabe wa Yuda n'omuri Yerusaalemu, naagira ati: 22#Yer 29:10; 32:5; 52:17, 20, 21; Ezr 1:1, 7, 8. Biryatwarwa Babulooni, kandi niyo biriguma okuhitsya aha izooba eri ndibiijukiraho. Bwanyima ndyabigarura, mbite omuri ogu mwanya.
Currently Selected:
Yeremia 27: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
