Yeremia 26
26
Okuhanuura ahari hekalu ku ericwekyerezibwa
1 #
Yer 27:1; 2 Bag 23:36. Omu kutandia kw'obutegyeki bwa Yehoyakimu mwene Yosia omugabe wa Yuda, ekigambo eki kikaruga ahari MUKAMA nikigira kti: 2#Yer 19:14; Bir 4:2; Ezk 3:10; Byak 20:27. Oku nikwo MUKAMA arikugamba naagira ati: Irooko oyemerere omu kikaari ky'enju ya MUKAMA, ogambire ab'omu ndembo za Yuda zoona, abatuura nibaija kuramiza omu nju ya MUKAMA, ebigambo byona ebi ndikukuragiira kubagambira; otagira ekigambo na kimwe eki waatsigayo. 3#Yer 18:8; 36:3. Obundi bakaahurira, buri muntu ahinduka, aruga omu mitwairize ye embibi, naanye mbona kwegarukamu kureka akabi akau naaba niinyenda kubareetaho nimbatura ebibi ebi barikukora. 4#Lev 26:14. Kandi obagire oti: Oku nikwo MUKAMA arikugamba naagira ati: Ku muraayangye kumpurira kugyendera omu biragiro byangye ebi naataire omu maisho gaanyu, 5#Yer 25:3, 4. n'okuta omutima aha bigambo by'abaheereza bangye baanabi, abu ntuura nimbatumaho, kwonka mutarikukyetaho, 6#Yer 7:12; 24:9. egi nju ndyagigira nka Shiilo, n'oru rurembo ndugire eky'okukyeenwa omu mahanga goona ag'omu nsi.
Abanyamurwa na baanabi okwenda kwita Yeremia
7 #
Yer 23:33. Abanyamurwa, baanabi n'abantu boona bahurira Yeremia naagambira ebyo bigambo omu nju ya MUKAMA. 8Yeremia ku yaaherize kugamba byona ebi MUKAMA yaamuragiire kugambira abantu boona, abanyamurwa na baanabi n'abantu boona baamukwata, baagira ati: Buzimazima noija kufa. 9Ahabw'enki ohanwire omu iziina rya MUKAMA noogira oti: Egi nju eryaba nak Shiilo, n'oru rurembo ruryaba amatongo, rubure ow'okurutuuramu? Abantu boona baateeranira ahari Yeremia omu nju ya MUKAMA.
10 #
Yer 36:10, 12. Abanyiginya ba Yuda, ku baabihuriire, baaruga ow'omugabe, baija omu nju ya MUKAMA, baashutqma aharikutaahirwa omu Irembo Risya ry'enju ya MUKAMA. 11#Yer 38:4. Bwanyima abanyamurwa na baanabi baagambira abanyiginya n'abantu boona bati: Ogu muntu ashemereire kucwerwa orubanja rw'okufa, ahabw'okuba ahanwire kubi ahari oru rurembo, nk'oku mubihuriire n'amatu gaanyu.
12Yeremia nikwo kugambira abanyiginya n'abantu boona ati: MUKAMA antumire kuhanuura aha nju egi n'ahari oru rurembo ebigambo ebi byona ebi muhuriire, ebirirubaho. 13#Yer 7:3; Bir 30:2. Mbwenu mushemeze emitwarize yaanyu n'ebi murikukora, kandi mworobere eiraka rya MUKAMA Ruhanga waanyu; na MUKAMA naija kwegarukamu, arekye akabi akau abagambireho. 14Kwonka nyowe reeba, ndi omu mikono yaanyu. Munkore eki murikusiima ngu ni kirungi kandi kihikire. 15#Mat 27:24. Kwonka mumanyire kimwe ngu, ku muraanyite, nimuba mwereetsireho eshagama y'otaine rubanja, kandi n'ahari oru rurembo n'abatuuzi baarwo; ahabw'okuba buzimazima MUKAMA niwe abantumireho kubagambira ebyo bigambo.
Abanyiginya okukiza Yeremia
16Bwanyima abanyiginya n'abantu boona baagambira abanyamurwa na baanabi bati: ogu muntu tashemereire kucwerwa rubanja rw'okufa, ahabw'okuba atugambiire omu iziina rya MUKAMA Ruhanga waitu. 17#Yer 19:1; Byak 5:34. Bamwe aha bakuru b'omuri egyo nsi baagambira abantu abateeraniire sho, bati: 18Omu busingye bwa Hezekia omugabe wa Yuda Miika owa Moresheesi akahanuura, yaagira Abayuda boona ati: Oku nikwo MUKAMA ow'amahe arikugamba naagira ati:
Saayuuni eryahingwa nk'omusiri,
Yerusaalemu ebe emituumo y'ebisheenyuka,
N'orushozi rw'enju ya MUKAMA rube nk'akabungo kashwekirwe ekibira.
19 #
Kur 32:14; 2 Bus 32:26; Byak 5:39. Nimugira ngu Hezekia omugabe wa Yuda n'Abayuda boona bakamwita? Timurikumanya ku yaatiinire MUKAMA, akamweshengyereza kumugirira embabazi, MUKAMA akeegarukamu, akareka akabi aku yaabagambireho? Kwonka itwe nitwenda kwereetaho akabi kahango.
20 #
1 Sam 6:21; 7:1, 2. Kandi hakaba hariho ondiijo mushaija owaahanwire omu iziina rya MUKAMA, owaabaire naayetwa Uria mwene Shemaaya owa Kiryasi-yearimu. Nawe akahanuura ahari oru rurembo n'ahari egi ensi ebigambo ebirikushushana n'ebya Yeremia. 21Omugabe Yehoyakimu hamwe n'amamanzi ge goona n'abanyiginya be boona, ku baahuriire ebigambo bye, omugabe yaayenda kumweita; kwonka Uria ku yaakihuriire, yaatiina, yaacwa, yaahungira Misri. 22#Yer 36:12, 25; 2 Bag 22:12, 14. Bwanyima omugabe Yehoyakimu yaatuma abantu Misri, Elinasani mwene Akiboora n'abandi abu yaabaire aine, 23#Yer 22:17; Neh 9:26; Mat 21:35. baihayo Uria, baamureetera omugabe Yehoyakimu, yaamwitsa rurara, omutumbi gwe baagunaga omu iziikiro ry'abantu b'obutoosha.
24Kwonka Ahikaamu mwene Shafani yaarwana ahari Yeremia, tiyaaheebwayo mu mikono y'abantu kwitwa.
Currently Selected:
Yeremia 26: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
