Yeremia 28
28
Hanania okuhanuura naahakanisa Yeremia
1 #
Yos 9:3; 21:17. Omuri ogwo mwaka aha kutandika kw'obutegyeki bwa Zedekia omugabe wa Yuda, omu kwezi kwa kataano okw'omu mwaka gwa kana, Hanania mwene Azuuri, nabi ow'omuri Gibeoni, akangambirira omu nju ya MUKAMA omu maisho g'abanyamurwa n'abantu boona naagira ati: 2#Yer 27:2. Oku nikwo MUKAMA ow'amahe, Ruhanga wa Israeli, arikugamba naagira ati: Mpenzire omugamba gw'obutegyeki bw'omugabe wa Babulooni. 3Emyaka ebiri etakahweire, ndyagarura omu mwanya ogu ebintu byona eby'enju ya MUKAMA, ebi Nebukadeneeza omugabe wa Babulooni yaihiremu, katwara Babulooni; 4#Yer 22:10. kandi ndyagarura Yekonia mwene Yehoyakimu omugabe wa Yuda n'Abayuda boona abaagiire Babulooni bari enkwatwa; ahabw'okuba ndyahenda omugamba gw'obutegyeki bw'omugabe wa Babulooni.
5Bwanyima nabi Yeremia yaagambirira nabi Hanania omu maisho g'abanyamurwa n'abantu boona abaabaire beemereire omu nju ya MUKAMA, 6#1 Bag 1:36. naagira ati: Amiina! Nkaabaasibwa ki MUKAMA akora atyo; kandi ahikiiriza ebi waahanuura, agarura omu mwanya ogu ebintu by'enju ya MUKAMA ebiri Babulooni, hamwe n'abatwairweyo boona bari enkwatwa. 7Kwonka hati hurira ekigambo eki ndikukugambira, iwe n'abantu boona. 8#Yer 26:18. Baanabi aba ira abaatubandiize twembi bakahanuurira amahanga maingi n'obugabe bw'amaani, ku birihikwaho engamba, enjara n'orufu. 9#Yer 6:14; Bir 18:22. Kwonka nabi orikuhanuura eby'obusingye, ekigambo kya nabi ogwo ku kiriba kwo, niho kirimanyirwa ngu buzimazima MUKAMA niwe yaamutumire.
10Bwanyima nabi Hanania yaiha emigamba eyaabaire eri aha bitsya bya nabi Yeremia, yaagihenda, 11#Yer 27:7; 1 Bag 22:11. kandi yaagambira omu maisho g'abantu boona ati: oku nikwo MUKAMA arikugamba naagira ati: Nikwo ndihenda ntyo omugamba gw'obutegyeki bwa Nebukadeneeza omugabe wa Babulooni, nkwagwiha aha bitsya by'amahanga goona, emyaka ebiri etakahweire. Kwonka nabi Yeremia yaayegyendera.
12Ku haahingwireho ebiro, nabi Hanania aherize kuhenda emigamba eyaabaire eri aha bitsya bya nabi Yeremia, ekigambo kya MUKAMA kyaija ahari Yeremia nikigira kiti: 13Irooko ogambire Hanania oti: Oku nikwo MUKAMA arikugamba naagira ati: Ohenzire emigamba y'ebiti, kwonka nyowe niinyija kukora ey'ebyoma omu mwanya gwayo; 14#Yer 25:11; Bir 28:48. ahakuba oku nikwo MUKAMA ow'amahe, Ruhanga wa Israeli, arikugamba naagira ati: Ntaire omugamba gw'ekyoma aha bitsya by'ago mahanga goona kuba abahuuku ba Nebukadeneeza omugabe wa Babulooni; kandi baryamuheereza, ahabw'okuba mmuhaire nangwa n'enyamaishwa z'omu ishwa. 15#Yer 29:31; Bir 18:20; Ezk 13:22, 23. Kandi nabi Yeremia yaagira nabi Hanania ati: Hurira, iwe Hanania; MUKAMA takutumire, kandi oreeteire aba bantu kwesiga ebishuba. 16#Yer 29:32; Bir 13:5. Nikyo MUKAMA arikugirira ati: Reeba, niinyija kukwiha omu nsi. Ogu mwaka noogufamu, ahabw'okuba ogambire eby'okugomera MUKAMA.
17Omuri ogwo mwaka omu kwezi kwa mushanju nabi Hanania yaafa.
Currently Selected:
Yeremia 28: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
