Yeremia 25
25
Yeremia okuhanuura aha myaka ei Abayuda barimara omu bukwatwa
1 #
2 Bag 24:1. Omu mwaka gwa kana ogw'omu busingye bwa Yehoyakimu mwene Yosia omugabe wa Yuda (nigwo mwaka gw'okubanza gwa Nebukadeneeza omugabe wa Babulooni), ekigambo kikaija ahari Yeremia, nikigamba aha Bayuda boona. 2Nabi Yeremia ogwo yaakigambira Abayuda boona n'abatuuzi ba Yerusaalemu boona, naagira ati: 3#Yer 1:2. Okwiha omu mwaka gwa ikumi n'eshatu ogwa Yosia mwene Amoni omugabe wa Yuda okuhitsya hati, mmazire emyaka makumi abiri n'eshatu ekigambo kya MUKAMA nikiinyijaho, kandi ntuura nimbagambira, kwonka mukanga kuhurira. 4#Yer 7:13; 2 Bus 36:15. Mukanga kuhurira n'obu kwakuba okutega amatu, n'obu MUKAMA araabe atuura naabatumaho abairu be baanabi boona naagira ati: 5#Yer 7:6, 7; 18:11. Muhindukye hati, buri muntu omuriimwe arekye emitwarize ye mibi, n'ebibi ebi arikukora, mugume omu nsi ei MUKAMA yaabahaire na baashwenkuriimwe kuba eyaanyu okwiha ira okuhitsya ebiro byona; 6#Yer 32:30. kandi murekye kukuratira baaruhanga abandi kubaheereza n'okubaramya, murekye kungwisa kubi n'ebi murikukora n'emikono yaanyu. Obwo nibwo ntaribakora kubi. 7Kwonka na hati timukanyorobeire, kureka nimukingwisa kubi n'ebi murikukora n'emikono yaanyu, kwereetera akabi; nikwo MUKAMA arikugira.
8Nikyo MUKAMA ow'amahe arikugirira ati: Ahabw'owanga kworobera ebigambo byangye, 9#Yer 1:15; 18:16; 27:6; 43:10; Ezk 29:18-20; Isa 44:28; 48:1. reeba, niinyija kutuma aha nganda zoona ez'aha bukiizi-bwa-bumosho, n'aha mwiru wangye Nebukadeneeza omugabe wa Babulooni, baije, mboohereze kuteera egi nsi n'abatuuzi baamwo, n'amahanga aga goona agabeehinduririize. Ndyabacwekyerereza kimwe, mbagire ekirikutiinisa, n'eky'okweshaanyua, n'eky'okujumwa ebiro byona. 10#Mub 12:4; Kush 18:22, 23. Kandi ndyabamaramu eiraka ry'okwesiima n'ery'okushemererwa, erya kishwera n'erya kishwerwa, ery'orubengo n'okwaka kw'etabaaza. 11#Yer 27:3-6; 29:10; 2 Bus 36:21, 22. Egi nsi yoona eryaba amatongo n'eihamba, kandi ago mahanga garyamara emyaka makumi mushanju nigaheereza omugabe wa Babulooni. 12#Yer 51:24, 26, 62; Isa 13:19. Bwanyima egyo myaka makumi mushanju ku erihwa, ndyafubira omugabe wa Babulooni n'eryo ihanga, n'ensi y'Abakaludaaya, nimbatura eby'okushiisha byabo, mpagire eihamba ebiro byona; nkwo MUKAMA arikugira. 13#Yer 48:1—51:64. Kandi ndyareeta aha nsi egyo ebigambo byona ebi naagigambireho, ebihandiikirwe omuri eki kitabo eky'ebi Yeremia yaahanwire aha mahanga goona. 14#Yer 27:7; 50:9, 41; 51:27, 28. Ahabw'okuba amahanga maingi n'abagabe b'amaani baryabahindura abahuuku; ntyo mbazimuurire ebirikwingana n'ebi baakozire, kandi nk'emirimo y'emikono yaabo oku eri.
15 #
Yer 49:12; 51:7; Yob 21:20. Oku nikwo MUKAMA, Ruhanga wa Israeli, yangagambiire naagira ati: Twara eki kikopo kya viinyo y'ekiniga ekiri omu ngaro zangye, okinywaise amahanga goona, agu ndikukutumaho. 16#Yer 47:6; Isa 51:22, 23. Nigaija kunywa, gagwererane, gagwe eiraro, ahabwa rurara ei ndaagooherezemu.
17Ntyo naiha ekikopo omu ngaro za MUKAMA, naakinywaisa amahanga goona agu MUKAMA yantumaho; 18#Yer 18:16; Zek 12:2. Yerusaalemu n'endembo za Yuda, abagabe baayo n'abanyiginya baayo, kubahindura amatongo, eihamba, eky'okweshaanya n'eky'okukyeenwa nk'oku kiri hati; 19#Yer 46:25. na Faraho omugabe wa Misri, abaheereza be boona; 20#Yer 47:1, 4, 5; 50:37; Tonz 4:21; Ezk 30:5; Yob 1:1; Kur 12:38. n'abanyiginya boona ababatwir3emu, abagabe boona ab'omu nsi ya Uuzi, n'abagabe boona ab'omu nsi y'Abafilisita (Ashekelooni, Gaaza, Ekurooni n'abatsigaire omuri Ashidoodi); 21#Yer 9:26; 48:1-47; 49:1-22. Edomu, Moabu n'Abaamojni, 22#Yer 47:4; Isa 23:1, 2. abagabe boona aba Tuuro, n'abagabe boona aba Sidoni, n'abagabe b'ensi za seeri y'enyanja, 23#Yer 9:26; 49:8; Isa 21:13; Yob 6:19. Dedani, Teema, Buuzi, abarikutega ebyeyera, 24#2 Bus 9:14. abagabe ba Buharabu boona, n'abagabe boona ab'enganda z'ebijwangye abatwire omu ihamba, 25#Yer 49:34-39; Isa 11:11. n'abagabe boona aba Zimuri, n'ab'omuri Elamu boona, n'aba Bumeedi boona, 26#Yer 50:9; 51:41. n'ab'aha bukiizi-bwa-bumosho boona, abari hare n'abari haihi, nk'oku barikukuratana, n'obugabe bwona obw'omu nsi yoona. Kandi ku bariheza, n'omugabe wa Babulooni aryanywa.
27 #
Ezk 38:21. Bwanyima obagire oti: Oku nikwo MUKAMA ow'amahe, Ruhanga wa Israeli, arikugamba naagira ati: Munywe, musinde, mutanakye, mugwe obutaimuka, ahabwa rurara ei ndikwoherereza kubaita. 28#Yer 49:12. Kandi ku baraayangye kwakiira ekikopo ekiri omu ngaro zaawe kukinwa, obagire oti: Oku nikwo MUKAMA ow'amahe arikugamba naagira ati: Nimuragiirwa kukinwa! 29#Enf 11:31; Isa 10:12; Amo 3:2. Ahabw'okuba reeba, orurembo orurikwetererwa eiziina ryangye, ku ndaabe nirwo ntandikiireho kukora kubi, nimugira ngu imwe nimwija kutsigara mutafubiirwe? Timuribura kufubirwa; ahabw'okuba niinyija kuhuruza rurara, erwanise abatwire omu nsi boona; nikwo MUKAMA ow'amahe arikugira.
30 #
Yoel 3:16; Bar 9:27; Isa 16:10. N'ahabw'ekyo obahanuurire ebi bigambo byona, noobagira oti:
MUKAMA naija kutsinda ari ahaiguru,
Aimutsye eiraka rye naayema omu butaaho bwe oburikwera;
Naija kutsinda n'amaani, ateere eka y'obusyo bwe,
Ateere akaari nk'abarikunyuuka emizaabibu,
Arwanise abatwire omu nsi boona.
31 #
Isa 66:16; Hos 4:1. Obwaku nibwija kuhika aha muheru gw'ensi,
Ahabw'okuba MUKAMA aine eki arikufa n'amahanga;
Naija kutonganisa abaine omubiri boona,
N'ababi abaitse rurara;
nikwo MUKAMA arikugira.
32 #
Yer 6:22; 23:19. Oku nikwo MUKAMA ow'amahe arikugamba naagira ati:
Reeba, akabi nikagyenda nikaranda,
Nikaruga omu ihanga nikaza omu rindi;
Eihunga ry'amaani niriimuka,
Niritandikira aha muheru gw'ensi.
33 #
Yer 16:4. Kandi abariitwa MUKAMA eryo izooba baryashangwa hoona, okuruga aha muheru gumwe gw'ensi okuhika aha gundi. Tibaricurirwa, tibarishanguruzibwa n'obu kwakuba okuziikwa, kureka baryaba nk'amasha aha itaka.
34 #
Yer 4:8; 6:26; 23:1. Imwe bariisa 'mwe, nimucure, muboroogye,
Naimwe bakama b'obusyo, mwekuringye omu iju,
Ahabw'okuba ebiro by'okwitwa n'okutaataana kwanyu bihikire;
Nimwija kugwa nk'empaya z'entaama ezicookirwe.
35Abariisa baryabura obuhungiro,
Na bakama b'obusyo babure obukiriro.
36Nimuhurire okutaka kw'abariisa,
N'okuborooga kwa bakama b'obusyo!
Ahabw'okuba MUKAMA naashiisha eiriisizo ryabo,
37 #
Isa 32:18. N'amaka g'amasyo g'ebusingye gasheenyukire
Ahabw'ekiniga kya MUKAMA eky'amaani.
38 #
Yer 46:16; Zab 76:2; Yob 38:40. Atsigireho obutaaho bwe nk'entare,
Ahabw'okuba ensi yaabo ehindukire eihamba,
Ahabwa rurara ya MUKAMA n'ekiniga kye kingi.
Currently Selected:
Yeremia 25: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
