Yeremia 24
24
Yeremia okworekwa akamanyiso k'ebijuma by'emitiini
1 #
Yer 22:18, 24, 28; 2 Bag 24:12; Amo 8:1, 2; Mat 1:11. Nebukadeneeza omugabe wa Babulooni ku yaaherize kwiha Yekonia mwene Yehoyakimu omugabe wa Yuda Yerusaalemu, yaamutwara Babulooni ari enkwatwa, hamwe n'abanyiginya ba Yuda n'ababaizi n'abaheesi, MUKAMA yaanyoreka okworekwa oku. Reeba, ebiibo bibiri by'emitiini bikaba bitairwe omu maisho ga hekalu ya MUKAMA. 2#Yer 29:17; Isa 28:4. Ekiibo kimwe kikaba kirimu emitiini mirungi munonga nk'ey'okubanza; kwonka ekya kabiri kikaba kirimu emitiini mibi munonga, etarikubaasa kuriibwa. 3MUKAMA yangira ati: Yeremia, nooreba ki? Naanye nti: Nindeeba emitiini, emirungi ni mirungi munonga, n'emibi ni mibi munonga etarikubaasa kuriibwa.
4Bwanyima ekigambo kya MUKAMA kyanyijaho nikigira kiti: 5Oku nikwo MUKAMA, Ruhanga wa Israeli, arikugamba naagira ati: Nk'oku egi mitiini eri mirungi, nikwo ndibara Abayuda abatwairwe bari enkwatwa kuba barungi, abu naabingire omu mwanya ogu, nkabatwara omu nsi y'Abakaludaaya. 6#Yer 1:10; 12:15; 29:10; 31:28; 42:10; Amo 9:4, 15. Ndyaguma mbataireho amaisho kubagirira gye, mbagarure omuri egi nsi. Ndyabombeka, tindibasheenya; ndyababyara, tindibakuura. 7#Yer 29:13; 30:22; Bir 30:6; Yoel 2:12. Ndyabaha omutima gw'okummanya ku niinye MUKAMA; kandi baryaba abantu bangye, naanye mbe Ruhanga waabo, ahabw'okuba baryangarukira n'omutima gwabo gwona.
8 #
Yer 21:1; 43:1-13; 44:1-30. Kwonka oku nikwo MUKAMA arikugamba naagira ati: Nk'emitiini egyo emibi munonga etarikubaasa kuriibwa, oku eri, nikwo nditwaza Zedekia omugabe wa Yuda, abanyiginya be, n'abantu abaahonokireho omuri Yerusaalemu, bakatsigara omu nsi egi, kandi n'abatwire omu nsi ya Misri, 9#Yer 15:4; 25:18; 26:6; 29:18, 22; Bir 28:37; Isa 43:28. mbahindure eky'okunaganwa omu bugabe bwona obw'omu nsi, babe eky'okujumwa, eky'okucweraho enfumu, ekigaaniizo n'eky'okukyeenwa omu myanya yoona ei ndibabingiramu. 10#Yer 14:21. Kandi ndyabaitsa rurara, mbateeze enjara n'orufu, okuhitsya obu barimarirwaho kimwe omu nsi ei naabahaire na baishenkurubo.
Currently Selected:
Yeremia 24: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
