Yeremia 23
23
Yeremia okuhanuura aha kwija kwa Kristo
1 #
Isa 56:11; Yer 6:3; 10:21; 22:22; 25:34; Ezk 34:2; Zek 11:17; Yoh 10:12, 13. MUKAMA naagira ati: Abariisa, abahwerekyereza entaama z'omu iriisizo, kandi bakazitaataanisa, baryakareeba. 2#Yer 4:4. Nikyo MUKAMA Ruhanga wa Israeli arikugambira aha bariisa abarikureeberera abantu bangye, naagira ati: Mutaataaniise obusyo bwangye, mwabubinga, timwabutaho mutima. Reeba, naanye ndyabafubira mbarute ebibi ebi murikukora; nikwo MUKAMA arikugira. 3#Bir 30:3; Zab 107:3; Yer 29:14; 32:37; Ezk 20:34, 41; 34:11-16; 37:21. Bwanyima ndyataaruura ab'obusyo bwangye abaritsigaraho, mbaihe omu nsi ezi naababingiiremu, mbagarure omu ka yaabo, bazaare, bakanye; 4#Yer 3:15. mbateho abariisa abaribataho omutima, tibaritiina bundi, n'obu kwakuba okuhahaaza omutima, kandi tiharigira n'omwe owaabura; nikwo MUKAMA arikugira.
5 #
Yer 30:9; 33:14-16; Isa 4:2; 11:1; 32:1; Ezk 37:24; Hos 3:5; Zek 9:9; Mat 2:2. MUKAMA naagira ati: Reeba, obunaku buryahika, nyimukize Daudi Eitaagi erihikiriire, ategyekye nk'omugabe, akorese obwengye, akore eby'oburyo n'eby'okuhikiirira omu nsi. 6#Yer 16:14, 15. Omu biro bye Yuda eryajunwa na Israeli etuure buhooro. Kandi eri niryo iziina eri aryetwa, MUKAMA OKUHIKIIRIRA kwaitu.
7 #
Yer 16:14, 15. Oku nikwo MUKAMA arikugamba naagira ati: N'ahabw'ekyo reeba, obunaku buryahika obu abantu bariba batakigira bati: Nindahira MUKAMA ohuriire, owaihire Abaisraeli omu nsi ya Misri; 8kureka bati: Nindahira MUKAMA ohuriire, owaareetsire baijukuru b'enju ya Israeli, akabeebembera naabaiha omu nsi y'aha bukiizi-bwa-bumosho n'omu nsi zoona ezi yaabaire ababingiiremu. Obwo nibwo barituura omu nsi yaabo ey'obuzaarwa.
Yeremia okuteisa baanabi b'ebishuba
9 #
Hab 3:16. Ebya baanabi;
Omutima gwangye omuhanda gucwekire,
Amagufa gangye goona gajogajogokire,
Ninshusha omusinzi,
Kandi ndi nk'omuntu orembiirwe viinyo,
Ahabwa MUKAMA n'ahabw'ebigambo bye ebirikwera.
10 #
Yer 4:28; 5:7, 8; 9:10; 22:17; Zab 10:7; 107:34; Hos 4:2, 3. Ahabw'okuba ensi eijwire abashambani,
Kandi omukyeeno gureeteire ensi okuborooga,
N'amariisizo g'omu ihamba goomire;
Emitwarize yaabo ni mibi,
N'amaani gaabo ti marungi.
11 #
Yer 6:13; 7:30; Ezk 8:16; 23:39; Zef 3:4. MUKAMA naagira ati:
Baanabi n'abanyamurwa tibarikutiina Ruhanga,
Kandi n'omu nju yangye nshangiremu obubi bwabo.
12 #
Yer 11:23; 13:16; Zab 35:6; Enf 4:19. N'ahabw'ekyo omuhanda guryababeera
Nk'akahanda akarikuteerera omu mwirima,
Aku baribingirwamu, bakakagwamu;
Ahabw'okuba ndyabareetaho akabi
Omu biro by'okufubirwa kwabo; nikwo MUKAMA arikugira.
13 #
Yer 2:8; Isa 9:16; Tonz 2:14; Ezk 16:46; Hos 7:1. Omuri baanabi ba Samaria
Nkareebamu ekintu ky'obushema;
Oku baabaire bahanuura omu iziina rya Baali,
Bakahabisa abantu bangye Israeli.
14 #
Yer 29:23; Zab 64:5; Isa 1:9, 10. Kwonka omuri baanabi b'omuri Yerusaalemu
Nkareebamu ekirikureetera omuntu kushishwa,
Oku baabaire bashambana, bakabeiha;
Kandi bakaha emikono y'enkozi z'ebibi amaani,
Hakabura owaahinduka kureka obubi bwe;
Boona bakambeera nk'aba Sodoma,
N'abatuuzi baamwo nk'aba Gomora.
15 #
Yer 8:14; 9:15. Nikyo MUKAMA ow'amahe arikugambira ahari baanabi abo ati:
Reeba, niinyija kubagaburira #23:15 apusinto n'ekiti ekrikushaarira nk'omuravunga. apusinto,
Mbanywaise amaizi garimu obushegu;
ahabw'okuba omuri baanabi b'omuri Yerusaalemu
Harugiremu okutatiina Ruhanga, kwabuga ensi yoona.
16 #
Kub 16:28. Oku nikwo MUKAMA ow'amahe arikugamba naagira ati: Mutahurira ebigambo ebi baanabi barikubahanuurira, bakabeesigisa ebitariho, nibagamba eby'okworekwa ebirugire omu biteekateeko byabo, ebitarugire omu kanwa kangye. 17#Yer 5:12; 6:14; Mik 3:11; Zek 10:2. Baguma nibagambira abarikungaya, nibagira bati: MUKAMA agizire ati: Muryaba gye; kandi bagambira omuntu weena orikukuratira ebi omutima gwe gurikwenda, bati: Tihariho kabi koona akarikuhikwaho.
18 #
Isa 40:14. N'oha omuribo oragiire omu ishengyero rya MUKAMA
Okwetegyereza n'okuhurira ekigambo kye?
Nari n'oha orataire omutima
Aha kigambo kye, akakihurira?
19 #
Yer 25:32; 30:24. Reeba eihunga rya MUKAMA! Ekiniga kye kyashohoire!
Eego, omuyaga gw'akasooroora gwaza kuteera emitwe y'ababi.
20 #
Isa 55:11. Ekiniga kya MUKAMA tikirigarukayo,
Okuhitsya obu ariheza kufubira
N'okuhikiiriza ebi arikwenda kukora.
Omu biro by'aha muheru nibwo murikimanyira kimwe.
21 #
Yer 14:14. Baanabi abo tiinye naabatumire,
Kwonka bakarahuka, baayetumisiriza.
Tindabagambiire, kwonka bakahanuura.
22 #
Yer 25:5; Luk 1:17. Kwonka kuri baagiire omu ishengyero ryangye,
Bakaagambiire abantu bangye ebigambo byangye,
Nabo bahinduka bareka emihanda yaabo mibi
N'obubi bw'ebi barikukora.
23 #
Zab 94:7, 9; 139:7-12. MUKAMA naagira ati: Nimugira ngu ndi Ruhanga wa haihi kwonka, otari Ruhanga wa hare munonga? 24#Isa 66:1; Amo 9:2, 3. Kandi naagira ati: Hariho owaakubaasa kweshereka aheekiikire, ntamureebe? Tiinyijwire eiguru n'ensi? nikwo MUKAMA arikugira. 25#Zek 10:2. Mpuriire ebi baanabi baagambire nibahanuura ebishuba omu iziina ryangye, nibagira bati: Ndootsire! Ndootsire! 26Mbwenu ebyo biryahitsya hi okuguma omu mitima ya baanabi abarikuhanuura ebishuba n'eby'obugobya bw'omu mitima yaabo, 27#Bar 3:7; 8:33. abarikuteekateeka kwebesa abantu bangye eiziina ryangye, ahabw'ebirooto byabo ebi barikurootororerana, nk'oku baishenkurubo baayebirwe eiziina ryangye ahabwa Baali? 28#Kub 12:6; Luk 3:17. Nabi oine eki arootsire, akirootorore; kandi n'oine ekigambo kyangye, akigambe n'obwesigwa. Ebishushunga biine kakwate ki n'engano? nikwo MUKAMA arikugira. 29Ekigambo kyangye tikiri nk'omuriro, nari nk'enyondo erikwatagura orukiri? nikwo MUKAMA arikugira. 30#Bir 18:20; Ezk 13:8. N'ahabw'ekyo reeba, naaba omuzigu wa baanabi abarikwibana ebigambo byangye; nikwo MUKAMA arikugira. 31Kandi MUKAMA naagira ati: Reeba, naaba omuzigu wa baanabi abarikugambira eryo n'endimi zaabo nibagira bati: Oku nikwo MUKAMA arikugira. 32#Yer 14:14. Reeba, naaba omuzigu w'abarikuhanuura ebirooto by'ebishuba, bakabirootorora, bakahabya abantu bangye n'ebishuba byabo n'okugambira eryo kwabo, haza ntabatumire n'obu kwakuba okubaragiira; nikwo MUKAMA arikugira. N'ahabw'ekyo tibaine ki barikugasira aba bantu na kakye; nikwo MUKAMA arikugira. 33#Tonz 2:14; Ezk 14:1-11; Hos 4:6; Mal 1:1. Omwe ahari aba bantu nari nabi nainga omunyamurwa ku haraagire owaakubuuza naagira ati: Omutwaro gwa MUKAMA niki? obagire oti: Ogwo mutwaro niimwe, kandi ndyabanagira kimwe; nikwo MUKAMA arikugira. 34Kandi nabi ogwo nari omunyamurwa, nari omwe aha bantu orikugira oti: Omutwaro gwa MUKAMA, ndyafubira ogwo muntu n'eka ye. 35Oku nikwo buri muntu aribiiza mutaahi we na buri muntu mwene ishe ati: MUKAMA akugarukiremu ki? nari ati: MUKAMA agambire ki? 36#Mat 15:6. Kwonak mutarigaruka kugamba Omutwaro gwa MUKAMA obundi, ahabw'okuba ogwo mutwaro n'ekigambo eki buri muntu ayegunziire, kandi mutuura nimukiikamya ebigambo bya Ruhanga ohuriire, MUKAMA ow'amahe, Ruhanga waitu. 37oku nikwo oribuuza nabi ogwo oti: MUKAMA akugarukiremu ki? nari oti MUKAMA agambire ki? 38Kwonka ku murigira muti: Omutwaro gwa MUKAMA, oku nikwo MUKAMA arikugamba naagira ati: Ahabw'okugamba ekigambo eki muti, Omutwaro gwa MUKAMA, haza naabaire naabatumireho nti: Mutarigira muti, Omutwaro gwa MUKAMA, 39n'ahabw'ekyo reeba, buzimazima ndyabakiriza mbanagye, mundugye omumaisho, imwe n'orurembo oru naabahaire na baashwenkuriimwe, 40#Yer 20:11. mbareeteho ekijumo ekitarihwaho, n'enshoni ez'ebiro n'ebiro ezitaryeba.
Currently Selected:
Yeremia 23: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
