Yeremia 21
21
Omugabe Zedekia okwehanuuza ahari Ruhanga
1 #
Yer 29:25; 37:3; 2 Bus 34:8. Eki n'ekigambo ekyaizire ahari Yeremia nikiruga ahari MUKAMA, obu omugabe Zedekia yaamutumaho Pashuri mwene Malikia, na Zefania omunyamurwa mwene Maaseya, 2#Yer 37:7; 2 Bag 25:1; Zab 105:2, 5. naagira ati: Tubuurize MUKAMA, ahabw'okuba Nebukadeneeza omugabe wa Babulooni aizire kuturwanisa; obundi MUKAMA akaatugirira nk'eby'okutangaaza ebi akora oku biri, amutwihaho, areka kututeera.
3Atyo Yeremia yaabagira ati: Oku nikwo muraagire Zedekia muti: 4#Yer 32:5; 37:10; Isa 13:4. Oku nikwo MUKAMA Ruhanga wa Israeli arikugamba naagira ati: Reeba, niinyija kucwa busha eby'okurwanisa ebi mukwaitse kurwanisa omugabe wa Babulooni n'Abakaludaaya abari enyima y'orugo babagotsire, imwe mbagarure omu rurembo; 5#Yer 27:5; 32:17, 37; Kur 6:6; Bir 4:34; 29:28; Ezk 20:33. kandi nyowe nyerwanire naimwe mbabangiire omukono gw'amaani, mbagwereirwe kubi, mbainiire ekiniga kingi munonga. 6Niinyija kuteera eby'omuri oru rurembo, abantu n'amatungo, biitwe orufu rw'amaani. 7#Yer 37:17; 39:5; 52:9; Bir 28:50; Ezk 5:11. Kandi bwanyima y'ebyo Zedekia omugabe wa Yuda n'abagaragwa be n'abantu boona abariba baari omuri oru rurembo, barokokire ahari orwo rufu, n'ahari rurara n'enjara, ndyabahayo omu mikono ya Nebukadeneeza omugabe wa Babulooni n'ey'abazigu baabo, n'ey'abarikwenda kubaita. Aryabaitsa rurara, taribasaasira, nari kubareka, n'obu kwakuba okubagirira esaasi; nikwo MUKAMA arikugira.
8 #
Yer 38:2; Bir 30:15, 19. Kandi ogambire abantu aba oti: Oku nikwo MUKAMA arikugamba naagira ati: Reeba, ntaire omu maisho gaanyu omuhanda gw'amagara n'ogw'okufa. 9#Yer 15:2; 37:13, 14; 39:18; 45:5. Origuma omuri oru rurembo aryaitwa rurara, enjara n'orufu; kwonka orishohora, akeenaga omu mikono y'Abakaludaaya ababagotsire, aryagumaho, atimbuukye omu rugamba n'engabirano, nigo magara ge. 10#Yer 21:7; 44:11; Zab 34:16; Ezk 14:8; Amo 9:4. Ahabw'okuba ntaire amaisho gangye ahari oru rurembo kurukora kubi, ti kurukora gye, kandi ruryaheebwayo omu mikono y'omugabe wa Babulooni, arwotsye n'omuriro; nikwo MUKAMA arikugira.
11Muhurire ekigambo eki MUKAMA arikugambira enju y'omugabe wa Yuda, 12#Yer 4:4; 22:3, 16; Zek 7:9. naagira ati: Iwe nju ya Daudi 'we,
Mugume mucwe emanja z'oburyo buri kasheeshe,
Mujune abanyagirwe,
Mubaihe omu mikono y'abarikubahata,
Ekiniga kyangye kitakaayaka nk'omuriro,
Kikaaka, hakabura owaakiraaza,
nimbatura ebibi ebi murikukora.
13 #
Yer 49:4; Ezk 13:8. Oku nikwo MUKAMA arikugamba naagira ati:
Reeba, naaba omuzigu wawe, iwe otwire omu ruhanga,
N'aha rukiri rw'omu ruhita,
Iwe orikugira oti: N'oha orishuuma kuturwanisa?
Nair n'oha oritaaha omu maka gaitu?
14 #
Enf 1:31; Ezk 20:47. Ndyabaha ekifubiro ekishemereire ebi murikukora,
Ntwekye omuriro omu kibira kyaho,
Gumareho byona ebiheehinguriririize.
Currently Selected:
Yeremia 21: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
