Yeremia 20
20
Pashuri okuta Yeremia omu kihome
1 #
Ezr 2:37, 38. Kandi Pashuri omunyamurwa, mwene Imeri owaabaire ari omutegyeki mukuru omu nju ya MUKAMA, yaahurira Yeremia naahanuura ebigambo ebyo. 2#Yer 29:26; 37:13; 2 Bus 16:10; Byak 16:24. Pashuri ogwo yaateera nabi Yeremia, yaamuta omu nkomo ezaabaire ziri omu Irembo rya Benyamiini ery'eruguru ery'enju ya MUKAMA. 3Ku bwaseesire, Pashuri yaiha Yeremia omu nkomo; Yeremia nikwo kumugira ati: MUKAMA tarikukweta Pashuri, kureka Magori-misabiibu, amakuru ngu “Ebirikutiinisa embaju zoona”. 4#Yer 6:25. Ahabw'okuba oku nikwo MUKAMA arikugamba naagira ati: Reeba, ndyakugira ekirikutiinisa ahariiwe n'ahari bagyenzi baawe boona.
Baryaitwa rurara y'omugabe wa Babulooni, abarware Babulooni bari enkwatwa, abaite na rurara. 5#2 Bag 20:17; 24:13; 25:13-17. Kandi obutungi bwona obw'oru ruembo, amagoba gaarwo goona, ebintu byarwo byona eby'obuguzi bwingi, n'eitungo ryona ery'abagabe ba Yuda, ndyabihay omu mikono y'abazigu baabo, babanyagye, babakwate, babatware Babulooni. 6#Yer 14:14. Kandi naiwe Pashuri n'abatuura omu nju yaawe boona, muryagyenda muri enkwatwa, oze Babulooni; okwo niyo origwa, kandi niyo oriziikwa, iwe na bagyenzi baawe boona abu ohanuurira ebishuba.
Yeremia okwetomboitera MUKAMA
7 #
Zab 119:51; Tonz 3:14. Ai MUKAMA, okambeiha, naabiikiriza;
Nonkiza amaani, kandi osingwire.
Mpindukire eky'okushekyererwa eizooba ryona,
Buri muntu nanteerera enaku.
8 #
Yer 6:7, 10, 11; Zab 79:4. Ahakuba buri murundi gwona ogu ngamba, ntaka,
Ningira nti, Obubisha n'okucwekyereza!
Ahabw'okuba ekigambo kya MUKAMA kimpindukiire
Ekijumo n'ekigaaniizo eizooba ryona.
9 #
Yob 32:18, 19; Zab 39:3. Ku ndikugira nti: Ka ndekye kumugambaho,
N'obu kwakuba okugaruka kugamba omu iziina rye,
Omu mutima gwangye oshusha oti harimu omuriro
Ogurikubuguma oguri omu magufa gangye;
Okufa mamigye nikundusya,
Kandi tindikukubaasa.
10 #
Yer 9:4; Zab 31:13; 35:15; 41:9; 56:6. Ahakuba nimpurira baingi nibahwihwitsa.
Okutiinisa kuri embaju zoona!
Banywani bangye ab'ah'amara
Abategyereize okugwa kwangye, nibagira bati:
Muregye, naitwe nitwija kumurega,
Shana akaabeihwabeihwa,
Tubone kumusingura, tumuhoora.
11 #
Yer 1:8, 19; 17:18; 23:40. Kwonka MUKAMA ari hamwe naanye nk'omurwani orikutiinisa;
N'ahabw'ekyo abarikumpiiga baryateera entsibo,
Tibarinsingura.
Baryakwatirwa kimwe enshoni,
Ahabw'okuba tibaribaasa.
Okuhemuka kwabo okw'ebiro n'ebiro tikuryeba.
12 #
Yer 11:20. Ai MUKAMA ow'amahe, ogyeza abahikiriire,
Kandi oreeba eby'omu mutima n'ebiteekateeko;
Ka ndeebe oku oraabahoore,
Ahabw'okuba niiwe nyegyekyereire ebyangye.
13 #
Zab 35:9, 10; 109:30, 31. Mweshongorere MUKAMA, mumuhimbise,
Ahabw'okuba ajunire amagara g'abakyene,
Yaagaiha omu mikono y'enkozi z'ebibi.
14 #
Yer 15:10; Yob 3:3. Eizooba eri naazaariirweho nirikakyeenwe!
Ekiro eki maawe yanzaariireho nikikabure omugisha!
15 #
Yoh 16:21. N'omuntu owaagambiire tata ati:
Waazaara omwana w'omwojo, naamushemeza,
Nawe naakakyeenwe!
16 #
Yer 18:22; Kut 19:25; Isa 13:19. Nkahenwa ki ogwo mushaija aba nk'endembo
Ezi MUKAMA yaacwejtereuze ataube saasi,
Ahrira okucura omu kasheeshe,
N'enduuru omu ihangwe;
17 #
Yob 3:10, 11, 20; Tonz 3:1, 2. Ahabw'okuba taraanyitiire mu nda,
Maawe akaba akituuro kyangye,
N'enda ye ekaguma eri nyarwegye.
18Mbwenu nkaba naarugira ki omu nda,
Kufa kubi n'okureeba enaku,
N'okumara ebiro byangye nyine enshoni?
Currently Selected:
Yeremia 20: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
