Yeremia 19
19
Akamanyiso k'orunywero rwatikire
1 #
Yer 18:2; Ezk 8:1. Oku nikwo MUKAMA arikugamba naagira ati: Irooko ogure orunywero aha mubumbi, otware bamwe aha bakuru b'eihanga, n'abandi aha banyamurwa abakuru, 2#Yos 15:8. muze omu ruhanga rwa mwene Hinoomu, aharikutaahirwa omu Irembo ry'Engusyo, orangireyo ebigambo ebi ndaakugambire, 3#Yer 13:13; 17:20; 1 Sam 3:11; 2 Bag 21:12, 16. noogira oti: Imwe bagabe ba Yuda 'mwe n'abatuuzi ba Yerusaalemu, nimuhurire ekigambo kya MUKAMA. Oku nikwo MUKAMA ow'amahe, Ruhanga wa Israeli arikugamba naagira ati: Reeba, ndyareeta akabi omuri ogu mwanya, akarireetera amatu g'orikahurira weena kuteera enduuru. 4#Yer 1:6; 17:13. Ahabw'abantu kuunyimuura, bakahagara ogu mwanya nibagusiisisa okugwotereramu baaruhanga abandi obubaane, abu batakamanyaga n'obu baakuba baishenkurubo nari abagabe ba Yuda, n'okugwijuza eshagama y'abataine rubanja, 5#Yer 7:31, 32, 33; Lev 18:21; Bir 17:3. n'okwombekyera Baali emyanya mikuru y'okuramizamu, okurabizamu batabani baabo omu mruriro kuba ebitambo by'okwotsya by'okutambira Baali, ebi ntararagiire n'obu kwakuba okutaho, kandi ebitakaijaga mu biteekateeko byangye; 6n'ahabw'ekyo, reeba, obunaku buryaija, obu ogu mwanya gutarigaruka kwetwa ogwa Tofeti, n'obu rwakuba oruhanga rwa mwene Hinoomu, kureka guryayetwa oruhanga rw'eiriitiro; nikwo MUKAMA arikugira. 7#Lev 26:17; Isa 19:3. Kandi omuri ogu mwanya enaama za Yuda na Yerusaalemu nimwo ndizicwera busha, nkareetera abantu baabo kwitirwa omu maisho g'abazigu baabo bakaitwa abarikubahiiga. Kandi emitumbi yaabo ndyagigaburira amahungu g'omu mwanya n'enyamaishwa z'omu ihamba. 8#Yer 18:16. Kandi orurembo ndyaruhindura ekirikutiinisa n'eky'okweshaanya, orirurabaho weena ashishwe, ayeshaanye ahabw'akabi koona aku rwareebire. 9#Lev 26:29; Tonz 2:20; Lev 26:29. Ndyabariisa abaana baabo b'aboojo n'ab'abaishiki, buri muntu arye mutaahi we omu biro by'okugotwa n'eby'enaku, ezi abazigu baabo n'abaribahiiga baribareebesa.
10 #
Yer 51:63, 64. Bwanyima oyatire orwo runywero omu maisho g'abashaija abaraagyende naiwe, 11#Zab 2:9; Enf 6:15; Tonz 4:2. obagire oti: Oku nikwo MUKAMA ow'amahe arikugamba naagira ati: Oku nikwo ndyata aba bantu n'oru rurembo, nk'oku omunutu ayata enyungu y'omubumbi, ekarema kuhomeererwa. Abantu baryaziika omuri Tofeti ahabw'okubura ahandi hoona ah'okuziika. 12#2 Bag 23:10, 12. Okwo nikwo ndigira ogu mwanya n'abagutwiremu, nkagira oru rurembo nka Tofeti; nikwo MUKAMA arikugira. 13#Yer 7:18; 32:29; 44:18; Bir 4:19; Zef 1:5; Byak 7:42. Amaju ga Yerusaalemu na zaanyaruju z'abagabe ba Yuda biryahagarwa nk'ogwo mwanya gwa Tofeti; nigo maju goona agaabaire nigookyezibwaho obubaane nibooterera eihe ryona ery'omu iguru, bakashukiriraho baaruhanga abandi empongano z'eby'okunywa.
14 #
Yer 26:2; 2 Bus 20:5. Bwanyima Yeremia yaaruga Tofeti, ei MUKAMA yaabaire amutumire kuhanuura, yaayemerera omu kibuga ky'enju ya MUKAMA, yaagira abantu boona ati: 15#Yer 7:26; 25:3. Oku nikwo MUKAMA ow'amahe, Ruhanga wa Israeli arikugamba naagira ati: Reeba, ndyareeta omuri oru rurembo na tauni zaarwo zoona akabi koona aku ndugambireho; ahabw'okuba bakagangaaza ebitsya, baayanga kuhurira ebigambo byangye.
Currently Selected:
Yeremia 19: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
