Yeremia 2
2
Ruhanga okutonganisa Abaisraeli ahabw'okugaruka enyima
1Ekigambo kya MUKAMA kikanyijaho nikigira kiti: 2#Yer 3:4; Bir 2:7; 8:2, 3; Ezk 16:8, 43, 60; Kush 2:4. Irooko orangye, aba Yerusaalemu bakuhuriire, noogira oti: Oku nikwo MUKAMA arikugamba naagira ati:
Niinyijuka okwehayo kw'omu buhangare bwawe,
Na rukundo yaawe y'omu bugore,
Oku wankuratiire omu ihamba
Omu nsi etakahingwamuga.
3 #
Yer 12:14; Kut 12:3; Kur 4:22; 19:5, 6; 28:36; Yak 1:18. Israeli akaba ari oshororeirwe MUKAMA,
Omuganuro gwe gw'okubanza.
Abaaguriireho boona bakagiibwaho orubanja,
Akabi kaabahikaho; nikwo MUKAMA arikugira.
4Imwe ab'enju ya Yakobo, naiwe enganda zoona ez'enju ya Israeli, muhurire ekigambo kya MUKAMA. 5#Yer 2:31; 14:22; Mik 6:3; Isa 5:4; 2 Bag 17:15. Oku nikwo MUKAMA arikugamba naagira ati:
Ni kibi ki, eki baashwenkuriimwe bandeebireho,
Kikabareetera kuunyimuura,
N'okukuratira ebitaine buryo
Bakahinduka abataine mugasho?
6 #
Bir 8:15; 32:10; Isa 63:11-13. Haza batabuuze bati: MUKAMA ari nkahi,
Owaatwihire omu nsi ya Misri,
Akaturabya omu ihamba,
Omu nsi y'amarungu n'ebiina,
Omu nsi eyomire, kandi ey'ekibunda kya rufu,
Ensi etarabwamu bantu, kandi etatuurwamu?
7 #
Lev 18:24, 25; Bir 8:7-10; Zab 106:38. Kaandi nkabahitsya omu nsi y'omweru,
Kurya ebijuma byayo n'ebindi birungi byamwo;
Kwonka ku mwahikireyo, mwansiisira ensi,
Obuhunguzi bwangye mwabuhindura ekihagaro.
8 #
Yer 5:5, 31; 23:13; Mal 2:7; Rom 2:20. Abanyamurwa tibaagira bati: Beitu MUKAMA arahi?
N'abanyabiragiro tibammanya,
Abategyeki bancumuraho,
Na baanabi baaragura ebya Baali,
Baakuratira ebitaine muhoho.
9 #
Kur 20:5, 6; Ezk 17:20. Nikyo ndikubatonganisiza hati,
Kandi na baijukuru baanyu ndyabatonganisa.
10Mwambukye muhikye aha birwa bya Kitimu, mureeba;
Muteme Kedari, mwetegyereze munonga,
Mureebe ku haraabe harabaireho ekigambo nk'ekyo.
11 #
Yer 16:20; 18:13-15; Isa 37:19; Zab 106:20; Gal 4:8. Hariho eihanga erirahingiise baaruhanga baaryo,
N'obu baraabe batari baaruhanga buzima?
Kwonka abantu bangye bahingiise ekitiinisa kyabo
Ebitaine mugasho.
12 #
Isa 1:2. Iwe iguru 'we, kwata aha munwa ahabw'ekyo,
Ogire obwoba bwingi, oshoberwe munonga;
Nikwo MUKAMA arikugira;
13 #
Yer 17:13; Zab 36:9; Yoh 4:10. Ahabw'okuba abantu bangye bakozire ebibi bibiri-
Baanyimwire, nyowe enshuro y'amaizi g'amagara,
Baayetimbira ebiziba,
Ebiziba bifumukire, ebitarikubaasa kugumwamu maizi.
14 #
Kur 4:22. Israeli n'omuhuuku? N'omuhuuku owaazairwe omuka?
Ahabw'enki ahindukire omunyago?
15 #
Yer 9:11; Isa 5:29. Entare z'omutontomeire,
Zaatsinda munonga,
Zaahindura ensi ye amatongo,
Endembo ze zihiire, tizikiine bantu.
16 #
Yer 43:7-9; 44:1; Isa 19:13. Kandi Noofu na Tahapenesi
Baakwata eigufa ry'akazingiro k'omutwe.
17 #
Yer 4:18. Beitu tiiwe waayereeteire ebyo
Ahabw'okwimuura MUKAMA Ruhanga waawe,
Obu yaakwebembera omu muhanga?
18 #
Yer 2:36; Kut 31:21; Isa 7:20; 8:9; 23:3; 30:1, 2; 31:1; Hos 7:11. Mbwenu okuza Misri okanywa amaizi ga Nailo
Nikikugasira ki?
Nari shi, nikikugasira ki okuza Asiria
Kunywa amaizi ga Furaati?
19 #
Yer 3:22; 5:6; 14:7; Isa 3:9; Hos 5:5. Obubi bwawe buryakwehanira,
N'okugaruka enyima kwawe kukuteise;
Omanye, kandi oreebe ku kiri ekintu kibi kandi ekirikushaarira
Kuunyimuura, nyowe MUKAMA Ruhanga waawe, otantiine;
Nikwo Mukama RUHANGA ow'amahe arikugira.
20 #
Yer 3:2; 5:5; 17:2; 30:8; Isa 1:21; 57:5. Ahakuba ira okahenda omugamba gwawe,
Waacwa ebyabaire bikubohire,
Kandi waagira oti: Tindigaruka kuheereza;
Haza waaramiza aha mutwe gwa buri kubungo kiraingwa
N'ahansi ya buri kiti kibisi ekyetwa omurinzi,
Nka maraaya.
21 #
Bir 32:32; Zab 80:8; Isa 5:2. Haza naabaire nkugizire omuzaabibu murungi munonga,
Gw'embibo etoorainwe.
Mbwenu kikaruga hi waaza kusiisikara,
Okaba omuzaabibu ogw'omu ishwa?
22 #
Yer 17:1; Yob 9:30. N'obu waakwoga ota n'eiju ry'akashenda,
Okagaruka okooga na sabuuni nyingi,
Kwonka eibara ry'ekibi kyawe rikiri omu maisho gangye;
Nikwo Mukama RUHANGA arikugira.
23 #
Yer 2:35; 7:31, 32; 19:2, 10. Noobaasa ota kugira oti: Tinsiisikaire,
Kandi tinkuratiire Baabaali.
Reeba omuhanda gwawe omu ruhanga,
Omanye ebi okozire.
Ori nk'engamira erikukina neekora oku n'oku;
24 #
Yer 14:6. Kandi ori nk'enturegye emanyiire eihamba,
Erikukagiiriza omuyaga erinzire;
N'oha owaakubaasa kugizibira?
Tihariho n'emwe eruha neegisherura,
Ahakuba egibona omu kwezi kwayo.
25 #
Yer 3:13; Bir 29:5. Otaikiriza ebigyere byawe kugyenda bitajwaire nkaito,
N'omumiro gwawe kugyenda gwine ekyaka.
Kwonka okagira oti: Nooyeruhiza busha,
Ahabw'okuba nkunzire abanyamahanga,
Kandi nibo ndikwija kukuratira.
26 #
Yer 8:1; 13:13; 32:32. Nk'oku omushuma ahemuka yaakwatwa,
Nikwo enju ya Israeli erihemuka,
Bo n'abagabe baabo, abategyeki baabo,
Abanyamurwa baabo na baanabi baabo,
27 #
Bar 10:9, 10; Isa 26:16. Abagira ekiti, buri omwe ati: Niiwe tata,
N'eibaare ati: Niiwe wanzaire;
Ahabw'okuba banteire amabega,
Baanyima amaisho.
Kwonka omu biro by'okureeba enaku
Baryataka bati: Imuka otujune.
28 #
Yer 11:13; Isa 45:20; Bir 32:37, 38. Mbwenu baaruhanga baawe
Abu waayeteereireho barahi?
Ku baraabe nibabaasa kukujuna
Omu biro by'enaku zaawe, nibaimukye;
Ahabw'okuba, nk'oku endembo zaawe zirikwingana,
Na baaruhanga baawe nikwo bari, iwe Yuda.
29Ahabw'enki noonyetomboitera?
Manya mwena mungomeire; nikwo MUKAMA arikugira.
30 #
Yer 5:3; 1 Tes 2:15. Nyeruhiize busha kuteera abaana baanyu;
Tibaikiriza kuhanwa;
Rurara yaanyu niyo emazireho baanabi baanyu
Nk'entare esheegire.
31Naimwe ab'obusingye obu, mute omutima aha kigambo kya MUKAMA.
Ndabeereire Israeli eihamba,
Nari ensi y'omwirima ndindindi?
Mbwenu abantu bangye nibagirira ki bati:
Nitwetegyeka; titurikugarukaho bundi?
32 #
Bir 32:18; Zab 106:21; Isa 61:10; Hos 8:14. Nimugira ngu empangare neebaasa kwebwa eby'okwetiiba,
Nari omugore kwebwa ekyetwekyerero kye?
Kwonka abantu bangye banyebirwe
Ebiro bingi ebitarikubarwa.
33Eshi omanya kusherura nkunzi zaawe!
Nangwa n'abakazi babi obeegyeise emize yaawe.
34 #
Kur 22:2; 2 Bag 21:16; Zab 106:38. Kandi aha kipumpuriya kyawe
Hareebekireho eshagama y'abanaku abu waatuzire busha,
Abu otakashangaga nibafumura enju.
35 #
Zab 143:2; Enf 28:13; 1 Yoh 1:8, 10. Haza ebyo byona obyogaho,
Ogira oti: Tiinyine rubanja;
Buzimazima takiinyiniire kiniga.
Reeba, ndyakutonganisa
Ahabw'okugira oti: Tincumwire.
36 #
Yer 31:22; Isa 30:3. Ahabw'enki orahuka kukora oku n'oku,
N'okuhindura emitwarize yaawe?
Misri neija kukuhemura
Nk'oku Asiria yaakugizire.
37 #
2 Sam 13:19. Naiwe oryarugayo oyekoreire emikono,
Ahabw'okuba MUKAMA ayangire abu oyesiga,
Kandi tibaine ki barikugasira.
Currently Selected:
Yeremia 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
