Yeremia 1

Okwetwa kwa Yeremia

1 # Yer 29:27; Yos 21:18; Ezk 1:3. Ebigambo bya Yeremia, mwene Hilikia, ow'omu banyamurwa abaabaire batwire Anatoosi omu ishaza rya Benyamiini. 2#Yer 25:3; 2 Bag 22:1-20; 23:1-30. Ekigambo kya MUKAMA kikamwijaho omu butegyeki bwa Yosia mwene Amini omugabe wa Yuda, omu mawak gwa ikumi n'eshatu ogw'omu butegyeki bwe; 3#Yer 25:1; 39:2; 2 Bag 23:34—24:6; 24:17—25:11. kandi kyagaruka kyaija omu butegyeki bwa Yehoyakimi mwene Yosa omugabe wa Yuda, okuhitsya aha muheru gw'omwaka gwa ikumi na gumwe ogwa Zedekia mwne Yosia ogwo, omugabe wa Yuda, obu Yerusaalemu yaakwatwa omu mwezi kwa kataano kw'ogwo mwaka.

4Ekigambo kya MUKAMA kikanyijaho nikigira kiti:

5 # Yer 25:15-29; 46—51; Isa 44:2; 49:6. Ku naabaire ntakakuhangire mu nda ya nyoko, nkakumanya;

Naakweza otakazairwe,

Naakutaho kuba nabi w'amahanga.

6 # Kur 4:10; 1 Bag 3:7. Naanye nikwo kugira nti: Ai bambe, Mukama RUHANGA, reeba, tindikumanya kugamba; ahabw'okuba nkiri muto. 7Kwonka MUKAMA yangira ati:

Reka kugira oti: Ndi muto;

Ahabw'okuba abu ndikutumaho boona nibo orizamu,

Kandi eki ndikuragiira kyona nikyo origamba.

8 # Yer 15:20; Kur 3:12; Ezk 2:6-9; 3:9. Otarubatiina,

Ahabw'okuba ndi hamwe naiwe kukujuna;

nikwo MUKAMA arikugira.

9 # Yer 5:14; Isa 6:7. Bwanyima MUKAMA yaagorora omukono gwe, yaakora aha minwa yangye, yangira ati:

Reeba, naata ebigambo byangye omu kanwa kaawe;

10 # Yer 18:7; 31:38; 2 Kor 10:4, 5. Kandi omanye ku eri izooba naakutaho

Kutegyeka amahanga n'ensi z'abagabe,

Kurandura n'okusheenya,

Kucwekyereza n'okujuumika,

Kwombeka n'okubyara.

11 # Amo 7:8. Ekigambo kya MUKAMA kyagaruka kyanyijaho nikigira kiti: Yeremia, nooreeba ki? Naagira nti: Nindeeba enkoni y'omuti gw'endozi. 12MUKAMA yangira ati: Waareeba gye; ahabw'okuba ntaire omutima aha kigambo kyangye kukihikiiriza.

13 # Yer 3:12; 4:6; 4:15; 6:1; 6:22; 10:22; Ezk 24:3. Ekigambo kya MUKAMA kyanyijaho obwa kabiri nikigira kiti: Nooreba ki? Naagira nti: Nidneeba enyungu erikubira etaire ekibunu aha bukiizi-bwa-bumosho. 14MUKAMA nikwo kungira ati: Akabi karyagwa aha batuuzi b'omu nsi egi boona nikaruga aha bukiizi-bwa-bumosho. 15#Yer 25:9; 39:3; 43:10. Reeba, ndyayeta enganda zoona ez'omu nsi z'abagabe b'omu bukiizi-bwa-bumosho baije, buri omwe ate ekitebe kye ky'obugabe aha marembo ga Yerusaalemu, n'aha ngo zaayo zoona ezigyehinguririize, n'aha ndembo zoona eza Yuda; nikwo MUKAMA arikugira. 16#Yer 4:12; 7:9; 19:4; 22:9; 25:6, 7; 44:3; Isa 2:8; 2 Bag 22:17; Byak 7:41. Kandi abantu baamwo ndyabacwera orubanja, rubasingye, ahabw'obubi bwabo boona obwabantusigiiseho, bakooterera baaruhanga abandi obubaane, bakaramya ebi emikono yaabo yaakozire. 17Kwonka iwe, yezirikye, oimukye, obagambire ebi ndaakuragiire byona. Batakuhahaaza omutima, ntakaahahaaza ogwawe omu maisho gaabo. 18#Isa 50:7; Ezk 3:9. Kandi reeba, eri izooba naakugira orurembo orwehinguririziibwe ebigo, enyomyo y'ekyoma n'engo z'emiringa, kurwanisa ensi egi yoona, abagabe ba Yuda, abanyiginya baayo, abanyamurwa baayo n'abantu baayo. 19#Yer 6:27; 15:20; Byak 18:9, 10. Baryakurwanisa, kwonka tibarikubaasa; ahabw'okuba ndi hamwe naiwe kukujuna; nikwo MUKAMA arikugira.

Currently Selected:

Yeremia 1: RR64

Highlight

Copy

Compare