Yeremia 18
18
Enfumu y'omubumbi n'eki abumbire
1Ekigambo ekyarugire ahari MUKAMA kikaija ahari Yeremia nikigira kiti: 2#Yer 19:1. Imuka oshuume, oze ow'omubumbi, kandi okwo niyo ndaakugambirire ebigambo byangye. 3Ntyo naashuuma, naaza ow'omubumbi, naashanga naabumbisa enziga ye. 4#Yer 13:7; Rom 9:20-24. Eki yaabaire naabumba omu ibumba kyasiisikarira omu ngaro ze; yaagaruka yaaribumbamu ekindi, nk'oku yaabaire naayenda. 5Bwanyima ekigambo kya MUKAMA kyanyijaho nikigira kiti: 6#Yob 10:9; Isa 45:9; 64:8. Imwe b'enju ya Israeli 'mwe, nimugira ngu tinkaabaasa kubagira nk'oku ogwo mubumbi yaagira eibumba? Reeba, nk'oku eibumba riri omu ngaro z'omubumbi, naimwe nikwo muri omu ngaro zangye, imwe nju ya Israeli 'mwe. 7#Yer 1:6; 42:10. Omu bunaku bwona obu ndigambiramu aha ihanga nari aha bugabe kurirandura, kurisheenya n'okuricwekyereza, 8#Yer 26:3, 13, 19; Bar 2:18; Ezk 18:21; Yon 3:10. eryo ihanga eri ndiba naagambireho, ku ririhinduka, ryareka ebibi byaryo, naanye ndyayegarukamu, ndekye akabi aku mbaire niinyenda kurireetaho. 9Kandi omu bunaku obu ndigambiramu aha ihanga nari aha bugabe kuryombeka n'okuribyara, 10eryo ihanga kuririkora ebirikwangwa omu maisho gangye, ryayanga kuhurira eiraka ryangye, obwo ndyayefuuza, ndekye kukora ebirungi ebi mbaire niinyenda kurikorera. 11#Yer 7:3; 25:5; 35:15; 2 Bag 17:13. Mbwenu irooko ogambire abantu ba Yuda n'abatuuzi ba Yerusaalemu oti: Oku niwko MUKAMA arikugamba naagira ati: Reeba, ninteekateeka kubareetaho akabi, nkandi ncumire n'enaama y'okubarwanisa. Nyaabura 'mwe, nimugarukye, buri muntu arugye omu muhanda gwe omubi, mushemeze emitwarize yaanyu n'ebi murikukora.
12 #
Yer 2:25; 3:17. Kwonka bo nibagira bati: Nooyeruhiza busha! Nitwija kukuratira enaama zaitu, buri muntu akuratire obugangaazi bw'omutima gwe omubi.
13 #
Yer 2:10, 11; 5:30. Nikyo MUKAMA arikugirira ati:
Mubuuririze omu mahanga,
Ku haraabe hariho orahuriire ebigambo nk'ebyo.
Israeli akozire ekibi ky'eihano.
14Nimugira ngu ebirika bya Lebanooni
Ebiri aha rukiri rw'omu ishwa biryabura?
Nari shi amaizi agarikufuka
Agarikuhimintika nigaruga hare garyayoma?
15 #
Yer 2:5, 13, 32; 6:16; Isa 57:14. Kwonka abantu bangye banyebirwe,
Baayoterera baaruhanga b'ebishuba obubaane;
Kandi kibareeteire kuteera entsibo
omu mihanda yaabo eya ira,
Baatora obuhanda obw'aha rubaju,
Baareka omuhanda rugyendwa,
16 #
Yer 19:8; 2 Bus 29:8; Yob 16:4; Zab 22:7; Tonz 2:15; Mat 27:39. Baareetera ensi yaabo kuba erikutiinisa,
N'ekintu ky'okweshaanya ebiro byona.
Orikugirabamu weena agyenda naashoberwa, q1 Naazongoza omutwe.
17 #
Yer 2:27; 13:24; Yob 27:21; Zab 48:7; Ezk 27:26; Hos 13:15. Ndyabataataanisa omu maisho g'abazigu baabo,
Nk'abarikuhunga omuyaga gw'oburugwa-izooba.
Aha izooba eri barigwererwaho akagwe
Ndyabateera amabega, tindireeba i bari.
18 #
Yer 2:8; 5:13, 31; 6:13; 9:3, 8; 11:19; Yob 5:21; Zab 31:20. Bwanyima baagira bati: Mwije tugiire Yerusaalemu omu naama; ahabw'okuba ebiragiro tibiriruga ha munyamurwa, nari enaama kuruga aha munyabwengye, n'obu kyakuba ekigambo ahari nabi. Mwije tumubeiherere, tumushiishe, turekye kweta aha kibambo kye na kimwe.
19 #
Zab 35:1; Isa 49:25. Ai MUKAMA, ompurire,
Ohurire amaraka g'abarikumpakanisa.
20 #
Neh 13:14; Zab 35:7, 12; 57:6; 119:85. Ekirungi nikizimuurirwa ekibi?
Kwonka bo bantumbiire obusya.
Ijuka oku mbaire niinyemerera omu maisho gaawe,
Kubatonganira, ngu mbaiheho ekiniga kyawe.
21 #
Zab 109:9, 10. N'ahabw'ekyo orrekye abaana baabo baitwe enjara;
Kandi obaheyo, bamarweho rurara;
Abakazi baabo babe abamazire abaana, kandi abafaakazi,
Abashaija baabo bamarweho orufu,
N'abatsigazi baabo baitirwe rurara omu rugamba.
22 #
Zab 140:5. Enduuru ehurirwe omu maka gaabo,
Ku oraabateeze ababisha kitaraariire!
Ahabw'okuba bantimbiire obusya,
N'ebigyere byangye baabitega emiriiti.
23 #
Neh 4:5; Zab 35:22. Kwonka iwe, MUKAMA, noomanya
Enaama zaabo zoona ezi baanyiniire kuunyita.
Otabasaasira eby'okushiisha byabo,
N'obu kwakuba okuragaza ekibi kyabo omu maisho gaawe.
Kureka bateezibwe entsibo, bakugwere kimwe omumaisho,
Kandi omu biro by'ekiniga kyawe ogire oku waabagira.
Currently Selected:
Yeremia 18: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
