Yeremia 17

Omugisha gw'orikwesiga MUKAMA

1 # Kur 27:2; Bir 16:21; Yob 19:24; Zab 118:27; Enf 3:3; 7:3; 2 Kor 3:3. Ekibi kya Yuda kihandiikirwe n'ekaraamu y'ekyoma, n'akabaare k'arimaasi akashongoize; kyasharurwa aha kishate ky'omutima gwabo n'aha mahembe g'amatambiro gaabo, 2#Yer 2:20. n'abaana baabo nibakiijuka amatambiro gaabo n'ebishushani byabo bya Ashera ebyabaire biba haihi na buri kiti kibisi ekyetwa omurinzi aha bibungo biraingwa, 3#Isa 2:3. n'aha nshozi omu nsi z'obwerere. Obutungi bwawe n'ebintu byawe byona ebirungi ndyabihayo kuba eminyago omu nsi yaawe yoona nooturwa ekibi kyawe. 4#Yer 15:13, 14; Bir 32:22. Naiwe wenka toriguma mu buhunguzi bwawe obu naakuhaire, kureka oryaheerereza abazigu baawe omu nsi ei otarikumanya; ahabw'okuba omuriro ogwakiibwe ekiniga kyangye guryaguma nigwaka ebiro byona.

5 # 2 Bus 32:8; Zab 146:3. Oku nikwo MUKAMA arikugamba naagira ati:

Orikwesiga ondiijo muntu,

Akahindura omuntu-buntu eky'okumurinda,

Akaimuura MUKAMA omu mutima gwe, akyeenirwe.

6 # Yer 29:32; 48:6; Yob 20:17; 39:6; Bir 29:23. Ari nk'akashaka k'omu ihamba,

Kandi ekirungi kyona ekiriija tarikireeba,

Kureka aryatuura omu myanya y'omu ihamba ekarangataine,

Omu nsi y'omwonyo etatuurwamu bantu.

7 # Zab 2:12; 71:5; 125:1. Orikwesiga MUKAMA, kandi ou MUKAMA aba amatsiko ge,

Ahiiriirwe;

8 # Zab 1:3; Ezk 47:12. Ahakuba ni nk'omuti ogubyairwe aha rubaju rw'amaizi,

Ogurikutsimba emizi yaagwo haihi n'omugyera;

Tigutiina mushana gw'ekyanda,

Kureka amababi gaagwo gaguma nigabengyeya,

N'omu mwaka gw'omushana mwingi tigwemereza mutima,

Ahabw'okuba tigureka kwera bijuma.

9Omutima n'engobya okukira ebintu byona,

Gwine endwara etarikutambwa;

N'oha owaakubaasa kugumanya?

10 # Yer 11:20; 32:19; 1 Sam 16:7; 1 Bus 28:9; Yob 34:11; Zab 139:23; Rom 8:27. Nyowe MUKAMA niinye ncaaka ebiteekateeko,

Nkagyeza omutima

Nkazimuurira omuntu weena nk'emitwarize ye oku eri,

Nk'ebyana ebirugire omu bi akozire oku biri.

11 # Zab 39:6; 55:23; Luk 12:20. Omuntu weena atunga obutungi omu muringo gutari gw'amazima,

ni nk'endahi erikubumbatira abaana abu etazire.

Obwo butungi buryamuhwaho akiri rwagati y'amagara ge,

Bwanyima aha muheru gwe abe omushema.

12Omwanya gwaitu ogurikwera n'ekitebe ky'obukama bw'ekitiinisa;

Kikateebwa ahaiguru okuruga aha kutandika.

13 # Yer 1:16; 2:13; 14:8; Yos 24:20; Isa 1:28; Luk 10:20; Yoh 4:10, 14. Ai MUKAMA, matsiko ga Israeli,

Abarikukwimuura boona baryakwatwa enshoni;

Abarikukurugaho baryahandiikwa omu nsi,

ahabw'okuba baimwire MUKAMA,

Enshuro y'amaizi g'amagara.

14 # Bir 10:21; Zab 6:2. Ntambira, ai MUKAMA, nibwo ndaatambirwe;

Njuna, nibwo ndaajunwe;

Ahabw'okuba niiwe ky'okutiinisa kyangye.

15 # Isa 5:19; 2 Pet 3:4. Reeba, nibangira bati:

Ekigambo kya MUKAMA kirahi?

Mbwenu nu nikiije!

16 # Zab 40:9; 139:4. Tindakugyemire kwohereza obubi,

N'obu kwakuba okwetenga eizooba ry'akabi kwija,

Noobimanya.

Ekyarugire omu kanwa kangye kikaba nikireetwa butunu omu maisho gaawe.

17 # Yer 16:19. Otambeera eky'okutiinisa;

Ori obuhungiro bwangye aha izooba ry'enaku.

18 # Yer 11:20; Zab 35:4, 8. K'abarikumpiiga bakwatwe enshoni,

Kwonka nyowe zirekye kunkwata;

Bo bahahaare omutima,

Kwonka ogwangye gurekye kuhahaara;

Obahitsyeho eizooba ry'akabi,

Obahwerekyereze kabiri.

Mukama okwijutsya Abayuda ebya sabato

19Oku nikwo MUKAMA yangambiire naagira ati: Irooko oyemerere omu irembo rya Benyamiini, ahu abagabe ba Yuda bataahira n'ahu bashohorera, n'omu marembo goona aga Yerusaalemu, 20obagire oti: Imwe bagabe ba Yuda 'mwe, na Yuda yoona, n'abatuuzi ba Yerusaalemu mwena abaraba omuri aga marembo, nimuhurire ekigambo kya MUKAMA. 21#Neh 3:15-19. Oku nikwo MUKAMA arikugamba naagira ati: Mwerinde, muteekorera omutwaro gwona aha izooba rya sabato, n'obu kwakuba okugurabya omu marembo ga Yerusaalemu. 22#Kur 23:12; 31:13; Kub 15:32-36; Isa 56:2; 58:13; Ezk 20:12, 20. Kandi mutashohoza omutwaro omu maka gaanyu aha izooba rya sabato, n'obu kwakuba okurikoreraho omurimo gwona, kureka mugume murinde eryo izooba kuba eririkwera, nk'oku naaragiire baashwenkuriimwe. 23#Yer 5:3; 7:24, 26; Byak 7:51. Kwonka tibarahuriire n'obu kwakuba okutega amatu, kureka bakagangaaza ebitsya, ngu barekye kuhurira n'obu kwakuba okwikiriza kwegyesibwa.

24Kandi MUKAMA naagira ati: Kwonak ku murampurire, mutaarabya mutwaro gwona omu marembo g'oru rurembo aha izooba rya sabato, kureka mwaririnda kuba eririkwera, mutaagira murimo gwona ogu mwarikoreraho, 25#Yer 22:4. obweo abagabe abari aha ngoma ya Daudi baryataaha omu marembo g'oru rurembo bari omu bigaari by'orugamba n'aha mbaraasi, hamwe n'abanyiginya baabo n'abantu ba Yuda, n'abatuuzi ba Yerusaalemu; akndi oru rurembo ruryagumaho ebiro byona. 26#Kut 13:1; Lev 7:12; 22:29; 2 Bus 33:16; Zab 107:22; 116:17; Yer 33:13; Zek 7:7. Kandi abantu baryaguma nibaruga omu ndembo za Yuda, n'omu myanya yoona eyehinguririize Yerusaalemu, omu ishaza rya Benyamiini omu mpita, omu nsi y'ebibungo, n'omuri Negebu, nibareeta ebitambo by'okwotsya n'ebindi bitambo, n'empongano z'esaano n'obubaane, kandi nibareeta empongano z'okusiima omu nju ya MUKAMA. 27#Yer 7:20; 17:21, 22; 21:14; 52:13; Tonz 4:11; 2 Bag 25:8, 9. Kwonka ku muraayangye kumpurira n'okurinda eizooba rya sabato riri eririkwera, mwaraba omu marembo ga Yerusaalemu aha izooba rya sabato mwekoreire emitwaro, obwo ndyatweka omuriro omu marembo gaayo, gwotsye zaanyaruju za Yerusaalemu, kandi tiguriraazibwa.

Currently Selected:

Yeremia 17: RR64

Highlight

Copy

Compare