Yeremia 16
16
Yeremia okumanyisa okuhana gwa Mukama n'embabazi ze
1Ekigambo kya MUKAMA kikanyijaho nikigira kiti: 2Otarishwera omukazi, kandi otarizaarira abaana b'aboojo n'aba'abaishiki omu mwanya ogu. 3Ahabw'okuba oku nikwo MUKAMA arikugmaba aha baana ba'aboojo n'ab'abaishiki abarizaarirwa omu mwanya ogu, n'ahari baanyinabo na baishebo abaabazaariire omu nsi egi, naagira ati: 4#Yer 7:33; 8:2; 14:12; 15:2; 22:18, 19; 25:33. Baryafa baitwe endwara ezirikwita. Tihariho oribacurira nari oribaziika; emitumbi yaabo eryaba nka'amasha aha itaka. Baryahwerekyerezibwa rurara n'ejara; kandi emitumbi yaabo eryaba egabo y'amahungu g'omu mwanya n'enyamaishwa z'omu ihamba.
5 #
Ezk 24:16-23. Ahakuba oku nikwo MUKAMA arikugamba naagira ati: Otaritaaha omu nju omu barikucurira, otariza kubatongyeza, n'obu kwakuba okubaririra; ahabw'okuba obusingye bwangye n'embabazi n'esaasi mbiihire ahari abo bantu; nikwo MUKAMA arikugira. 6#Yob 1:20; Lev 19:28. Abakuru n'abato baryafeera omuri egi nsi hatariho mutaano; tibariziikwa, kandi tihariho oribacurira n'obu kwakuba okweshara nari okumwa enkomborora ahabwabo. 7#Bir 26:14; Hos 9:4. Tihariho baribegyera ori omu rufu omugaati kumuyaagira ahabw'okufeerwa; kandi tibariha ofeereirwe ishe nari nyina ekikopo ky'amaizi kumugwisa gye. 8Kandi otaritaaha omu nju omu barikuriira obugyenyi kushutamanabo kurya n'okunywa; 9#Yer 7:34. ahakuba oku nikwo MUKAMA ow'amahe Ruhanga wa Israeli arikugamba naagira ati: Reeba, ndyahunamya amaraka gw'okwesiima n'okushemererwa, erya kishwera n'erya kishwerwa omu mwanya ogu, mukiriho nimureeba.
10 #
Yer 5:19; 13:10. Kandi ku origambira abantu aba ebigambo ebyo byona, nabo baakubuuza bati: N'enki ekireeteire MUKAMA kutugambaho obubi obwo bwona obuhango oburitubaho? Naatutura ki? Ni kibi ki eki twacumwire ahari MUKAMA Ruhanga waitu? 11#2 Bag 22:17. naiwe oryabagarukamu oti: Kireetsirwe baashwenkuriimwe abaanyimwire, bakakuratira baaruhanga abandi, bakabaheereza, bakabaramya, bakantsigaho, batoorobere biragiro byangye; 12#Yer 3:17; 7:26. kandi naimwe mukirize baashwenkuriimwe abo kukora kubi, ahabw'okuba buri muntu weena omuriimwe naakuratira ebibi by'omu mutima gwe gw'obugangaazi naayanga kumpurira. 13#Yer 15:14; 22:26; Bir 4:26-28; 28:36, 64, 65. Nikyo ndibabingira omuri egi nsi, mukaza omu nsi ei mutaamanyaga n'obu baakuba baashwenkuriimwe, kandi okwo niyo muriheererereza baaruhanga abandi nyomushana na nyekiro; ahabw'okuba tindibagirira mbabazi.
14 #
Yer 4:2; 23:7, 8. Kandi MUKAMA nagira ati: Reeba, obunaku buryahika, obu batarigaruka kugira bati: Nindahira MUKAMA ohuriire owaihire Abaisraeli omu nsi ya Misri; 15#Yer 3:18; 24:6; 30:3; 32:37; Isa 43:5, 6. kureka bagira bati: Nindahira MUKAMA ohuriire owaihire Abaisraeli omu nsi y'aha bukiizi-bwa-bumohso n'omu nsi zoona ei yaabaire ababingiire; ahabw'okuba ndyabagarura omu nsi yaabo y'obuzaarwa ei naahaire baishenkurubo.
16 #
Ezk 12:13; Amo 4:2; Hab 1:15. Kandi MUKAMA naagira ati: Reeba, naaza kutuma abajubi baingi baije babajube, bwanyima y'ebyo ndyatuma abahiigi baingi, baije babahiigye ahari buri rushozi n'ahari buri kibungo n'omu nyanga z'amabaare. 17#Yer 32:19; 2 Bus 16:9; Yob 34:21; Zab 51:9; 90:8. Ahabw'okuba amaisho gangye ngataire aha mitwarize yaabo yoona; tensherekirwe, n'eby'okushiisha byabo tibisherekirwe, ngu ntabireeba. 18#Isa 40:2; 65:4; Ezk 43:7-9. Eby'okushiisha byabo n'ekibi kyabo ndyabibazimuurira kabiri, ahabw'okuba bakahagaza ensi yangye emitumbi y'ebishushani byabo ebirikunugwa, obuhunguzi bwangye baabwijuzamu ebihagaro byabo.
19 #
Yer 17:17; 18:15; 2 Sam 22:33; Isa 9:2; 25:4; 49:6, 22, 23. Ai MUKAMA, maani gangye, ekigo kyangye,
Kandi obuhungiro bwangye omu biro by'okubonabonesezibwamu,
Amahanga garyakwijaho,
Nigaruga aha mpeuru z'ensi, gagire gati:
Ebi baatatenkuriitwe baahungwire n'ebishuba bisha,
Ni busha, n'ebintu bitaine mugasho.
20 #
Yer 2:11; 1 Kor 8:4. Nimugira ngu omuntu akaayekorera baaruhanga?
Baaruhanga nk'abo ti baaruhanga!
21 #
Yer 33:2. N'ahabw'ekyo reeba, ndyabamanyisa; aha murundi ogu niinyija kubamanyisa obushoboorozi bwangye n'amaani gangye, nabo bamanye ku eiziina ryangye ndi Yehova.
Currently Selected:
Yeremia 16: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
