Yeremia 15
15
Abayuda okuhanuurirwa ebifubiro ebiribahikaho
1 #
Yer 15:19; 1 Sam 7:9; 8:6; 12:23; 15:11; Zab 99:6; 106:23; Ezk 14:14. Bwanyima MUKAMA yangira ati: N'obu Musa na Samueli baakuunyemerera omumaisho, omutima gwangye tigukaagaruka hari aba bantu. Obaanyihe omumaisho, bagyende! 2#Yer 14:12; Ezk 5:12. Kandi ku baraakubuuze bati: Tuze hi? obagire oti: Oku nikwo MUKAMA arikugamba naagira ati:
Ab'okwitwa rufu, baitwe rufu;
Ab'okwitwa rurara, baitwe rurara;
Ab'okwitwa enjara, baitwe enjara,
N'ab'okutwarwa omu bukwatwa, batwarwe.
3 #
Bir 28:26; Lev 26:16-22; Kush 6:8. Kandi MUKAMA yaagira ati: Niinyija kubateeraho okucwekyerezibwa omu miringo ena, rurara y'okubaita, embwa z'okubataanyagura, amahungu g'omu mwanya n'enyamaishwa z'omu ihamba by'okugaashuura n'okubamaraho. 4#Yer 24:9; 29:18; 34:17; Bir 28:25; 2 Bag 21:11. Kandi ndyabahindura eky'okutiinisa amahanga g'abagabe boona ab'omu nsi nimbatura ebi Manaase mwene Hezekia omugabe wa Yuda yaakoreire Yerusaalemu.
5 #
Isa 51:19. Iwe Yerusaalemu, n'oha oraakugirire esaasi?
Nari shi, n'oha oraakucurire?
N'oha oraayerusye kukiikama
kukubuuza oku oraire?
6 #
Yer 7:24; Bir 32:15. MUKAMA naagira ati: Okanyanga,
Waaguma noogaruka enyima;
Nikyo nkubangiriire omukono, nkakumaraho.
Ahabw'okuba okugumisiriza kunduhize.
7 #
Yer 5:3; Isa 9:13; 30:24; Amo 4:6, 8-11; Mat 3:12. Nkabeeresa orugari omu marembo g'ensi,
Naabamaraho abaana, naacwekyereza abantu bangye;
Kwonka tibaareka mitwarize yaabo mibi.
8Naabakanyisamu abafaakazi,
Baaba baingi okukira omusheenyi gw'aha nyanja.
Ndeeteire baanyina b'abatsigazi omuhwerekyerezi omu ihangwe;
Naabareetera obusaasi n'obwoba,
Naabibagwisaho kitaraariire.
9 #
1 Sam 2:5; Amo 8:9. Owaazaire mushanju ayehweire amatsiko,
Yaagwa enshazi;
Eizooba rye ryarenga butakaizire;
Akwatsirwe enshoni, yaabwerabwera.
Kandi abahonokireho ndyabacwekyerereza
Omu maisho g'abazigu baabo na rurara;
nikow MUKAMA arikugira.
Ruhanga okuraganisa Yeremia okurindwa abazigu
10 #
Yer 20:14; Kur 22:25. Ai bambe maawe, okanzaarira ki ndi omushaija w'empaka n'entongane aha b'omu nsi egi boona! Tihariho u ndagurize, kandi tihariho u ndeegurizeho; kwonka boona nibanjuma. 11Ai MUKAMA, nkaashemereire kujunwa, kuri ntarakweshengyereize kubakorera ebirungi, nari kukweshengyereza kubakiza abazigu omu biro by'enkau n'omu biro by'obusaasi! 12#Yer 1:13. Hariho omuntu owaakubaasa kuhenda ekyoma, ekyoma ekirikuruga aha bukiizi-bwa-bumosho, akahenda n'omuringa?
13 #
Yer 17:3; Zab 44:12. Ebintu byawe n'obutungi bwawe ndyabihayo kuba eminyago, bitaine ki biguzirwe, babimare omu nsi yaawe yoona, ninkutura ebibi byawe byona. 14#Yer 9:16; 16:3; 17:4; 22:28; Bir 32:22. Ndyabareetera kuheerereza abazigu baawe omu nsi i otarikumanya; ahabw'okuba omuriro ogwakiibwe ekiniga kyangye guryaguma nigwaka ebiro byona.
15 #
Yer 11:20; 12:3; Zab 69:7; Bar 16:28. Ai MUKAMA, niiwe orikumanya;
Onyijukye, ontaayaayire,
Ompoorere enzigu abarikumpiiga;
Ahabw'okugumisiriza kwawe otaanyihaho,
Omanye ku ndikujumwa ninturwa iwe ahabwawe.
16 #
Yer 14:9; Zab 119:11, 162; Ezk 3:1, 3; Kush 10:9, 10. Ebigambo byawe bikaboneka, naabirya,
Byambeera okushemererwa,
N'okunanuka kw'omu mutima;
Ahabw'okuba niinyetererwa eiziina ryawe,
MUKAMA Ruhanga ow'amahe.
17 #
Zab 102:7; Tonz 3:28. Tindashutamire mu mutwe gw'abantu abarikwesiima,
Kandi naanye tindashemereirwe,
Kureka nkashutama nyenka ahabw'omukono gwawe,
Ahabw'okuba okanyijuza okuguubwa kubi.
18 #
Yer 30:15; Yob 34:6. Ahabw'enki obusaasi bwangye butatuuza,
N'obuhuta bwangye butatambwa, bukanga kukira?
Noija kumbeera nk'akagyera akarikubeiha,
N'amaizi agarikwoma?
19 #
Yer 3:14; 15:1. Nikyo MUKAMA arikugirira ati:
Ku oraagarukye, niinyija kukugarura,
Obone kuunyemerera omumaisho.
Ku oraataanise eby'omugasho n'ebitagwine,
Oryaba nk'akanwa kangye.
Baryakugarukira, kwonka iwe torigarukira.
20 #
Yer 1:8, 18, 19; 20:11. Ahari abo bantu ndyakugira orugo orwombekyeise emiringa;
Baryakurwanisa, kwonka tibarikubaasa,
Ahabw'okuba ndi hamwe naiwe
Kukukiza n'okukwiha omu mikono yaabo;
nikwo MUKAMA arikugira.
21 #
Yer 29:5. Ndyakujuna nkwihe omu mikono y'ababi,
Nkucungure, orugye omu mikono y'abarikutiinisa.
Currently Selected:
Yeremia 15: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
