Yeremia 14
14
Yeremia okuragura aha njara, n'okweshengyerereza Abayuda ahari Mukama
1Ekigambo kya MUKAMA kikaija ahari Yeremia ahabw'omushana mwingi gw'ekyanda, nikigira kiti:
2 #
Isa 3:26; Tonz 1:4; 2:8. Yuda neecura,
Omu marembo gaayo abantu nibagwa enshazi.
Abantu baayo nibatongyeza ahansi,
N'okuborooga kwa Yerusaalemu kuhikire ahaiguru.
3 #
2 Sam 15:30. Abakungu baayo nibatuma abambari baabo amaizi,
Bakihika aha maziba, bashanga amaizi gatarimu,
Bagaruka enyungu zaabo zirimu busha,
Baine enshoni bashobeirwe,
# 14:3 Omu Ruheburaayo, bashwekire emitwe. Beekoreire emikono.
4 #
Yer 3:3. Abahingi baine enshoni, beekoreire emikono,
Ahabw'ensi kugangabuka, ebuzire enjura.
5 #
Zab 29:9. N'empara neetsiga abaana baayo omu ishwa
Yaaheza kubazaara, ahabw'okubura obunyaatsi.
6 #
Yer 2:24. Enturegye nizeemerera aha bibungo by'emparamaata,
Zihaahagira nk'emishega;
Amaisho gazigwire omunda ahabw'okubura obunyaatsi.
7 #
Yer 14:21; Zab 25:11. N'obu eby'okushiisha byaitu biraabe nibitushinja,
Ai MUKAMA, kora ahabw'eiziina ryawe;
Ahabw'okuba okugaruka enyima kwaitu ni kwingi;
Tukakucumuraho.
8 #
Yer 17:13; 50:7; Zab 71:5. Iwe matsiko ga Israeli,
Omujuna omu biro by'enaku,
Okaahindukiire ki nk'omunyaihanga omu nsi,
Nk'omugyenzi okiikama kuraara bwaira?
9 #
Zab 119:121; Isa 59:1; Dan 9:18. Okaahindukiire ki nk'omuntu oshobeirwe,
Nk'emanzi eremirwe kujuna?
Ai MUKAMA, n'obu kiraabe kiri kityo,
Ori omuriitwe, nitwetererwa eiziina ryawe.
Otatutsigaho.
10 #
Hos 8:13; 9:9. Oku nikwo MUKAMA arikugamba ahari aba bantu naagira ati:
Okwo nikwo baayenzire kurara
Batabandame hamwe;
Nikyo MUKAMA atarikubaikiririza;
Aryaijuka eby'okushiisha byabo,
Abafubire ahabw'ebibi byabo.
11 #
Yer 7:16. Kandi MUKAMA yangira ati: Reka kushabira abo bantu ebirungi. 12#Yer 6:20; 16:4; 24:10; Enf 1:28; Ezk 8:18; 14:21; Mik 3:4. N'obu baraayesiibyekwo, tindikwija kuhurira kutaka kwabo; kandi n'obu barampongyere ebitambo by'okwotsya n'empongano z'esaano, tindikwija kubyakiira; kureka ndyabamaraho na rurara n'enjara n'orufu.
13 #
Yer 4:10; 6:14. Bwanyima naagira nti: Ai bambe, Mukama RUHANGA, reeba, baanabi nibabagira bati: Timurikwija kwitwa rurara, n'obu kwakuba okuteerwa enjara; kureka ndyabaheera obusingye obwa nyamazima omuri ogu mwanya. 14#Yer 5:31; 23:21; 27:9, 15; Bir 18:20; Ezk 13:6; Mat 7:15. MUKAMA yangira ati: Baanabi abo nibahanuura ebishuba omu iziina ryangye; tiinye mbatumire, tiinye mbaragiire, n'obu kwakuba okubagambira. Nibabahanuurira okworekwa kw'ebishuba, baragura ebitaine mutambo, n'obugobya bw'omu mitima yaabo. 15#Yer 23:34. Nikyo MUKAMA arikugambira aha bya baanabi abarikuhanuura omu iziina ryangye, haza ntabatumire, bakgira bati: Rurara n'ejara tibiriteera egi nsi; naagira ati: Baanabi abo nibaija kumarwaho rurara n'ejara; 16#Zab 79:3. n'abantu abu baanabi barikuhanuurira baryanagwa omu nguuto za Yerusaalemu, nibaitwa enjara na rurara, babure kiziika, bo n'abakazi baabo na batabani baabo kandi na bahara baabo; ahabw'okuba ndyabashukaho obubi bwabo.
17 #
Yer 8:21; 10:19; 13:17; Yer 5:31; Ezk 7:15. Kandi oryabagambira ekigambo eki, noogira oti:
K'amaisho gangye gahimitikye amarira
Nyomushana na nyekiro, garekye kwoma;
Ahabw'okuba abantu bangye bateirwe munonga,
Baahutaazibwa obuhuta buhango.
18Ku ndikuza omu ishwa,
Nshangayo abaitsirwe rurara;
Ku ndikuza omu rurembo,
Nshangamu abarembiibwe enjara,
Ahabw'okuba baanabi n'abanyamurwa nibazengyerera omu nsi egi
Bataine ki barikumanya.
19 #
Yer 8:15; 15:18; Tonz 5:22. Beitu oyangiire kimwe Yuda?
Omutima gwawe gutamirwe Saayuuni?
Otuteereire ki, tukabura kutambirwa?
Tukategyereza obusingye, titwabona karungi;
Twategyereza okutambirwa, haija okushoberwa.
20 #
Zab 106:6; Dan 9:5, 8. Ai MUKAMA, twemeire obubi bwaitu,
N'eby'okushiisha bya baatatenkuriitwe;
Ahabw'okuba tukakucumuraho.
21 #
Yer 10:15; Zab 106:45. Otatutamirwa kimwe, ahabw'eiziina ryawe;
Otakwatsa enshoni ekitebe kyawe ky'ekitiinisa.
Ijuka endagaano ei waaragaine naitwe, otagiita.
22 #
Yob 12:9; 38:26, 28; Isa 66:2; Zek 10:1, 2. Omuri baaruhanga b'abanyamahanga b'ebishuba
Harimu owaakubaasa kugwisa enjura?
Nari eiguru ahabwaryo niribaasa kugwisa enjura y'orutoonyerera?
Tiiwe MUKAMA Ruhanga waitu?
Niiwe twineho amatsiko,
Ahabw'okuba ebyo byona niiwe obikora.
Currently Selected:
Yeremia 14: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
