Yeremia 13
13
Yeremia okuheebwa akamanyiso k'orukoba
1 #
Byak 21:11. Oku nikwo MUKAMA yangambiire naagira ati: Irooko ogure orukoba rwa kitaani, orwezirikise, kwonka otarujabika omu maizi. 2Ntyo naagura orukoba, naarwezirikisa nk'ekigambo kya MUKAMA oku kyabaire kiri. 3Ekigambo kya MUKAMA kyanyijaho obwa kabiri nikigira kiti: 4Twara orwo rukoba oru oguzire, oru oyezirikiise, oimukye oze Para, orusherekye omu nonko y'orukiri. 5Ntyo naagyenda, naarushereka haihi na Para, nk'oku MUKAMA yandagiira. 6Ebiro bingi ku byahingwireho, MUKAMA yangira ati: Imuka ogarukye Para, oiheyo orukoba oru naakuragiire kusherekayo. 7#Yer 18:4; Ezk 15:4, 5. Naanye nikwo kugaruka Para, nkacukura, nkaiha orwo rukoba ahu naabaire ndusherekire. Kandi reeba, orwo rukoba rukaba rusiisikaire, rutakiine mugasho.
8Bwanyima ekigambo kya MUKAMA kyanyijaho nikigira kiti: 9#Lev 26:19. Oku nikwo MUKAMA arikugamba naagira ati: Ikwo nikwo ndishiisha amaryo ga Yuda n'amaryo ga Yerusaalemu agarengyesereize. 10#Yer 3:17. Eihanga eri eribi eririkwanga kuhurira ebigambo byangye, abantu abarikukuratira ebi emitima yaabo egangaire erikwenda, bakakuratira baaruhanga abandi kubaheereza n'okubaramya, baryaba nk'orwo rukoba orutakiine mugasho. 11#Yer 33:9; Kur 19:5; Zef 3:20. Ahabw'okuba nk'oku orukoba ruhamira omuntu omu bwezirikiro, nikwo naayehamiizeho enju ya Israeli yoona n'eya Yuda yoona, ngu bambeere eihanga, eiziina ery'okumpimbisisa, n'okumpaisa ekitiinisa; kwonak baayanga kuhurira.
12 #
Yer 48:12. Nikyo oraabagambirire eki kigambo noogira oti: Oku nikwo MUKAMA Ruhanga wa Israeli arikugamba naagira ati: Buri njoga neija kwijuzibwa viinyo; kandi nabo nibaija kukugira bati: Noogira ngu itwe titurikumanya ku buri njoga erikwija kwijuzibwa viinyo? 13#Yer 17:20; 18:18; 19:3; 22:2; Ezk 23:33. Naiwe obagire oti: Oku nikwo MUKAMA arikugamba naagira ati: Reeba, niinyija kusindiza kiwme abatwire omu nsi egi boona, abagabe abashutami aha kitebe kya Daudi, abanyamurwa, baanabi n'abatuuzi b'omuri Yerusaalemu boona, 14#Yer 19:10, 11; Zab 2:9. mbahondanise, buri muntu na mugyenzi we, abaana na baishebo. Tindikwija kubasaasira, nari okubareka, n'obu kwakuba okubagirira esaasi, ngu ntabahwerekyereza; nikwo MUKAMA arikugira.
15Muhurire, kandi mutegye amatu;
Murekye amaryo, ahabw'okuba MUKAMA niwe yaagamba.
16 #
Yos 7:19; Isa 5:30; 8:22; Yoh 11:10. Muhe MUKAMA Ruhanga waanyu ekitiinisa,
Atakareetsire mwirima,
Ebigyere byanyu bitakateereire ntsibo aha bibungo omu rwita-waabo,
Kandi, mukiba nimusherura okuhweza,
Akakuhindura ekicuucu kya rufu,
Kukaba omwirima ndindindi.
17 #
Yer 9:1, 18; 14:17; Tonz 1:16. Kwonka ku muraayangye kuhurira,
Omutima gwangye nigwija kuririra omu mubonano
Nindizibwa amaryo gaanyu,
Niinyija kurira munonga, amarira nigampimintika omu maisho,
Ahabw'okuba obusyo bwa MUKAMA bunyagirwe.
18 #
Yer 22:26; 2 Bag 24:12; Tonz 5:16. Gambira omugabe na nyina, noogira oti:
Mwecureeze, mushutame ahansi;
Ahabw'okuba ebirunga byanyu ebirungi
Bibarugire aha mitwe.
19 #
Yos 6:1. Endembo z'omuri Negebu zikingirwe,
Tihariho w'okuziigura;
Abayuda batwairwe omu bukwatwa,
Baatwarirwa kimwe.
20 #
Yer 1:13, 14. Munagye amaisho, mureebe abareetwa aha bukiizi-bwa-bumosho;
obusyo bwawe buri oburungi, obu waabaire ohairwe, burahi?
21 #
Isa 13:18. Oryagamba ki ku barikutegyekyesa
Abu waayegyeise, bakaba banywani baawe?
Torikwatwa obusaasi, nk'obw'omukazi orikurumwa kuzaara?
22 #
Yer 5:19; Isa 3:17; Tonz 1:8; Nah 3:5. Kandi ku oraagire omu mutima gwawe oti:
Ahabw'enki ebi byona bimpikireho?
Eby'okushiisha byawe ebirengyesereize
Nibyo bireeteire ekipumpuriya kyawe kuhenuka,
okufa kubi, obubisha bukakubonabonesa.
23 #
Mat 19:26. Omunyesiopia naabaasa kuhindura omubiri gwe,
Nari engwe kuhindura amabara gaayo?
Kuri ekyo nikibaasika,
Naimwe abamanyiire kukora kubi
Mukaabaasize kukora kurungi.
24 #
Zab 1:4. Nikyo ndibataataanisiza nk'ebishushunga
Ebirikutwarwa omuyaga gw'omu ihamba.
25 #
Yer 2:32; Yob 20:29. Ebyo nigwo mugabo gwawe ogu naakuteekateekyeire
Ahabw'okuunyebwa, okeesiga ebishuba;
nikwo MUKAMA arikugira.
26Nyowe nyenka nikyo ndihenurira ekipumpuriya kyawe,
Nkakikuhitsya aha buso, enshoni zaawe zikareebwa.
27 #
Yer 2:20; 5:8; Isa 1:16; Ezk 24:13. Ndeebire ebihagaro byawe, obushambani bwawe,
N'eiraka ry'obwamaraaya bwawe
Ebi okoreire omu ishwa aha bibungo.
Oryakareeba, iwe Yerusaalemu!
Oryahitsya hi n'okwanga kwezibwa?
Currently Selected:
Yeremia 13: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
