Yeremia 12
12
Okwetonganira kw'abahikiriire ahabw'okureeeba ababi nibahiirwa
1 #
Ezr 9:15; Yob 12:6; 21:7-15; Zab 73:3-12; 92:7; Hab 1:13; Mal 3:15. Ai MUKAMA, n'obu ndikukwetomboitera,
Ori ohikiriire;
Kwonka nkaayenzire kwetonganira omu maisho gaawe.
Ahabw'enki ababi bahiirwa omu mihanda yaabo?
Ahabw'enki endeebya zoona ziba gye?
2 #
Isa 29:13. Niiwe obabyara, bakatsimba emizi,
Bakakura, bakaana.
Tobaruga ha rurimi,
Haza emitima yaabo ekuri hare.
3 #
Zab 17:3; 139:1; 2 Pet 2:12. Kwonka iwe MUKAMA, nommanya;
Ondeeba kandi omanya oku omutima gwangye gwemi ahariiwe.
Bahuruutureyo nk'entaama ezirikuza kubaagwa,
Obabiikire eizooba ry'okwitirwaho.
4 #
Yer 4:25; 9:10; 23:16; Hos 4:3; Rom 8:22; Zab 107:34. Mbwenu ensi eryahitsya hi n'okucura,
N'obunyaatsi bw'omuri buri ishwa kuhotoka?
Amatungo n'ebirikuguruka biryamarwaho
Ahabw'obubi bw'abagitwiremu,
Ahabw'okuba abantu bakagira bati:
Tarireeba muheru gwaitu.
5 #
Yer 49:19; Yos 3:15; Zek 11:3. Ku oraabe wairukire n'ab'amaguru, bakakurusya,
Noobaasa ota kuhakana n'embaraasi?
Ku oraabe nooremwa ori omu nsi y'obusingye,
Oryagira ota omu bishaka bya Yorudani ebikwataine.
6 #
Yer 9:4; 11:19, 21; Enf 26:25. Ahabw'okuba beene sho n'ab'enju ya sho
Nabo bakureebize;
Nibakuyombera enyima, bakubingire;
N'obu barikugambira gye, otaribeesiga.
7 #
Yer 11:15. Ntsigireho eka yangye,
N'obuhunguzi bwangye naabureka;
Nkunzi yangye y'aha mara
Naamuhayo omu mikono y'abazigu be.
8Obuhunguzi bwangye bumpindukiire entare y'omu kibira,
Bwaimutsya eiraka ryabwo, bwantontomera;
Nikyo ndikubwangira.
9 #
Yer 7:33; Isa 56:9; Ezk 39:17. Beitu hsi, obuhunguzi bwangye bumbeereire empungu y'amabara?
Agandi mahanga agabwehinguririize nigaburwanisa?
Mugyende, muteerane enyamaishwa zoona ez'omu ishwa,
Muzireete, zishonshomere.
10 #
Yer 2:8; 6:3; Isa 63:18. Abariisa baingi basiisire omusiri gwangye gw'emizaabibu,
Baaribatiirira omugabo gwangye;
Omugabo gwangye murungi baagugira eihamba eritatuurwamu.
11 #
Isa 42:25. Baguhindwire amatongo,
Niguntakira ahabw'okushoberwa;
Ensi yoona ehindwirwe amatongo,
Kwonka tihariho muntu n'omwe okyetaireho.
12Abahwerekyerezi baizire
Aha bibungo by'emparamaata eby'omu ihamba,
Ahabw'okuba rurara ya MUKAMA neerya busha
Okuruga aha rubaju rumwe rw'ensi okuhika aha rundi;
Tihariho kiine omubiri kyona ekiine obusingye.
13 #
Yer 4:8, 26; Isa 55:2; Bir 28:38; Tonz 1:12; 4:11; Mik 6:15; Hab 2:13; Hag 1:6. Babiba engano, bashaaruura amahwa,
Beerusya, babura eki baihamu;
Ebi basharwire biryabakwatsa enshoni
Ahabw'ekiniga kingi kya MUKAMA.
Ekifubiro ky'abarikushiisha obuhunguzi bwa Mukama
14 #
Zab 137:7; Ezk 25:1-17. Oku nikwo MUKAMA arikugamba ahari bataahi bangye boona ababi, abarikukora aha buhunguzi obu naahaire abantu bangye Israeli kuba obwabo, naagira ati: Reeba, ndyabarandura omu nsi yaabo, n'enju ya Yuda nayo ngibaranduremu. 15#Yer 48:47; 49:6. Kandi ku ndiheza kubarandura, ndyagaruka mbagirire esaasi, mbagarure, buri muntu agarukye omu buhunguzi bwe n'omu butaka bwe. 16#Yer 4:2; 1 Pet 2:5. Kandi obunaku ku burihika, baayezirika kutooreza emicwe y'abantu bangye okurahira eiziina ryangye bati: Nindahira MUKAMA ohuriire, nk'oku baayegyeise abantu bangye kurahira Baali, obwo baryahamibwa omu bantu bangye. 17#Isa 60:12. Kwonka eihanga ryona ku riryanga kuhurira, ndyarirandurira kimwe, ndicwekyereze; nikwo MUKAMA arikugira.
Currently Selected:
Yeremia 12: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
