Isaaya 9
9
Ebirikuhanuura aha Mujuni
1 #
Mat 4:15, 16. Kwonka aha mwishiki ogwo owaabaire aine obusaasi, tiharibaho mwirima. Omu biro bya ira Ruhanga akagayisa ensi ya Zebuluuni n'eya Nafutaali, kwonka omubiro bya bwanyima egyo nsi aryagihindura ey'ekitiinisa, Galilaaya eyaabaire ekubwirwe abanyamahanga, seenu ya Yorudani, aha muhanda ogurikuza aha Nyanja.#2 Bag 15:29; 2 Bus 16:4.
2 #
Luk 1:79; Efe 5:8. Abantu abaabaire nibagyendera omu mwirima
Bareebire omushana mwingi,
N'abaabaire batwire omu nsi y'ekibunda kya rufu
Omushana gubajwereire.
3 #
Isa 26:15; Yoh 4:36. Okanyiise eihanga,
Waayongyera aha kushemererwa kwabo;
Nibashemererwa omu maisho gaawe,
Nk'oku abashaija bashemererwa nibabagana eminyago.
4 #
Isa 10:5, 26, 27; Nah 1:13; Bar 7:19-25. Ahabw'okuba omutwaro ogwabaire gubaremereire,
N'enkoni eyaabaire ebatuura aha mabega,
N'ekihuuzo ky'orikubahata,
Obihenzire nk'aha izooba rya Midiani;
5Ahakuba eby'okurwanisa byona ebihagatirwa abarwani aha rugamba,
N'ebijwaro ebikuringirwe omu shagama,
Biryaba eby'okwokibwa nk'enku omu muriro;
6 #
Isa 7:14; 10:21; 28:29; 63:16; Yer 32:18; Mat 28:18; Luk 2:11; 1 Kor 15:25; Efe 2:14. Ahabw'okuba Omwana atuzaariirwe,
Omwana w'omwojo atuhairwe,
Obutegyeki buryaba aha mabega ge,
N'eiziina rye aryayetwa
Omuhanuuzi orikutangaaza,
Ruhanga ow'obushoboorozi,
Tataitwe otahwaho, Mukama w'obusingye.
7 #
2 Bag 19:31; Zab 89:4; Yer 23:5; Luk 1:32, 33. Okweyongyera kw'obutegyeki bwe n'obusingye
Tibirigira bugarukiro
Aha kitebe kya Daudi n'aha bukama bwe,
Okubutaho n'okubuhigikiza eby'oburyo n'okuhikiirira,
Okwiha hati n'okuhitsya ebiro byona.
Obweziriki bwa MUKAMA ow'amahe nibwo burihikiiriza ekyo.
Mukama okuhana abantu be
8Mukama atumire ekigambo kuhana Yakobo,
Nikiija kuhika n'ahari Israeli,
9Kandi abantu boona baryakimanya.
Abaefuraimu n'abatwirewe omuri Samaria,
Abarikugambisa amaryo n'emyekuniko y'omu mutima, nibagira bati:
10Amatafaari gagwire,
Kwonka nitwija kwombekyesa amabaare gabaizire;
Emisikamoori etemirwe,
Kwonka omu mwanya gwayo nitwija kutamu emyereezi.
11Nikyo MUKAMA arikwija kwimukiza ababisha,
N'abazigu baabo kubarwanisa,
12 #
Isa 5:25; 2 Bag 16:6; 2 Bus 28:18. Abasiria bakareetwa oburugwa-izooba,
N'Abafilistia oburengyerwa-izooba,
Baarangaaza akanwa, baamira Abaisraeli.
Hoona nabwo ekiniga kya MUKAMA tikikabarugireho,
Omukono gwe gukigangire.
13 #
Hos 7:10. Kwonka abantu tibakagarukiire owaabateire,
N'obu kwakuba okusherura MUKAMA ow'amahe.
14 #
Isa 19:15; Bir 28:13. Nikyo MUKAMA arikwizira kutema ahari Israeli omutwe n'omukira,
akamaraho amataagi g'emikindo n'ekibingo aha izooba rimwe-
15Omushaija mukuru ow'ekitiinisa, nigwo mutwe,
Kandi nabi orikwegyesa ebishuba, nigwo mukira;
16Ahabw'okuba abarikwebembera aba bantu nibabahabisa,
Kandi abo abu beebembeire nibamarwaho.
17N'ahabw'ekyo Mukama tarikwesiima habw'abatsigazi baabo,
Kandi tarigirira saasi fuuzi zaabo n'abafaakazi baabo,
ahakuba buri muntu tarikweta hari Ruhanga, kandi n'enkozi y'ebibi,
Kandi omuntu weena naagamba eby'obushema.
Hoona nabwo ekiniga kya MUKAMA tikikabarugireho,
Omukono gwe gukibangire.
18Manya, okutahikiirira nikwotsya nk'omuriro,
Kumaraho emikwatangwe n'amahwa,
kutweka ekishaka kikwataine eky'omu kibira,
Bituumuukira omu kiika kingi.
19 #
Mik 7:2. Ahabw'ekiniga kya MUKAMA ow'amahe ensi neesya,
N'abantu baayo nibashusha nk'enku z'okuhembesa omuriro;
Tihariho n'omwe orikusaasira mwene ishe.
20 #
Isa 8:21. Omuntu aryashahura eby'okurya aha rubaju rwa buryo, kwonka agume n'enjara;
Ondiijo aryamirakwo eby'aha rubaju rwa bumosho, kwonka tarihaaga;
Buri muntu aryarya enyama y'omubiri gwa mutaahi we.
21 #
2 Bus 28:6-8. Manaase aryarya Efuraimu, na Efuraimu arye Manaase;
Kandi bombi bakwatanisa bateere Yuda.
Hoona nabwo ekiniga kye tikikabarugireho.
Omukono gwe gukibangire.
Currently Selected:
Isaaya 9: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
