Popular Bible Verses from Isaaya 9

Share

Ahabw'okuba Omwana atuzaariirwe, Omwana w'omwojo atuhairwe, Obutegyeki buryaba aha mabega ge, N'eiziina rye aryayetwa Omuhanuuzi orikutangaaza, Ruhanga ow'obushoboorozi, Tataitwe otahwaho, Mukama w'obusingye.

Abantu abaabaire nibagyendera omu mwirima Bareebire omushana mwingi, N'abaabaire batwire omu nsi y'ekibunda kya rufu Omushana gubajwereire.

Okweyongyera kw'obutegyeki bwe n'obusingye Tibirigira bugarukiro Aha kitebe kya Daudi n'aha bukama bwe, Okubutaho n'okubuhigikiza eby'oburyo n'okuhikiirira, Okwiha hati n'okuhitsya ebiro byona. Obweziriki bwa MUKAMA ow'amahe nibwo burihikiiriza ekyo.

Ahakuba eby'okurwanisa byona ebihagatirwa abarwani aha rugamba, N'ebijwaro ebikuringirwe omu shagama, Biryaba eby'okwokibwa nk'enku omu muriro

Kwonka aha mwishiki ogwo owaabaire aine obusaasi, tiharibaho mwirima. Omu biro bya ira Ruhanga akagayisa ensi ya Zebuluuni n'eya Nafutaali, kwonka omubiro bya bwanyima egyo nsi aryagihindura ey'ekitiinisa, Galilaaya eyaabaire ekubwirwe abanyamahanga, seenu ya Yorudani, aha muhanda ogurikuza aha Nyanja.

Okanyiise eihanga, Waayongyera aha kushemererwa kwabo; Nibashemererwa omu maisho gaawe, Nk'oku abashaija bashemererwa nibabagana eminyago.

Ahabw'okuba omutwaro ogwabaire gubaremereire, N'enkoni eyaabaire ebatuura aha mabega, N'ekihuuzo ky'orikubahata, Obihenzire nk'aha izooba rya Midiani