Isaaya 7

Isaaya okugambira Ahazi eby'okumugumya

1 # 2 Bag 15:37; 16:5. Omu busingye bwa Ahazi mwene Yosamu, mutabani wa Uziya omugabe wa Yuda, Rezini omugabe wa Siria na Peeka mwene Remalia omugabe wa Israeli, bakainamuka Yerusaalemu kugirwanisa, kwonka tibaagibaasa. 2#Isa 8:12. Ab'enju ya Daudi ku baagambiirwe ngu Abasiria bakwataniise na Abaefuraimu, omutima gwa Ahazi n'emitima y'abantu be yaatetema nk'emiti y'omu kibira erikutengyetsibwa omuyaga. 3#Isa 36:2; 2 Bag 18:17. MUKAMA yaagira Isaaya ati: shohora hati, ogyende na mutabani waawe Sheari-yashubu, obugane Ahazi aha muheru gw'omukura gw'ekiyanja kya ruguru, ekiri aha muhanda ogurikuza aha musiri gw'omwozi; 4haza omugire oti: Oyerinde, ohitsye omutima omunda, orekye kutiina, kandi otahahaazibwa ekiniga kingi kya Rezini n'Abasiria, n'ekya mwene Remailia; bari nk'ebicumurwa bibiri by'enkanza zirikucumba. 5Noomanya ku Abaisria n'Abaefuraimu na mwene Remalia bakugiriire enaama mbi nibagira bati: 6Mwije twinamukye tuteere Yuda, tubatiinise, tubeekubuurire, twemekye mwene Tabeeli, abe omugabe waayo. 7#Isa 8:10. Kwonka Mukama RUHANGA agizire ati: Enaama yaabo terikwija kuhama, kandi terihikiirira; 8Ahabw'okuba omutwe gwa Siria ni Damasiko, n'omutwe gwa Damasiko ni Rezini; kandi emyaka makumi mukaaga n'etaano etakahwireho, Abaefuraimu baryacuubwamu ebicweka, babae batakiba ihanga. 9#2 Bus 20:20. Omutwe gwa Efuraimu ni Samaria, n'omutwe gwa Samaria ni mwene Remalia. Ku muraayangye kwikiriza, buzimazima timurihama.

Akamanyiso ka Emanueli

10MUKAMA yaagaruka yaagira Ahazi ati: 11Shaba MUKAMA Ruhanga waawe akamanyiso, oshabe akarikuhika Okuzimu owa Nyamuteza, nari akarikuhika ahaiguru owa Herebe. 12Kwonka Ahazi yaagira ati: Tindikwija kushaba, kandi tindikwija kugyeza MUKAMA. 13Isaaya yaagira ati: Imwe nju ya Daudi 'mwe, nimuhurire! Nimugira ngu n'ekintu kikye okurusya abantu, mukataho n'okurusya Ruhanga wangye? 14#Isa 9:6; Mat 1:23; Luk 1:31, 34, 35. Nikyo Mukama wenak aribaheera akamanyiso. Reeba, omwishiki oshugaine aryagira enda, azaare omwana w'omwojo, amwete Emanueli. 15Ogwo mwana, ku arimanya kwanga ekibi n'okwihamu ekirungi, aryatungwa amate g'amakamo n'obwoki. 16#Isa 6:12; 8:4. Ahabw'okuba omwana ogwo ku ariba atakagizire bwengye bw'okwanga ekibi n'okwihamu ekirungi, ensi z'abo bagabe bombi, abu orikutiina, ziryaba ebifurukwa. 17#Isa 8:7, 8; Neh 9:32; 2 Bus 28:20; 1 Bag 12:16. Iwe n'abantu baawe n'enju ya sho, MUKAMA aryabareetaho ebiro ebitakabahoga okwiha obu Abaefuraimu baataana n'Abayuda, nikwo kuteerwa omugabe wa Asiria.

Okucwekyerezibwa kw'ensi ya Yuda

18Omu bunaku obwo MUKAMA aryayetesa ekicurizo eshohera eziri omu bicweka by'obukomooko bw'emigyera ya Misri, n'enjoki z'omu nsi ya Asiria, 19byona biije bijanjaare omu mpanga ezitatuurwamu n'omu nyanga z'amabaare n'omu bishaka by'amahwa byona n'omu mariisizo goona. 20#Isa 8:7; 2 Bag 18:13-16. Omu bunaku obwo Mukama aryamwa eishokye aha mutwe n'obwoya aha bigyere, abimwaise orumweiso rw'entiizano oruriruga seeri y'omugyera Furaati, niwe mugabe wa Asiria; kandi rumareho n'obureju.

21Omuri obwo bunaku omuntu aryariisa ente nto y'ejigija, n'entaama ibiri; 22kandi ahabw'amate agu zirikukamwa kuba maingi, aryatungwa amate g'amakamo; kandi n'abaritsigara omu nsi boona baryatungwa amate g'amakamo n'obwoki. 23#Isa 5:6. Kandi omu bunaku obwo omwanya gwona ogwabaire gubamu emizaabibu rukumi, erikugura shekeli rukumi, guryamerwamu emikwatangwe n'amahwa. 24Oine obuta n'emyambi niwe arihikayo, ahabw'okuba ensi yoona eryaba emezibwamu emikwatangwe n'amahwa. 25#Isa 32:12, 14. Kandi n'ebibungo byona ebyabaire bihingisibwa efuka, oryatiina kubihikamu ahabw'egyo mikwatangwe n'amahwa, kureka biryaba eby'okunaguramu ente n'entaama.

Currently Selected:

Isaaya 7: RR64

Highlight

Copy

Compare