Isaaya 6
6
Mukama okweyoreka Isaaya
1 #
1 Bag 22:19; 2 Bus 26:23; Yoh 12:41. Omu mwaka ogu omugabe Uziya yaafeereiremu, nkareeba Mukama ashutami aha kitebe ky'obukama, kiraingwa, ekitairwe ahaiguru, n'ebijwaro bye ebiragaize biijwire hekalu. 2Baaserafi beemereire ahaiguru ye; buri omwe aine amapapa mukaaga, abiri ageekingiize ahamaisho, abiri agashwekire ebigyere, kandi abiri naagagurukisa. 3#Kub 14:21. Omwe yayeta mutyenzi we naagira ati: MUKAMA ow'amahe n'Orikwera, n'Orikwea, n'Orikwera; ensi yoona eijwire ekitiinisa kye. 4#1 Bag 8:10, 11. Emisingi y'ebiti by'amarembo yaatengyetsibwa eiraka ry'ogwo owaagambire, enju yaijura omwika. 5#Luk 5:8. Bwanyima naagira nti: Ai bambe! Mbwenuho naahitsya, ahakuba ndi omuntu w'eminwa etashemeire, kandi ntuura omu bantu abaine eminwa etashemeire; ahabw'okuba amaisho gangye gaareeba Mukama, MUKAMA ow'amahe.
6Ahonaaho omwe ahari baasiraafi yaaguruka, yaija ahi ndi aine eikara eririkwotsya omu ngaro, eri yaiha aha itambiro n'oruhana. 7Yaarinta aha minwa, yaagira ati: Reeba, eri ryakukora aha minwa, okutahiirira kwawe kwakwihwaho, n'ekibi kyawe kyasaasirwa. 8#Kut 1:26. Bwanyima naahurira eiraka rya Mukama naagira ati: Ntume oha, kandi n'oha oraatugyendere? Ntyo naagarukamu nti: Ndi aha; ba niinye waatuma. 9#Mat 13:14, 15; Mak 4:12; Luk 8:10; Byak 28:26, 27. Yangira ati: Irooko ogambire abo bantu oti:
Okuhurira kwo muhurire, kwonka mutashoborokyerwa;
N'okureeba mureebe, kwonka muteetegyereza;
10 #
Yoh 12:40. Hindura emitima y'abo bantu ebirite,
Oigare amatu gaabo,
Kandi ohumye amaihso gaabo,
Batakaareebesa amaisho gaabo,
N'okuhurira n'amatu gaabo,
N'okwetegyereza n'emitima yaabo,
N'okuhinduka ngu bakizibwe.
11 #
Isa 1:7. Bwanyima naagira nti: Mukama wangye, ebyo biryahitsya ryari? Yangarukamu ati:
Okuhitsya obu endembo ziriba emishaka,
Hatakiine otwiremu,
N'amaju hatakiine ogarimu,
N'ensi ekabeera kimwe amatongo,
12MUKAMA akaihayo abantu, akabatwara hare,
Omu nsi yoona hakabamu emyanya mingi y'ebifurukwa.
13 #
Bir 7:6; Yob 14:7. Kandi n'obu haritsigaramu ekicweka kimwe kya ikumi,
Nakyo kiryamarwaho, nk'ekiti ky'omwela,
Nari omunyinya, ekyatemirwe kikatsigara kiri ekitsintsi.
Nikwo n'oruzaaro orurikwera ruriba ekitsintsi kyabo.
Currently Selected:
Isaaya 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
