Isaaya 62
62
Okwendeza Saayuuni okujunwa n'okuba omushana gw'ensi yoona
1 #
Enf 4:18. Ahabwa Saayuuni tindihunama,
Ahabwa Yerusaalemu tindihuumura,
Okuhitsya obu okuhikiirira kwayo kurishohora nk'okumurinakan,
N'okujunwa kwayo kukaba nk'etabaaza erikwaka.
2 #
Zab 98:2; Kush 2:17; 3:12. Amahanga garyareeba okuhikiirira kwawe,
N'abagabe boona bareebe ekitiinisa kyawe,
Haza obwo oryayetwa eiziina risya,
Eri akanwa ka MUKAMA karikweta.
3 #
Zek 9:16. Kandi oryaba ekirunga kirungi omu ngaro za MUKAMA,
N'eihunde ry'obugabe omu ngaro za Ruhanga waawe.
4 #
Isa 54:1-7; Mal 3:12; 1 Pet 2:10. Torigaruka kwetwa Owaatsigirweho,
N'ensi yaawe terigaruka kwetwa Amatongo;
Kureka oryayetwa Enkundwakazi,
N'ensi yaawe eyetwe Oshweirwe;
Ahabw'okuba MUKAMA akushemerereirwe,
Kandi ensi yaawe eryashwerwa.
5 #
Isa 65:19. Ahakuba, nk'oku omutsigazi ashwera omwishiki,
Nikwo batabani baawe barikushwera;
Kandi nk'oku kishwera ashemerererwa kishwerwa,
Nikwo Ruhanga waawe arikushemerererwa.
6 #
Isa 52:8. Iwe Yerusaalemu, ntaire abarinzi
Aha ngo zaawe z'amabaare;
Tibarihunama nyomushana na nyekiro.
Imwe abaijutsya MUKAMA, mutahuumura;
7 #
Isa 60:18; Zef 3:20. Kandi mutamureka akahuumura
Okuhitsya obu arihamya Yerusaalemu,
Akagihindura eky'okuhimbisibwa omu nsi.
8 #
Isa 65:21, 22; Yer 5:17; Heb 6:18. MUKAMA arahiire omukono gwe gwa buryo,
Kandi omukono gwe gw'amaani, naagira ati:
Buzimazima tindigaruka kuha abazigu baawe,
Engano zaawe kuba eby'okurya byabo,
Kandi abanyamahanga tibarigaruka kunywa viinyo yaawe,
Ei waafeereire kubi;
9 #
Bir 14:23, 26. Kureka abarizishaaruura nibo barizirya,
Bakahimbisa MUKAMA,
Kandi abaricwa emizaabibu yaawe
Nibo bariginywera omu bikaari by'Omwanya gwangye ogurikwera.
10 #
Isa 11:10; 40:3, 10. Murabe omu marembo, mugarabemu,
Mubonereze abantu omuhanda;
Mutinde omuhanda rugyendwa, mugutinde,
Mwihemu amabaare,
Mwimukize abantu orurango.
11 #
Zek 9:9; Mat 21:5. Reeba, MUKAMA arangire okuhika aha muheru gw'ensi,
Naagira ati: Mugambire Saayuuni muti:
Reeba, okujunwa kwawe nikwija;
Reeba Mukama naija aine ebihembo,
N'enzimuurano ye emwebembeire.
12 #
Isa 61:6. Kandi baryayetwa abantu abarikwera,
Abacungwirwe MUKAMA;
Naiwe oryayetwa Oshweirwe,
Orurembo orutatsigirweho.
Currently Selected:
Isaaya 62: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
