Isaaya 63
63
Okusingura kwa Kristo ahabwe wenka
1 #
Isa 34:6; Zab 68:7. Oriya n'oha owaareetwa Edomu,
Owaaruga Bozira ajwaire emyenda etukuziibwe,
Ojwaire eby'ekitiinisa,
Kandi orikugyendesa amaani maingi?
Niinye, orikuranga okuhikiirira,
Oine amaani kujuna.
2 #
Kush 14:20; 19:13. Ahabw'enki emyenda yaawe neetukura,
Ebijwaro byawe bikashusha eby'orikunyuukira omu inyuukiro rya viinyo?
3 #
Isa 59:16; Yoel 3:13. Nnyukiire omu inyuukiro nyenka;
Omu bantu b'omu mahanga tihariho n'omwe ou mbaire nyine;
Naabaribata ngwirwe kubi,
Naabaribatiirira nyine ekiniga;
Eshagama yaabo yaataraakira ebijwaro byangye,
Emyenda yangye yaagiibwaho amabara.
4 #
Isa 34:8. Ahabw'okuba ku naabaire mmaririire kutaho eizooba ry'okuhooreraho enzigu,
Omwaka gwangye gw'okucungura gwahika.
5Naamagamaga, naareeba hatariho w'okumpa emikono;
Naatangaara kureeba hatariho w'okumpwera;
N'ahabw'ekyo omukono gwangye gwandeetera obusinguzi,
N'ekiniga kyangye kyangumya.
6 #
Isa 49:26. Naaribatiirira amahanga ngwirwe kubi,
Naagasinza n'ekiniga kyangye;
Eshagama yaabo naagishesha ahansi.
Eby'embabazi za Mukama ezi yaagiriire Abaisraeli ira
7 #
Zab 145:7. Ndyagamba aha by'embabazi ebi MUKAMA yaakozire,
N'aha by'okumuhimbisa,
Nk'ebi yaatuhaire byona oku biri,
N'ebirungi bingi ebi yaahaire enju ya Israeli,
Nk'okusaasira kwe oku kuri,
N'embabazi ze nyingi oku ziri.
8Ahabw'okuba akagira ati:
Buzimazima aba n'abantu bangye,
Abaana abatarikukoresa bugobya;
Atyo yaaba Omujuni waabo.
9 #
Bir 7:7, 8; 32:10-12; Bar 10:16. Omu kubonabonesibwa kwabo kwona nawe akabonabonesibwa.
Kandi maraika wa Ruhanga wenka yaabajuna;
Ahabw'okukunda kwe n'okubagirira esaasi akabajuna,
Yaabakiriza, yaabaheeka omu biro bya ira byona.
10 #
Zab 78:17, 40, 56; Ezk 20:8; Byak 7:51; Efe 4:30. Kwonka bakagoma, baagwisa kubi Omwoyo we Orikwera;
N'ahabw'ekyo yaahinduka omuzigu waabo;
Kandi We wenka yaabeerwanisiza.
11 #
Kur 14:19-22; Zab 77:11-20. Bwanyima abantu be baijuka ebiro bya ira,
Baijuka na Musa omugaragwa we, nibagira bati:
Owaabaihire omu nyanja
N'abariisa b'entaama ze, arahi?
Owaabataire Omwoyo we Orikwera ahagati, arahi,
12 #
2 Sam 7:23. Owaagyendeise omukono gwe gw'ekitiinisa
Aha mukono gwa buryo ogwa Musa,
Akataanisa amaizi omu maisho gaabo,
Ngu ayetungire eiziina eritahwaho,
13Akabarabya ahagati y'amaizi maingi,
Batateere ntsibo nk'embaraasi erikuraba omu ihamba?
14 #
Kub 10:33. Nk'ente ezirikushuuma omu ruhita
Nikwo Omwoyo wa MUKAMA yaabahaire obuhuumure.
Okwo nikwo yaayebembeire abantu baawe,
Ngu oyetungire eiziina ry'ekitiinisa.
Okushaba Mukama okugaruka kuzigirira abaana be ab'ebiro ebi
15 #
Isa 59:17; Bir 26:15. Naga amaisho ahansi nooyema omu iguru,
Oreebe ori omu butaaho bwawe oburikwera kandi obw'ekitiinisa.
Obweziriki bwawe n'eby'amaani ebi waakozire, birahi?
Okwetenga kw'omu mutima gwawe n'embabazi zaawe
Mbiimirwe.
16 #
Bir 32:6. Manya, niiwe Tataitwe,
N'obu Abrahamu araabe atarikutumanya,
Israeli atwogire.
Iwe MUKAMA niiwe Tataitwe;
Omucunguzi waitu okuruga ira ryona niryo iziina ryawe.
17 #
Zab 90:13; Yoh 12:40. Ai MUKAMA, ahabw'enki nootuhabya emihanda yaawe,
Okatugangaaza emitima, tutakutiine?
Garuka ahabw'abairu baawe,
Nizo nganda z'obuhunguzi bwawe.
18Abantu baawe abarikwera bakamara omwanya mukye
Baine Omwanya gwawe ogurikwera;
Mbwenu abazigu baitu baguribatiriire.
19Twaba nk'abu otakategyekahoga,
Kandi nk'abatakeetererwaga iziina ryawe.
Currently Selected:
Isaaya 63: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
