Popular Bible Verses from Isaaya 62

Share

Torigaruka kwetwa Owaatsigirweho, N'ensi yaawe terigaruka kwetwa Amatongo; Kureka oryayetwa Enkundwakazi, N'ensi yaawe eyetwe Oshweirwe; Ahabw'okuba MUKAMA akushemerereirwe, Kandi ensi yaawe eryashwerwa.

Iwe Yerusaalemu, ntaire abarinzi Aha ngo zaawe z'amabaare; Tibarihunama nyomushana na nyekiro. Imwe abaijutsya MUKAMA, mutahuumura; Kandi mutamureka akahuumura Okuhitsya obu arihamya Yerusaalemu, Akagihindura eky'okuhimbisibwa omu nsi.

Kandi oryaba ekirunga kirungi omu ngaro za MUKAMA, N'eihunde ry'obugabe omu ngaro za Ruhanga waawe.

Ahakuba, nk'oku omutsigazi ashwera omwishiki, Nikwo batabani baawe barikushwera; Kandi nk'oku kishwera ashemerererwa kishwerwa, Nikwo Ruhanga waawe arikushemerererwa.