Popular Bible Verses from Isaaya 6

Share

Bwanyima naahurira eiraka rya Mukama naagira ati: Ntume oha, kandi n'oha oraatugyendere? Ntyo naagarukamu nti: Ndi aha; ba niinye waatuma.

Omwe yayeta mutyenzi we naagira ati: MUKAMA ow'amahe n'Orikwera, n'Orikwea, n'Orikwera; ensi yoona eijwire ekitiinisa kye.

Bwanyima naagira nti: Ai bambe! Mbwenuho naahitsya, ahakuba ndi omuntu w'eminwa etashemeire, kandi ntuura omu bantu abaine eminwa etashemeire; ahabw'okuba amaisho gangye gaareeba Mukama, MUKAMA ow'amahe.

Omu mwaka ogu omugabe Uziya yaafeereiremu, nkareeba Mukama ashutami aha kitebe ky'obukama, kiraingwa, ekitairwe ahaiguru, n'ebijwaro bye ebiragaize biijwire hekalu.

Yaarinta aha minwa, yaagira ati: Reeba, eri ryakukora aha minwa, okutahiirira kwawe kwakwihwaho, n'ekibi kyawe kyasaasirwa.

Baaserafi beemereire ahaiguru ye; buri omwe aine amapapa mukaaga, abiri ageekingiize ahamaisho, abiri agashwekire ebigyere, kandi abiri naagagurukisa.

Ahonaaho omwe ahari baasiraafi yaaguruka, yaija ahi ndi aine eikara eririkwotsya omu ngaro, eri yaiha aha itambiro n'oruhana.

Yangira ati: Irooko ogambire abo bantu oti: Okuhurira kwo muhurire, kwonka mutashoborokyerwa; N'okureeba mureebe, kwonka muteetegyereza

Hindura emitima y'abo bantu ebirite, Oigare amatu gaabo, Kandi ohumye amaihso gaabo, Batakaareebesa amaisho gaabo, N'okuhurira n'amatu gaabo, N'okwetegyereza n'emitima yaabo, N'okuhinduka ngu bakizibwe.